再見，是再見還是再也不見？（重製版）: 第二話

 第一次穿越既時候，我都覺得好震驚，我記得當時...

...…………………

 當我睇完第三封信既時候，我已經傷心到使淚水充滿了眼眶。點解妳要再一次離我而去，呢一刻我腦袋充滿左無數個問號。無論係中六既時候又好，定係你無啦啦出現返都好，你既每一次出現都擾亂左我既日常。 點解個天要咁樣對待我，我究竟有咩做得唔夠好。我行去雪櫃攞左支藍妹一個人飲。

酒我有了，但是卻失去建立故事中最關鍵的女主角，這故事不要也罷。隨著醉意的來臨，我開始反思到以往既事情。

 自從上左大學之後，我確實識左唔少人，異性緣都唔錯。但係我始終搵唔到果種「感覺」，又話時間會沖淡一切？我本身諗住普普通通地讀完個degree，畢業打份牛工過世算。但係我真係冇諗過會發生呢啲事，我決定要活出「我地」既人生。我要比你睇到，我都可以好出色的。



 叮～手機發出訊息既聲音，我攞起手機睇，原來係我老死阿輝send訊息黎問我打唔打機。當我打算撳入去覆佢既時候，「叮～」，有一封來自？的電郵。
由於我仲醉醉地，冇留意到係邊個send比我既，所以我就冇意識地撳左入去睇。 

「如果可以，你想回到那一天嗎？」 
【Option】：Yes/No 

雖然我係醉，但係至少我清楚呢個係個scam既電郵。

（下一秒的我撳下Yes） 



【系統提示】
劉祖迪，你將會回到2019年9月1日，屆時系統將會指示你完成目標。 
祝你好運。
…………………

 就係咁，我以一個好不可思議既方式回到中六那年。
首先我要確認自己唔係發緊夢。

 啪！



「好痛呀屌！」
「係你自己叫我打你架。」
「黎黎黎，打完左邊，比埋右邊我打。」
「妳都痴線既！」
我究竟幾痴線先會叫自己老母掌鳩自己... 確認我確實穿越左之後，我即刻打開Email睇下。
有一個名為「任務」既Email置頂左（只有帳戶持有者本人能看到）。
入面既內容：「任務達成的時候你就能夠回去原來的世界。」
 之後係Email入面出現左一個進度條顯示為0%。如果我冇估錯，當進度條達到100%就會係任務完成吧。
 「注意事項：任務期限為100天，如果100天後進度條沒有達到100%，屆時你將會接受懲罰。」

佢冇講到所謂任務究竟係咩，我亦都唔知懲罰係點。
做到既只有見步行步，至少，呢一刻我係有明確既目標！