【已完結】【廣東話】《魔都姬神：退魔巫女千夜》（走甜健全作死日更小說企劃）: 其之六

其之六



「千夜，進入大樓之後通訊會被截聽甚至干擾，所以趁而家話定你知…」

黑服一郎響裝甲指揮車裡面睇住主監視台嘅資料話。

「係！收到！」





「生還者主要分佈響７樓，１８樓，同最深處地下２樓，另有多名失聯者所在位置及狀況不明。」

「呃…咁樣應該點做呀？」

「全權交由妳現場判斷。」黑服無理會身旁指揮官嘅怒視，相反副官則並無明確作出反應。

「…清楚明白！」

身穿巫女服嘅千夜闖入廢棄建物，想盡快進入裡面救人嘅同時，受困響大樓裡面待救嘅人，自然就想盡快出返去。





「last一個Mag喇！」

「拎實！慳住用呀！」

「RELOADING! Cover me！」

「阿頭！再咁落去唔係辦法！」

其中被大群外骨格蟲型妖獸包圍嘅一隊人雖然利用地形作為臨時陣地，但久守必失且已有多人掛彩之下，
小隊長痛下決定棄守突圍，意味先頭突入部隊同失聯隊員只能自求多福。





「Echo1 calling全世界！全世界Standby！陣間聽到Signal就全部人同我衝上樓唔好擰返轉頭！」

「Standby Ready！３！２！１！」言畢隨即將剩下的手榴彈往遠處擲出，向樓梯方向衝過去：「Go！go！go！」

各人緊跟其後，邊射邊撤，蟲型妖獸雖被火力壓制，但仍有漏網之魚嘗試跳入行列之中施襲！

滿心以為有新鮮人肉大餐嘅蟲型妖獸，無一不被殿後手執支援重火器的副隊長轟為寸碎。

但隨著急行往上走，妖獸不減反增，數量越來越多，行進隊形被拉開，副隊長慢慢變成被孤立嘅一個。

「Echo9你做咩呀！嗱嗱聲啦！」

一行來到一處由於失修崩落的轉角位，即使有強化裝甲服輔助仍然令人舉步為艱，
對於身負重武裝嘅副隊長更加需要放低手上通用重機槍手足並用先爬得過去，




但佢發現一停手就會俾後面追上嚟嘅怪物有機可乘。

「呢度我頂住。你咃行先啦！」

形勢緊迫之下毫無取捨思考餘裕，幾乎就靠本能同平時訓練出嚟嘅反應，但各人都察覺到呢個決定背後有幾沈重。

作為小隊長嘅Echo1可以做嘅其實唔多，佢將配槍下部戰術魚骨扣住，設計上可以單獨使用嘅槍榴彈拆落嚟，
本來裝彈四發但現在僅剩兩發嘅特制遲延性超高溫廣域燃燒彈，將佢交俾副隊長Echo9。

所謂男子漢就係唔駛多講，做就明。

［次回待續］