其之五

鎮暴隊的9毫米半自動手槍,以及泵動式散彈槍本來已經是超出日常任務火力基準嘅對人用裝備,
但既然係「對人用」,咁好自然唔能夠期望對非人目標有效。
手槍打清好幾排彈匣,用散彈槍連轟,最多只能將眼前怪物稍稍擊退,表面上完全睇唔到有造成明顯損傷,
而且咁樣嘅怪物,至少有三隻!

「隊長,咁樣根本埋唔到去喎!」

正當一籌莫展不知如何是好果陣,前一秒仲耀武揚威不可一世嘅怪物,卻突然響眼前炸開。







如果眼力夠好,就可以清楚見到,一道紅白麗影如同鬼魅一樣響半空中閃現,踵落精準地正中打落怪物天靈蓋,然後槍彈不入嘅硬皮就好似肉泥一樣,隨著堅硬石屎地面龜裂塌陷,整隻從上而下就好似被重物壓到一樣半埋入土裡。

大腦仲未來得及處理眼前畫面,但總算看清可愛性感又年輕,身材極為突出嘅美少女一身巫女服裝扮,以華麗足技與剩下兩隻怪物交戰。

「斷空~雙牙腳~!!」

少女就好似動畫或者格鬥遊戲裡面嘅角色咁,而怪物響以飛踢與後飛回旋蹴為主軸嘅連續攻擊中斷肢爆體化為碎屑,




就好似突然醒起自己唔係刀槍不入一樣崩落。

「小心呀!」

有人指住半空大叫,怪物發現人再犀利都唔識飛,最後一隻就飛返上天準備要為被殺的同類報仇,
隱約可見佢深深吸氣嘴巴張開。

在場鎮暴隊各人頓時耳鳴頭痛,不明所以但直覺就是不妙,果不其然地面突現一道裂痕如同被無形利刃切開,然後一直延伸,直取少女所在之處。

身穿巫女服的美少女卻無畏無懼,不閃不避,如同悶雷一聲巨響夾雜揚起的沙礫塵土飛揚,其左手五道紙符響半空劃出五芒星形狀,隨即一道閃光不折不扣地打回怪物身上,頓時爆出血霧,其四肢被震斷,殘軀更是不留原形掉落到地面。





「勁呀!直頭好似發緊夢咁呀!」
「唔知仲以為拍戲㖭呀!」

隨住形勢逆轉,現場呈現與先前狀況截然不同嘅混亂。
帶隊嘅隊長正想開口,卻發現少女只回頭報以一笑,就急步跑進大樓之內,

「隊…隊長!頭先果個究竟係人定鬼呀…」

「去救人先啦仲講!」

「你,你同你帶人過直升機果邊!」

千夜用大約幾分鐘時間解決外邊墜機現場之圍,其後目標就係受困大樓內三隊共十五人。





[次回待續]