后海灣中學 (甜): 舉手之勞 (2) (Dick 視覺)

"嗰日學生會返黎執野，我開完locker順便去廁所，但四樓清潔緊，然後我一上五樓就見倒你地出黎。"Raven講。

"哦，係啊，咁啱有張poster吹左入房，我入去搵，Tracy咪跟住黎囉。"我嘗試掩飾我同Tracy喺房入面曳曳嘅事。

"係啊？"Raven唔太相信我嘅說話。

"唔信就算。"我講。

"得喇，明嘅，我又唔係未試過。"Raven拍左我膊頭一下。等等先，佢同ex試過？我又諗左啲唔應該諗嘅野。



返到屋企，我即刻上網睇下二手G-SHOCK可以賣倒幾多錢，我喺Raven手上拎返黎呢隻其實開都未開過，九成九新應該可以賣倒九百蚊？搵好買家之後我就約個時間出去交收。

"喂，呢度九百。"有日上完西史堂，我親手將九百蚊交比Raven。

"一半得喇。"Raven好客氣。

"錦啦，隻錶始終係妳嘅。"我塞六百比Raven，三百自己袋。

"好喇，唔該哂你。"佢講。



"錦妳諗住點.....繼續留喺學生會？"其實我知我唔應該問，但我又忍唔住我嘅好奇。

"嗯......唔知啊，不過十二月又Sing Con 又Christmas Ball，我唔想因為自己嘅事就扔低學生會其他幹事....."佢話。Raven都幾有責任心嘅，睇黎佢參選學生會真係為左服務同學。

食完飯返上課室，我見倒Cindy執緊書包。

"妳要早走？"我好奇錦問。

"佢要打四強賽啊！"旁邊嘅Tracy講，原來今日下午係學界閃避球比賽嘅四強賽，錦陣間咪無得同Cindy一齊上中史堂？



"Bye Bye! "Cindy同我地講再見，然後就離開左課室。

"比個貼士你啊...."Tracy唉個身埋黎，塊臉貼近我耳仔。

"喂妳想點啊...."我細細聲問，Cindy啱啱走，唔通Tracy就想同我........

"教你點氹Cindy啊！"Tracy一手打落我背脊。

"哦哦，好啊！"我答，我仲唔小心諗左啲曳曳野添。

個方法好簡單，但我好難做倒。Tracy話Cindy呢個學霸最擔心嘅就係自己去左比賽會聽漏上堂嘅野，如果我認真上堂，之後再用"同妳講返上堂教過咩"嘅藉口約Cindy單獨約會，佢一定會應承。然後我就上左人生最留心上堂抄筆記嘅中史堂。

"妳聽日放左學之後得唔得閒？"夜晚我WhatsApp Cindy。

"做咩啊？"佢問。



"我抄低左今日中史堂嘅重點，我聽日話返比妳知？"希望佢願意啦。

"好啊。"Cindy答。好，得左！

"我叫埋Tracy啊，佢幫我抄左化學堂嘅重點。"Cindy講。吓.......突然間有種中伏嘅感覺。

第二日放左學之後，我，Cindy同Tracy諗住去學校canteen，原來我諗住落去搵位先，但諗諗下決定都係等佢兩個霸位先，我扮有其他野做等一陣再落去。

過左一陣，我落到canteen，就見倒Tracy同Cindy坐左喺其中一張長枱，佢兩個面對面坐，錦我就有機會喇，我好自然坐左喺Cindy隔離。如果係我落黎霸位先，佢兩個就可能一齊坐喺同一邊，錦我就無得同Cindy坐，我覺得自己真係好醒，當然我都唔排除係Tracy幫左我喇。

"琴日呢....."我將書包放喺左手邊，右邊就可以近距離錦同Cindy接觸。Cindy知我成個人坐到好接近佢，但佢又無抗拒喎，我好認真錦教返佢琴日上堂講過咩野，雖然一個學渣教一個學霸真係有少少奇怪.....

突然，我feel倒我對腳比野撩緊....我望向前面，見倒坐喺我對面嘅Tracy淫笑緊。