泥漿俠：撲向泥濘: 第十三章：Chole（4）
4
「激死人咩 竟然有個奇怪嘅人走出嚟 仲有咩臭彈 如果俾我知道臭小子係邊個 我一定唔會放過佢..仲要將佢煎皮拆骨 碎屍萬段...」
我睇住波比係自己辦公室發脾氣同拍哂檯咁樣 但波比同時又係一個可愛嘅老細 搞唔掂嘅野都會叫啲細去跟 好正常嘅...
竟然佢想報仇 不過今日嘅我都己經唔係昨天嘅我
今日嘅我己經脫胎換骨 諗起都覺得自己好可怕
除左我仲未識功夫之外 如果有功夫結局又唔同 一定唔會俾人睇死 仲會得到公會認同
突然波比叫左我入去 召見我 佢想同我查出係邊個臭小子所做嘅好事 我當然詐詐諦諦乜都唔知 但係今次真係無得隨便就交個人出嚟
「臭小子 搞到成身都臭哂 而家都仲係臭 ...」老闆身上的確仲有臭味
個陣臭味洗唔走都係一件好事 起碼無人會埋佢身 最好陣味臭足一世就唔駛煩了...
「波比 你諗住點搵你口中嘅臭小子...,」我問道
「臭小子 蒙住面 乜野都睇唔到 根本都唔知佢係邊個...」波比道
「波比 或者咁...你嚟一招引蛇出洞 咁咪得囉..」我道 我俾個建議波比希望佢接納
「你個諗法幾好 佢個款都係拯救世界嘅垃圾 我再犯一次案 跟住引佢出嚟一網打盡...」波比個奸樣出哂嚟...
果兩個馬仔己經臭到唔敢走出嚟 所以我暫時都未俾人認出嚟 始終都要小心為上 臭唔死波比 都要佢交出個竇
不過咁 佢個竇一樣好謹慎 收得好埋 無咩人知道係邊 通通大師都知道個竇 而我就仲未知...
於是波比即日行動 但行動係咩 我都仲唔知 老細永遠貫徹我行我素嘅風格 佢係老細做細又唔可以反抗 我只可以跟隨到底 真係一隻忠心嘅狗
「發......」
直昇機之下 所有人都迎接波比 佢帶我去一間子母公司 佢唔係想入去公司 佢係由公司穿過通道 進入去一個神秘空間 無錯就係所謂毒品竇
真係收得好隱蔽 .連我都係而家先知 但我係直昇機根本望唔清位置 甚至公司係點樣我一概唔知 呢個真係做得最好
「今天我第一次帶你嚟呢度 醒目啲 唔好俾人知道呢度係邊度...知唔知道呀 」波比向我慎言
「我明白嘅 我係唔會透露呢度任何半句...」我道
「我信過你 不過有咩野涉露左出去 同大家一視同仁 都係死...」波比道
講到就嚟要殺人咁款 真係緊張大師啲friend
「明白嘅 波比 我知點做架喇...」
波比完完全全相信我 我話哂都跟左十年 佢亦都只可以信我
「呢間子母公司都係我地嘅？」我奇怪問道
「可以別講 佢係我地最近收購嘅 我將佢內部改造 我有今時今日嘅成就...」波比走埋去玻璃窗度 見住啲馬仔好幼努力咁做野
「呢間公司叫咩名？」我問
「你就當係一間子母公司啦...」波比道
子母公司係一個公司名稱？咩玩法 神秘到連公司名都俾我知 有無搞錯 咁帶我嚟做咩 我又唔知足度係咩地方
個一刻 我嘅憤怒真係達到最高 好想變身打7佢 但我掙扎左一陣 始終都係大事比較重要啲...
「我地入唔入去？」我問
「唔駛入 你入去就會吸啲毒味 裡面有毒品嘅氣味 所以無帶口罩唔可以入去 而且毒味等同毒品一樣 有毒同會上癮..」波比道
照佢咁講 佢一次都無入去個竇 因為裡面係極度危險地帶 除左員工神聖不可敍犯...
「我帶你嚟係想你都要知道 啲貨邊度嚟 你明唔明白？」波比道
「其實我仲未知道呢度係邊度...」我道
「你放心 呢樣野你好快趣就會知道 唔急 慢慢嚟..］波比道
咁鍾意賣關子嘅人我最鍾意同佢玩 就睇下波比可以玩出啲咩野
又話引泥漿俠出嚟 而家又帶我嚟呢度想點 呢度點引泥漿俠出嚟
「哈哈哈哈哈...臭小子 出現喇...,」波比突然指向我 令我嚇左一嚇 佢嘅手指慢慢轉向後面 原來我後面出現左一位假嘅泥漿俠...
下...有咩不知所措
「臭小子會係度出現？」我望向後面 一個人都無
「幻覺... 定係...」波比搖搖頭 「竟然會係咁...」
「波比 到底發生咩事？」我道
「最近唔知發生咩事 成日都有幻覺 啱啱一瞬間見到臭小子跟住又消失左了...」波比道
「你有無去睇醫生呀？」我覺得係波比掛臭小子掛到埋口邊 跟住有幻覺
「無呀 最近公事繁忙 唔得閒去睇 唔理喇 搵到臭小子先講...」波比道
「波比 身體要緊呀...我建議去睇下醫生好啲...」我關心道
「好 我聽日就去睇架喇 而家先番去先...」
會唔會有可能波比己經時日無多... 睇怕凶多吉少
同啱先一樣 波比帶左我去另一個空地 一個私人空地 同樣地 搵左一個通通大師公司嘅馬仔嚟做人質
佢想案件重演...
雖然知道佢搞咁嘅花臣係想引我出嚟 但我又唔可以即時變身 但唔救馬仔 又好慘 話哂馬仔真係無辜..
不過馬仔都出太多 掙扎嘅聲音 好安靜咁坐係度 睇落有啲唔自然 仲有啲不祥預感
「臭小子...同我出嚟 唔係好鍾意救人咩 出嚟呀...」波比大聲呼叫 傻嘅先會應佢
「波比 你覺得咁做可以引到臭小子出嚟咩？點解唔同我商量下先呀...」我道
「唔駛啦 個臭小子咁鍾意逞英雄我想睇下佢可以逞得幾多次...」波比道
如果波比下下咁做我都真係會攰 所以我決定放棄左救人嘅念頭 至少睇下佢仲玩咩花臣
過左一陣 都無咩料到
「波比 睇嚟佢唔會嚟...」我道
「我知道果位老臣子對臭小子好重要 一定同佢有親 如果唔係都唔駛救...」波比道
波比竟然覺得我同老臣子有關係 我只係睇唔過你嘅所作所為姐...
「可能係啦...」我求其應左佢就算
點講都好我打死都唔會現身 由馬仔做呢個犧牲品 ..
點不知 下一秒波比真係手起刀落
「收工...」
波比拍一拍自己雙手
波比真係黑心 一個無辜嘅人都搞..
我仲要睇到成件事嘅經過 最衰拍唔到片 無證據都做唔到野
之後 波比搵人處理好條屍體...
估唔到呢個馬仔一直都無任何反抗 真係好唔對路
我知道波比一定唔會就咁罷休 一定會行動 到時又會有好多無辜嘅朋友仔
最好我提議出一個方案俾佢 咁就可以勉免再有無辜嘅朋友受傷害
我地行過去直昇機嘅位置
「呢度都真係幾偏僻下...」我道
「緊係啦...呢度療一幅靚地 用緊起新公司就最好不過...」波比道
佢咁講 呢度就係馬灣格籬嘅城市 咁偏僻嘅地方開公司仲話係福地 一定又搞一啲偏門生意 唔係嘅話就係佢傻左..
「呢度就係本身通通要接手嘅公司？ 但樓都未起...」我道
「要建立一幢建築物 容咩易 一兩年內就起到 不過通通佢俾人拉左 你就好大機會接手呢度..」波比道
波比除左我旗下仲有啲董事會嘅人 董事會嘅人我又未曾見過一次
不過呢度離我太遠了 唔好搞我啦...
「我可以放棄嗎？」我問
「嫌遠？後生仔應該要向前看 呢度嘅人工係我而家嘅十倍 你大有人才 你唔做真係哂左啲...」波比道
由馬仔升級為公司總裁 真係賣少見少 如果我應承佢我一定會成為下一個通通大師
「我覺得...」
「你諗好再答覆我都未遲...」波比拍我膊頭
膊頭下又係另一片清
新嘅空氣 搞搞下都差唔多係黃昏了 係直昇機上面睇住日落嘅景色真係優雅 會令忍唔住打卡
波比係格籬完全無做任何動作
「細路仔 以後仲有大把路你行呀 呢度只係一部份...」波比笑言
佢講得啱....我仲後生 仲有好多未做 例如阻止波比做啲傷天害理嘅事..例如同Chole走埋下半生
始終臭都唔係 個好方法 都要搵終極一招 咁樣就唔會係最無用又最垃圾嘅英雄
蒼海博士佢幫唔到我 又話去咩短途trip減下壓 唉一有錢就鬆毛鬆翼 除左飛行同臭彈 如果有必殺技咁先係完美
有咩小事大事都好 我都會同Chole商量 話哂我真係鍾意佢 同埋我對佢再坦白老實 唔想有野瞞住佢
「點解而家先嚟鍛煉 必殺技？」Chole問
「我覺得打臭左波比之後 覺得呢啲絕技都廢 如果有一野必殺技令佢地死咁就好啲...」我道
「其實一網打盡嘅野交俾警察好啲 你做到臭到佢地己經好好...」Chole道
Chole唔同意我去鍛鍊新必殺技
如果我去反彈Chole 佢一定又會好唔開心 我絕對唔可以對做啲唔開心嘅野
夜晚我反思左一陣 應該點樣行落去...
睇到塊天花板都唔知幾耐 越諗越訓唔著 有史以嚟最頭痛嘅失眠
滴答滴答到凌晨三點 終是我作出左一個決定
就係
瞞住Chole秘密鍛鍊我嘅必殺技 我要孤注一擲拚命捱落去...
無諗過唔覺意就醒著左...