命中注定我與妳?: 3. 遇上一個重要姐姐

小學放榜啦，不過對我就一D影響都冇。因為爸爸將我同阿哥送左去間私立小學到讀書
 
係一間男校
 
果日慧思佢地一家幾口黎我地屋企坐，順道問埋慧思派左邊間小學
 
「佢?佢真光幼稚園真升真光小學呀」
 
「大坑呀?」
 


「係呀契媽」
 
「之後日日daddy車妳返學?然後先車媽咪?」
 
「我搭校巴呀」
 
慧思走到去我間房到玩
 
「你就好啦!間房咁大」
 


「妳都有間房架嘛」
 
「我果間係宿舍，都唔係自己屋企」
 
「叫姑丈買囉」
 
好快慧思就衝左出去廳到
 
「daddy!!!不如我地搬黎呢到住好唔好呀?又近契媽同埋醫生公公佢地」
 


其實當時姑姐手上，已經拎住左樓盤資料
 
我好唔明白點解爸爸要安排我入男校到讀書，難道佢認為阿哥會保護我?就算係，佢都已經6年級，佢點保護我呢?
 
今個星期六，我地學校有活動，阿哥就返學校，而我就跟住佢返學校悶。家姐今日上晝仲要排球隊練習，所以我冇得同佢去玩，唯有靜靜地拎本書係學校到睇。
 
「細佬，我地返去啦，家姐黎接我地啦」
 
我等左咁耐，終於等到家姐黎啦。我自細就好鍾意痴實我家姐
 
我地三姊弟一齊由西營盤行返去堅尼地城
 
「家姐，我地食咩好呀?」
 
「我返去煮野俾你地食?想食咩丫?」


 
「烏冬囉，家姐妳煮呢樣最好食」
 
「咁即係話我煮其他野難食?」
 
「阿哥講咋，我冇講呀」
 
家姐拖住我，三個人慢慢向屋企方向行去。忽然，係一個公園中，有個姨姨好似好唔舒服咁坐係到
 
「家姐家姐，果到有個姨姨唔舒服呀」我指向公園方向
 
「係喎，過去睇下啦」
 
就係咁樣，我地三個一齊走去公園中
 


「姨姨，妳有冇事呀?妳塊面好白呀」
 
果個姨姨抬一抬頭答我地
 
「啊，冇咩事，我有少少攰，所以…」
 
家姐摸住佢脈搏「姨姨，妳需要睇醫生呀!妳唔係少少唔舒服咁簡單」
 
「啊…冇咩事…我個女就返黎…我係到等佢」
 
阿哥聽到姨姨咁講，佢都唔理，一手扶起人地
 
「姨姨，我地帶妳去診所先啦」
 
「不過…小朋友」


 
「呢個公園得一條路，如果妳個女黎，我地一定見到」
 
「唔係呢個問題…而係…我俾唔起錢…」
 
「姨姨妳放心啦，果個醫生好好人，佢好幫助窮人架」
 
未等到姨姨回答，我地已經係對面馬路，見到公公同埋一個姐姐係到
 
難道佢就係姨姨個女?
 
我地一過馬路後，果個姐姐立即接手
 
「媽媽，妳有冇事呀?!」我估中了
 


「公公呀，呢個姨姨好辛苦，出哂冷汗，我地見佢係公園一個人坐，就扶佢黎俾你睇下。佢脈搏快而弱，不過個身有凍同汗，呼吸急促」
 
「冇問題，小敏妳睇住浩翹。浩揚，帶病人入診所。阿怡妳黎幫手」
 
公公好快安排我地工作，當個姨姨入左診症室，果個姐姐就驚到喊，而且佢肚中仲傳出打鼓聲
 
家姐幫佢登記完後，拎左杯麵同檸檬茶俾姐姐
 
佢媽媽都只不過係感冒果d，所以唔係太大問題
 
公公係西區出名好醫德，佢一見呢兩母女身世咁樣，佢就立即唔收佢地錢，俾左兩星期藥佢地，仲吩咐姑媽俾五千蚊佢地兩個應急
 
公公真係太好人
 
果個姐姐同阿哥一樣係6年級，所以家姐就八掛問下人地想揀咩中學
 
果個姐姐想揀聖士提反女子中學，係家姐學校嘅友校
 
所以家姐都指一指佢自己領口嘅校章俾姐姐睇，叫佢考慮下佢果間學校
 
英華女學校