英雄可能聯盟：強戰崛起: 疾風女俠（中）
2月4日
探險前一日
Daddy向酒館開臨時特別大會 唔係一早去而係未閂門之前就開嘅大會
「我同個女聽日起大概一個月都會去旅行 所以呢酒館 會休息一個月...」
Daddy道
「咁突然？」健有啲驚訝
「咁酒館唔做生意？」阿凱再問
「暫時休息啦 自從前幾日件事之後 我走咗 佢地有機會會再嚟搞搞震 到時條數你地揹？我唔係度都無人接管呢度 所以我考慮過休息係最好嘅....」daddy隨後道
「我同凱都搞得掂 仲打算請個新朋友幫手 不過你心意意決就算了...」阿健道
「想介紹朋友嚟做呀 下次早啲講嘛 你朋友等唔等到十日？
阿健 我請咗你咁耐 我當你親生仔咁看來待 不過你有陣時做事都比較有少少衝動 我就係為咗大家嘅安全 呢段時間人工方面我會照出 我會要你地無一個月糧 不過有唯一嘅條件...」daddy道
「十日都可以嘅 你有咩條件開聲就得..我樂意配合..」阿健道 阿凱都點點頭
「呢一個月唔可以係出面秘撈 俾我知道 就算人工多與少 我都會扣呢一個人工 我想大家暫時休息 做自己鍾意做嘅事 唔好埋沒係番工 後生仔都有自己一片天」daddy繼續道
「你為我地著想 我無問題 阿凱呢？」
阿凱隨後都點頭
今日起一個月就...暫時休業
阿凱反而會開心 唔駛番工就有錢搵 同時阿健並唔係咁諗 佢係想幫到daddy幾多得幾多
2月5日
採險第一日
我有咗個背囊 裡面有把屬於自己嘅弓箭 帶咗一啲食物 水 衫 等 而老豆會帶帳篷嘅用具
我地計劃 十日後要番嚟
朝住古堡上嘅地方 根原當原來同我地酒館啲酒同一個產生地 呢個真係意想唔到 我地坐私人飛機去根原
私人飛機係daddy嘅 而daddy識揸私人飛機嘅 我唔知佢有私人飛機牌照 不過講真 我又真係好少會理daddy咁多野 佢本日早上又要番圖書館 夜晚又要打理酒館.....
我地係屋企後院嘅一片森林 裡面有個用帆布鋪住好多塵嘅私人飛機 睇嚟架飛機應該好多年無用過
Daddy嘗試開番架飛機
不過daddy咁耐無揸飛機 佢嘅技術一樣無生疏到 一樣咁專業
「不愧係daddy 揸飛機技術果然係一流...」我坐係daddy嘅後面 大叫讚好
「駛咩講 坐穩啦 我地起飛啦....」
Wo....
終於俯瞰整個自己身住嘅城市 離開上空 向根原出發
大概幾個鐘 到達咗目的地
根原 大城市
我好少會出外遊埠 最多都係附近啲地方 第二次出外遠行 感覺同好耐之前又唔同咗
第一日出外係好細個嘅事 個啲daddy未係圖書館館長 就咗啱一家人去旅行 去過迪亞 大樂園 動物園 個時真係依依不捨
呢一次我地停係郊外一個近草原嘅地方 格籬就係古書提及嘅 片花林林
片花森林 顧名思義 裡面種滿好多一草一木 好茂盛 完全感受到大自然嘅空氣
不過
古書有提及 一定要穿過森林 經過洞窟 海邊 古廟 草原 冰山 同火山 先可以到達古堡所在地
好癲 真係一場驚險刺激嘅旅程....
因為你想講嘅地方都會出現 好似打機咁 最後打大boss？
片花森林
最容易蕩失路 大多嘅花草都差唔多樣 一係就定個記號 萬一行番原來位置都知道
我同daddy從左至右上至下 一直行 一片林林 無任何生物居住係度 一片寧靜
萬年洞窟
我約隱約隱現好似有座山 我相信應該到咗古書嘅洞窟 但我地環繞住搵 都未見到有個窿 定係我地嘅幻覺
突然我個肚 打鼓
「不如係度 食咗野先再搵？」我道
「可以....」我從背囊攞出兩件三文治 仲有兩支水出嚟
「唔該..」我遞食物俾daddy
「好彩盪失路嘅森林我地己經過咗嚟呢座山 如果唔係就要一直停留..」daddy道
我翻查古書
原來古書所指嘅萬年洞窟 係一座山 即係我而家身處呢度 然後要搵下就要搵下機關 先可以開到萬年洞窟
不過我心諗 古時嘅人會識整機關？仲有探險隊 咁犀利知道有機關可以過去？
謎底終於揭開
原來山洞入口旁邊有個可奇形怪石 我唔覺意摸一摸舊石 又真係有個窿 嘅門自動打開咗
我地食完野 又開始繼續我地嘅探索
之後
因為山洞越行越細 我地都要踎低行 跟住行到出去 就發現有幾個窿嘅出口
麻煩嘅係 唔知邊個先係出口 唯有逐個逐個試 從一個入口入去之前daddy攞咗支大筆出嚟 畫個記號 方便我地再出嚟嘅時候 被免再入番
入到入面 開始漆黑一片 我打開一個電筒 一直往前行
有個火光照射緊我地兩個
竟然會有人？
原來有隻 唔似人嘅物體佢仲識發光 我暫時稱佢為怪物 因為佢都幾得人驚...
「怪物？」
我唔敢直望佢
「班唞魯~」佢唔識講人話 淨係班唞魯 一直叫 跟住我地就覺得好唔對路
「走呀 調頭走呀 呀女....」daddy示意我逃走
因為隻怪物想襲擊我地
我地向後逃走 避開隻怪物
我邊走邊講
「如果雙怪物後面係真正嘅出口咁點算？」
「出口？會係怪物後面？我地出去行埋其他先 如果唔係 就十成係呢度 咁我地再去攻擊隻野都未遲...」daddy提議
我沿路出番去 隻怪物無跟住我地 平安無事 除左有怪物嘅入口 仲有成7個出口 逐個逐個搵都幾濕滯..
到最後 大多都係死胡同 有兩個就係懸崖咁 我唔會想跌落個懸崖 我唔想無命呀 我地再次行番有怪物嘅窿 我攞出我嘅弓箭 一定要消滅佢
就係入口入少少
「向前射 入面係直線 中頭獎會好高...」daddy再道「好彩你揀嘅呢把弓箭 係穿透箭..」
穿透箭 顧名思義 係穿過任何物件
「我拉架喇...」
我擺好拉弓嘅姿勢 向前一射
射出一箭就急腳向前 雖然隻怪物好似己經死咗 但係前面唔係盡頭 係懸崖
又係咁...
係我地困惑之際 隻怪物翻生 好嬲咁衝埋嚟 我地差錯腳一同跌入懸崖
「救....」
我覺得我會就咁死去
跌落去海入邊 慢慢靠近陸地
即係話 我地應該到咗海邊 但係我地件衫濕哂 怪物無跟住我地 海邊附近咁啱都有細小樹木 我地鑽木生火
「整番乾件衫先再行...」daddy道
用咗一段時間 火終於生到 啲柴咁幼 好容易整斷 我地逗留咗係海邊一兩個鐘 抖咗一陣 啲衫都乾得七七八八 我地再繼續行
「啲衫又會咁快乾...」我覺得奇怪
「海邊都有樹...故意俾我地生火 整乾啲衫？」
「我覺得呢啲樹唔係普通嘅樹 有啲問題 不過既然乾咗 就繼續往前行...」daddy道
海邊之後就係古廟 海邊好快就過去 可能係中途俾番啲甜頭你...
古廟個位置係非常明顯嘅
入一去古廟 就會即刻閂門 又嚟機關定玩密室逃脫 古廟好大 得一層 仲要高到睇唔到個頂
我地分頭行事睇下有咩線索 全部都好大牆壁 仲掛住好多高度不一奇特嘅畫
「到底係邊個畫既呢？」望到有啲全神貫注 我嘗試去摸摸啲畫 睇下有無機關 有啲畫有啲超越我嘅高度 所以己經放棄咗
當然一啲收獲都無
行行下就同daddy碰面
「點呀 呀女搵唔搵到啲咩線索？」daddy問
我搖一搖頭「無呀 我係覺得啲畫好奇怪 跟住就無了...」
因為除左畫 咩都無
我地決定休息一陣 先再出發
突然有個光係我地眼前 慢慢閃過 約隱約現會見到一道門開咗 個道光好殘眼就嚟刺激到我眼睛
道光消失咗後 我往出口方向進發
無錯 係古廟嘅出口 雖然唔知點解我地坐係地下會開到出口
不過出到去就見到個人
一位老婆婆
「伸敏兒？」
我覺得佢係古書裡面提及嘅人 名叫伸敏兒 佢係呢度咁耐 應該都係佢
「我唔係伸敏兒呀 我係住呢間屋嘅主人 咁啱聽到古廟有聲咪睇下咩事囉...」老婆婆指一指古廟格籬間屋 道
原來係老婆婆開門放咗我地出去
「因為呢 你地坐住地下 地下有裝置 會令到我間屋嘅警報響起 所以我知道有人入過嚟古廟...」老婆婆繼續道
即刻話佢係守住呢個古廟嘅人
同老婆婆道別就問下佢關於古堡嘅事 但係佢話一啲都唔知 呢下令我不解
點解會有老婆婆出現呢度但係對呢度嘅事一無所知....？ 老婆婆又係邊度嚟...？
想望反轉頭 跟住間屋直頭唔見咗
「間屋呢？ 去咗邊？」
我同daddy望向後面 本身有間屋係度 轉個頭就消失咗
「頭先應該要影張屋相 都係我失策...」daddy拍拍自己額頭
無他嘅 都過咗去 繼續往前行仲好過......
用咗一晝嘅時間 行過大片草原
真係好想攤係度訓陣 有陣風吹過都幾舒服 同森林係一樣 一隻生物都無 一大片青草地 好靜 不過今次容易啲搵出口 因為無樹遮住
我地四周圍探索 真係睇唔見盡頭 又係另一個謎題 越行越攰 越行越攰
「咁樣無了期咁行唔係辦法阿...」我道
「一定又係機關嘅野 呢度除左遼闊嘅草原 就咩都無 或者從地下入手？」daddy道
「啲草大多 點搵機關？」我問
「如果真係有心想設機關 應該會有個位俾你搵到...」daddy繼續道
講真 除左草原 真係無咩特別 往地下發展都係好事
「呯呯...」
地上無咩異樣 我地又坐係地下一陣 睇下會唔會有個老婆婆出現 過咗一陣 都係安靜完場
「奇怪？火山同冰山..？會唔會係冰神同火神 封印嘅地方？」我翻查古書
「如果係咁嘅道理 呢度應該會出現一座古堡..」daddy道
「daddy講得啱 所以我地要搵啲係古堡 而唔係冰山火山...」我道
我地照住古書一點線索 搵下古堡嘅位置
搵到天色都漸暗 到咗日出西山
「今晚係度紮營？」我問
「今日都行咗成日 休息一下聽日再探索都好嘅...」daddy說完 從背囊攞出紮營要用嘅野
就係咁 今晚係度訓咗一晚
2月6日
陽光普照嘅日子 我俾一陣強光甦醒過來 無錯 你太陽刺到我嘅眼睛
尋晚的確好好訓...
食過早餐 就開始繼續進發
因為我地都無頭緒 但係我又唔想漫無目的周圍搵 所以就搵下古書睇下有咩線線索
注意 我地仲有草原度...
不過無可能會穿過冰山火山先自到古堡...
睇睇下古書 發現到有啲唔對路
去到冰山嘅字之後就無再講冰山直接跳向火山 通常都會形容下冰山點樣點樣 因為草原 古廟都會講 佢就係果個斷開咗啲野
「冰山應該係紅藍寶石嘅出現既地方...」daddy想咗一想 「所以好大機會我地要搵嘅野就係冰山火山..」
係我地傾計嘅同時 有個人出現我地面前 係一位老人 不過唔係尋日果個 佢自稱 自己 為
伸敏兒
「伸...敏....兒...」
我叫道
「你地係嚟搵綠光寶石嘅 係咪呢..？」伸敏兒道
「你點知架？」我道
「嚟得呢度都係搵綠光寶石架喇 我用平行時空帶你地古堡啦 相信你地會有感到意外嘅...」
伸敏兒 己經變成一個拎拐杖嘅老人 係咪因為年事已高 所以唔再出嚟凡間生活 直接隱居古堡？ 呢個都好值得一問
佢用佢方法帶我地入平行時空
「係喎 你一直都待係古堡生活？」我問
「無錯 以前因為想搵得到綠光寶石 點不知我唔係天選之人 係無錯 我搵到寶石 但我試過幾次 差啲無命 所以放棄咗 直到想搵適合人選接收佢嘅力量 所以我編寫一本古書 即係你手上個本..」佢直望我daddy手上本古書 再道
「 咁多年嚟 都無人嚟過呢度 直到你地出現 ...」
「咁冰山同火山口就即係冰神火神嘅居住地...？」daddy問
「無錯 只要你召喚出嚟就會出現呢兩個地方...」伸敏兒 繼續道
行行下 平行時空己經到盡頭 終於發現古堡
「其實古堡之前己經被破壞 所以我一直係度花時間去修復佢 我不斷來回出面搵人再搵材料收復 本來古堡入面係迷宮 不過因為被破壞 變咗一座有藝術嘅建築物 而家入面中間就係綠光實石 如果你係天選之人 恭喜你你可以收取佢...」伸敏兒
「你捨得寶石俾人攞走？」我道
「如果你係天選之人 我絕對願意送俾你 同埋傾咁耐 我都睇得出 小姐係一位善良嘅人..」伸敏兒竟然讚我
「過獎..」daddy都有啲怕羞..
古堡周圍都係好平靜 無咩野圍住古堡 除咗綠光寶石 我都有興趣想知紅藍寶石
據說紅藍石不知去向 但如果有人搵到再召喚出嚟就好大件事 除非有人駕馭綠光寶石 但係目前仲未有呢個人嘅存在...
我係入面見到一顆閃亮嘅綠色寶石 如果駕馭唔到就會俾寶石受到傷害 如果駕馭得到 寶石就會自動融入身體 跟住就會有某種力量
Daddy攞上手一試 傷害嘅威力 彈到我周daddy十好遠 飛出街咁痛
「點呀 有無事呀 兩位..」伸敏兒 安慰完再道
「睇嚟你地兩位唔係天選之人...」
「咪住先....我daddy試過唔係 但係我未試 你又點知我係唔係？」我道
「因為我見個寶石彈開咗你地....」伸敏兒終於了說話 我就拎起顆綠光寶石
結果
寶石 有一道光吸入我身體
即係代表我駕馭到寶石嘅力量？？
「小組 你成功啦 我咁年嚟係度 都未見到咁開心嘅事 今日一定要賀一賀佢..」伸敏兒開心到嚟唔切
原來佢古堡有酒架 仲有好多酒 例如同我地酒館收藏嘅酒 都係來自於根原
「連酒都同我地一樣..」daddy道
「原來你地都識呢隻酒 果然係識飲之人..」伸敏兒道
「伸伯伯 你己經仲可以飲到好多酒？」我問
我覺得叫佢全名好似無咩禮貌
「你傻喇 我以前個朵 千杯不醉小生 多多酒都難我唔到嘅...」伸敏兒道
「今時唔同往日 己經仲可以千杯不醉..？」我問
「太多當然唔得 因為己經搵到天選之人 所以係好值得慶祝嘅...」伸敏兒叫道
除咗來自根原嘅葡萄酒 仲有火雞 只係爭個冓火 就完美了
「話時話 點解你會有平行時空？如果無平時空你又點搵到古堡？草原一望無際架喎..」我問道
「其實之前唔係大平原 仲有怪物生物 花花草草咁 不過有一次有人嚟過 蓄意消滅佢地...其實未見到怪物 第一時間就見到古堡 然後..古堡有另一種平行時空隧道的魔法 所以我就用咗佢嘅魔法 ..」伸敏兒回答道
終於明白佢點解要守住古堡 就係想保護古堡 唔想有人再破壞佢
晚上 我地三個人係古堡慶祝 可以話係通頂直落 傾個不停 我都睇得出佢係重情嘅人 一邊食烤過嘅火雞 一邊就飲紅酒 正呀
雖然 我地伸敏兒同大戰三百回合 （我指嘅係飲酒）
因為我地都會體諒 伸伯伯