后海灣中學 (甜): 舉手之勞 (1) (Dick 視覺)

十一月應該係中學生最討厭嘅一個月份，除左有統測之外，成個月都無公眾假期，即係無假放。呢日我放學之後，經過學校附近嘅公園，聽倒一對年輕男女嘈緊交，八掛嘅我，梗係上前好奇下。

"你仲約我出黎做咩？"一把女聲好嬲錦講。

"原本扔嘅，但唔買都買左，比妳啊！"個男仔講完就扔左個盒野喺長櫈上面。

"我唔要你嘅野！你走，我唔想再見倒你。"個女仔直接拒絕，睇黎係一對即將或者已經分左手嘅情侶。但係.....把聲有啲熟。

"喂我地喺學校無可能唔見面嗰喎，不過見倒我都會當睇唔倒嘅。"個男仔講，應該都係后海灣中學嘅同學。我行近少少，哩喺棵大樹後面，果然係后海灣中學嘅學生，而個女仔.....



係Raven! 綜合我最近得倒嘅資訊，呢個男仔應該係Raven個ex。

"全級第一，籃球隊隊長，學生會副會長，妳下一條仔會係邊個？不過有人鐘意妳先算啦...."個男仔好串錦講。

"無野講喇嘛？係錦先。"個男仔頭也不回錦走左，我見Raven一開始都無咩反應，之後佢坐低左喺長櫈，然後我聽倒佢開始喊。其實我同Raven真係唔熟，呢啲係佢嘅私事，Tracy講到佢失戀好慘，但都唔關我事啊.......但調返轉諗，既然Cindy同佢咁熟，如果我成功接近Raven，錦對我追Cindy應該有好處。

Raven望左一下佢旁邊嘅盒，行近左我就認倒呢個係G-SHOCK手錶嘅金屬盒，佢一手拎起，準備扔落隔離個垃圾桶。

"等等，就錦扔左佢？"我伸手捉住Raven，佢見倒我有少少驚訝，我見佢眼泛淚光，好似講唔倒野錦。



"喂呢個唔係Casio計數機啊，係Casio手錶啊，成千蚊架，妳唔要我要。"我講。其實我唔係真係貪隻錶，只係想搵機會打開話題。

"嗱。"我一手拎住盒手錶，另一隻手喺褲袋拎包紙巾比Raven抹眼淚。我喺佢隔離坐低，我第一次咁近距離見女仔喊，呢種感覺好奇怪，安慰又唔係，唔安慰又唔係，我同Raven中一同班，依家只係上西史會見倒，唔知有咩好講。

"頭先你睇倒哂？"Raven冷靜左個人之後問我，我點點頭。嗯......跟住講咩好呢，無理由問佢佢個ex係邊個嘛。

"你覺得我個人點？"Raven問。

"吓？"我好自然錦吓左一下。然後我就做左半個鐘樹窿，聽佢吐苦，我好樂意聽佢訴苦啊，我呢啲A0單身人士真係唔知呢個時間應該講咩，錦佢咁想講野，就由佢慢慢訴，當然可以比我了解下Cindy嘅朋友......



原來，啱啱呢個男仔係學生會副會長，我認唔倒佢，始終副會長一定唔及得上會長曝光咁多。Raven喺暑假前就同佢喺埋一齊，一齊準備開學之後嘅學生會選舉，當佢個ex成功當選副會長之後，就同學生會另一個女幹事搭上左，Raven知道對方出軌，所以就講分手。依家Raven就覺得自己比對方背叛左，暑假準備學生會選舉嗰陣大家一齊捱，但一當選就移情別戀。由於Raven都係今屆學生會幹事之一，直到下一屆學生會選舉前，每次學生會開會或者有活動，Raven都要見住呢對狗男女.....錦Raven又真係慘左啲嘅，但因為感情問題退出學生會又驚比人話。

"錦隻錶我睇下有無人要，我地賣出去拎返幾百蚊都好啊。"我拎住個錶盒。

"嗯。係呢，你同Tracy都發展得幾快喎。"Raven講。

"咩發展啊？都無發展過。"我話。

"Tracy 搵你一齊行鬼屋喎！"佢講。唉真係，如果唔係妳搶左Cindy，我應該同Cindy行架嘛......

"錦Tracy想搵Cindy，但Cindy搵左妳嘛。"我好隱晦錦講，Cindy驚Tracy唔開心咪塞左我比Tracy囉，呢句我想講埋，不過都係唔講好啲。

"但之後嗰日我見你同Tracy喺五樓間房一齊出黎....."Raven笑住錦講。死，佢見倒我同Tracy曳曳?