英雄可能聯盟：強戰崛起: 疾風女俠（上）
伸敏兒 同
探險隊
探索古堡 確定
佢地要搵 歷史遺跡 綠光寶石
因為綠光寶石擁有神秘力量 雖然個種力量唔係人人都可以駕馭得到
但係佢地點都要試一試到底係唔係果個天選之人
聽講 綠光寶石會係 遺跡 古堡出現過 果度兵亦長期住咗一位老人 而果個老人 就係伸敏兒 本來古堡係冇人嘅 因為伸敏兒同探險隊一次去古堡探索 探險隊嘅人無一幸免 淨係得番伸敏兒一個係度 而佢一直係度就係仲未解開呢個 綠光寶石之謎
.........
1128日
daddy 秘密武器所
位於中市心嘅酒吧街 果條街 朝早係冷冷清清嘅 鋪頭都唔會開門
因為係朝早嘅關係 所以酒館仲未開 我地嘅酒館開放時間係傍晚6點到第二朝6點 只有12個鐘 但係每日嘅生意係好旺場 ...
位於一個酒館地下室一個武器所 正當但不能對外供開嘅 阿月 daddy 同政府都有密切嘅聯絡 政府周不時都會問佢地借助 武器所好大 隔離就係酒架 存放咗好多酒類 有根原空運嘅葡萄酒 市面係無得買 只有我地可以擁有 除非你飛去根原
不過根原嘅酒只會招待朋友 一般人都品嚐唔到
我係daddy個女 叫阿月
我係一個好有勇氣嘅女仔 身型都算標準 樣都算ok 係有人追過我 不過因為性格關係所以我地散咗 之後就無再搵新對象
呢一日 我隨daddy落去武器所 內面有齊各種各樣嘅武器 有刀 劍 弓箭 十字鎬 斧頭 槍 棍 甚至盾都有
有啲掛係牆 有啲好似啲標本咁 鑲咗係檯面
「今日真係大開眼界...」我道
「刀 日本式武士刀 比教長身 而且相當聚手 以鋼鐵所製造 呢一把刀亦係上等 （德村自己）用過嘅刀 非常珍貴 係呢度嘅珍品」daddy道 佢將把刀掛咗係牆上 用個架鑲上
所謂遠看不可褻玩焉 邊個敢去掂佢 我daddy都唔會放過佢
「之後有劍 有弓等等 不過呢 我想送把弓箭俾你做生日禮物 有需要時就可以用到佢...」武士刀下邊就係弓箭大櫃 滿裝一把把弓箭 各有名堂
「多謝daddy...」因為我對弓箭都唔係好熟悉 所以我揀咗一把比較輕巧嘅弓箭 太重對我嚟講又拎唔起 咪搞我
「既然你揀好咗弓箭 以後你就係呢把弓箭嘅新主人喇...」daddy道
「知道daddy....」
離開咗酒館下 嘅地下室 上番地面
Daddy介紹各種武器之後 就想我學自衛術 我從小就想擁有一技旁身 而家終於可以一展所長
以我嘅智慧 好快就可以登上巔峰.....
就係呢一個星期
Daddy搵咗個人幫我練習 佢就係daddy嘅細佬 我叫佢叔叔
我從小對武力都無咩研究 因為我覺得女仔係應該由男仔去保護 而且
我對歷史有啲興趣研究 不斷會去圖書館查書 呢個興趣正正唔係個個男仔都啱 通常都係我自己一個人去查
叔叔呢 有跆拳道三段 黑帶三段 一般人同佢打架 係唔會打得贏我叔叔 我叔叔份人又很隨和 唔會鍾意勉強人 而我呢 只有想做某件事 只要肯訓身 我都會做好佢 就好似自衛術
「自衛術 有時要配合用腳踢 用手打 或者摔跌敵人 以後遇到咩事都可以一技傍身 哈哈哈...」叔叔好識講笑
「有時候 唔一定要做進攻嘅果一個 做防守型 睇定啲敵人嘅方向再進擊都未遲....」叔叔道
叔叔捉住我腰 輕輕咁就將我摔落地 呢個係示範
同我練習嘅時候 會就住我 因為我係初哥嘅關係 到練熟咗再教我新野
我牢牢記住係腦海裡.....
「估唔到進步得咁快..」叔叔讚美 雖然我都怕羞 但我都唔會驕傲 我仲會成為最強
「我會繼續努力嘅...」我道
叔叔都為我加油
但願如此
就係咁 呢一星期嘅練習過咗去
........
1月25日
呢一日 我去咗圖書館繼續我嘅歷史研究
圖書館大到你唔信 淨係歷史類都有兩大層 有時我都會去到呢度搵資料 有時一搵都幾個鐘
我daddy除左係酒館嘅老閣 另一個身份係圖書館館長 呢度大大小小 好多書佢都會整理一下 上至天文 下至地理
呢間圖書館通常都係我daddy一個人打理 間中老媽子都會幫下手...
「阿女 咁早嘅？」daddy從二樓樓梯行緊落嚟
「無 見訓唔著 早咗起身....」我道
「我準備咗啲關於古堡嘅野 睇下有無用？」daddy道
「唔該 daddy..」我道
不過個日佢咁啱執緊歷史部個層啲書 有啲己經好舊 因為歷史嘅書好少人會借
最近查緊古堡嘅事 而我對古堡嘅事相當有興報趣
古堡係唯一線索
我咁啱摷到一本古書 唔多唔少都係關於寶石嘅事跡 仲有一啲未知嘅秘密 例如古堡嘅位置
除咗綠光寶石 仲有紅光寶石 同藍光寶石 相傳就可以了召喚兩隻巨大嘅怪身 分別係冰神 波得比美塔 另一個係火神 土里德沖
我會一直研究下果兩隻係咩傢伙
中午
咁啱摷到另一本叫做古典嘅書 非常殘舊 裡面蘊含古堡有用資料 不過有部份係古文 所以我唔識睇 不過揭開後邊 原來有翻譯古文嘅內容
2月25日 有無人搵到紅寶石藍寶石都好 地球都會末日 因為 冰神火神都會召喚出嚟 呢件事無人可以阻止到
雖然未知道呢件事確定性 不過距離2月都有一個月時間 如果係真實性 我相信大家都心驚膽跳
古典 會有呢一句字眼出現 「凡請勇士拯救世界」 點樣拯救世界 我都係毫無頭緒...
另外有提到嘅係 古堡己經被破壞了 提到有一隊人去探索之際 己經召喚到冰火兩神 最後只有一個人可以留低 果個人就係伸敏兒 跟住伸敏兒就靠自己一個人去修復古堡 我心諗 呢個人都幾犀利
我越來越有興趣去古堡見識下
我覺得把弓箭開始應該可以用得著
1月28日
研究咗幾日
我把心一橫決定好去古堡探險
Daddy雖然都知道有危險 但佢選擇咗請一個月假同我去古堡搵真相
「咁啦 阿女都廢枕忘餐咗幾日 等你休息一下我地再出發...」daddy道
「都好 咁你走咗 圖書館邊個打理？」我好奇問 因為圖書館咁多年嚟都係我daddy一個人打理
「你老媽子都可以睇住嘅 放心交俾佢..」daddy道
老媽子得知我地會古堡探險 佢都同意我地去 最緊要記者安全番嚟....
我聽從daddy嘅提議 決定養好精神 無去咗練武 呢一日 就訓到成隻死豬咁款
傍晚
Daddy如是者關好圖書館大門 準備去酒館開鋪 老媽子都會去幫daddy手 因為夜晚都有一定生意額 除咗我daddy同老媽子 最近仲請兩位得力助手
我有勸過 daddy 多啲休息 不過酒館有時人手唔夠 佢都會幫下手
一晚大概一間餐廳一個晝嘅生意 都算係勁...
不過呢一晚 唔知咩事 特別靜態
「都發踩好一陣 到底都未見到人？」得力助手有兩個 一個叫健 一個叫凱 呢個人講野嘅係健 佢識沖飲料 而且仲要好好飲
「有時靜下 休息一下都係好嘅...」daddy係 個開通嘅人
兩個人見到daddy係後面 立即彈係身 差啲嚇死佢地兩個
「放鬆啲 ...無咪聽日再搵過 聽日唔得咪後日 總有一日會旺番 你沖野飲咁好飲 連我都讚同 我相信啲人最近忙啫...」daddy道
半個鐘之後 終於有一批人入嚟
「唔.....」
搞事 .... 類似飛仔 一身裝扮 一抽二抽 帶埋黑超咁嘅款 入嚟就踢凳 反檯
「叫你地老闆出嚟..」
其中一個人言道 相信佢就係呢班人嘅頭目 佢個身高 無特別高 啱啱匿埋咗後面 無人見得到佢
「發生咩事？」daddy咁啱係廚房入面 聽到聲就出去嚟
「我而家好唔滿意你日日都咁旺場 其他鋪就咁靜 教訓你想你知難而退」
死飛仔果然未識死字點寫
今日嘅我 訓教咁一整日 跟住想去daddy酒館幫下手 點不知 係酒館出面就睇到一班飛仔 daddy而家嘅處境非常危險
「仲有你地啲野飲搞到我地嘅人中毒 呢件事我係唔會就咁算數 你既然係老闆 不如咁啦 俾我打一身睇下我順唔順番條氣..」 死飛仔 口出狂言 大逆不道嘅說話
連阿健係水吧都不忿...
我個一刻無諗咁多野 淨係想搞好件事 二話不說 即刻衝咗入去 呢排練番嚟嘅成果 終於大派用場
班飛仔視線轉移到我身上 一班飛仔向我攻擊
「小心呀 阿女...」
我彎身避開咗佢地嘅攻擊 喝住就係我反擊嘅時候 一隻手一拳打中就近飛仔塊面 另一隻手大力打中一個嘅肚 我感覺到我嘅身體好敏銳
佢地幾多人我都好快輕鬆打壓佢地 除咗頭目
佢個額頭開始滴汗
應該係好緊張
「可惡 我地走...」
但係無一個人企得番起身...
「傷咗啫 又未死唔好扮野 起身..」頭目一腳踢佢哋其中一個身上
佢地緩緩地起身離開酒館
「阿女 做得好...」daddy睇得好精彩
「呢個係你個女？」阿健道
「係呀..」daddy回應
「哈囉.....」佢點頭向我打招呼
「嗨 」 視線望向daddy 我又再說 「話時話 點解會有飛仔出現咗？」
「佢地話我地日日大旺場 同埋尋晚杯野飲中毒佢地其中一個..我真係覺得有病應該睇醫院 搵我找數？有事就去搵警察...」daddy道
阿健出嚟幫手整番好俾飛仔搞亂哂枱枱櫈櫈 我都有幫手執反好個場
「唔該哂 未知你叫咩名？」阿健問
「我叫阿月 daddy最近話請到人幫佢手 應該就係你啦 ..我多謝你先真 佢呀日忙夜又忙 休息嘅時間都少...」我都無好氣講daddy
「小事 幫到你daddy乃係我榮幸...」阿健係一個怕羞仔
「真係吖....」我道
「睇嚟今日唔會有咩生意 大家早啲返去休息啦...」daddy咁講都有佢道理
就今晚
Daddy決定將酒館提早休息
訓咗成日嘅我 呢一晚我訓唔著 眼光光 到天光 唯有上下網搜索下古堡嘅資料
雖然 網上面係唔會查到啲咩 因為現代人對古堡嘅認知實在太少 無講話 位置 連個樣都查唔到 只有古書有佢嘅存在 既然無咩線索 暫時都係停止搜索嘅工作
訓唔到就睇咗陣書 因為我試過睇睇下書書訓著教 我就試下 點不知 睇到一陣 就係螺咗係張床度訓著咗 一訓就訓到天光
我真係太攰了
呢一晚一樣好好訓
........