泥漿俠：撲向泥濘: 第十二章：Chole（3）

班爛嘅 Chole越睇越靚 我約左佢出嚟食飯 同佢講呢個好消息
「你用左臭彈 有無沖涼架？」Chole雙手捂住個鼻
「我用臭彈姐 我自己都無影響 唔駛捂住個鼻嘅...」我唯有盡量去解釋
「咁都好啲 仲以為會變成臭小子..」Chole笑道
而家唔方唔係臭小子喇 不過佢開心番就好了 我都開心番
「所以呢件事我一定要同你講 話哂我第一次變身救左個無辜市民...」我道
「新聞有報呀...仲話係個匿名人 點會估到匿埋名人就係你..」Chole真係完全相信我一切都我做嘅
「點都好 慶祝你嘅第一次...」Chole道
竟然有女仔請我食野 真係開心都嚟唔切 咁大個人都試過有人請 更何況係女仔 我請女仔就有...
Chole帶左我去一間另類嘅餐廳




Chole想我克服佢
Chole知道呢間餐廳嘅主題我唔鍾意食 佢專登嘅
Chole鍾意食就得啦 我為左佢 我會改變
餐廳主打係食 酸菜魚 其實酸菜魚好好食架係我唔識欣賞咁解...
「你要克服佢...」Chole道
入到去就己經聞濃烈嘅酸菜魚陣味 的確係幾多人食 仲坐爆哂人 但我仲未係好接受到呢陣味 等我習慣下先
「為左你 我會習慣佢..」我道
「請問幾位呀？」有店員循例問我地
跟住就帶左我地入去山旯旮位置 好好彩 係一千零一個位
都係食野又唔係食景 是但啦 雖然望住個靚景會好啲...




坐底左落去 餐牌都未望 Chole就隨便同店員講點兩份酸菜魚湯麵 畢竟係佢請 佢話事啦
「睇嚟你成日嚟食呢度嘅酸菜魚...」
我道
「梗係啦...我以前返學都成日食 到而家都仲未執 真係好開心 我都有幾個月無食啦 而家就帶左你嚟食喇...」Chole道
「你講起又聽你提起過你鍾意食 」
我都有野唔記得咗
「唔記得咗都唔緊要啦 又唔係咩重要野 最緊要令你愛上酸菜魚...」Chole道
我只可以講一時三刻無可能習慣陣味...
講下講下 兩碗麵緩緩遞上 聞起上嚟都香味四溢 食起上嚟就差好遠 真係咳左幾下
「唔掂...我要水...」




飲完水之後我繼續慢慢食 慢慢嗒真啲陣味 由咳哂啲麵出嚟到而家食到落口 到最後成碗麵都食清光
唔講得笑 我好佩服自己嘅毅力..

「犀利 咁快就可以克服到 我都做唔到...」Chole都大讚我
「要克服討厭嘅野 真係需要無比嘅勇氣 ....」
Chole似係玩緊我多過想我去克服酸菜魚
不過睇見啲人都食得津津有味 就知道呢間餐廳應該唔惹少 ...
克服酸菜魚本應比其他困難事更難 而家連討厭嘅野都可以克服 之後嘅事就無有怕了...
至少證明 我比之前比勇敢 更堅強 呢啲係唔係做左英雄之後有所改變？ 我諗係掛...
因為我嘅討厭事第一位就係食酸菜魚...