[真人真事改編][校園][愛情]竟然因為IG live而帶來一段突如其來的緣份…: 第九章——「隱形遊樂場」

第九章——「隱形遊樂場」
「點解頭先Sky會同你講嘢嘅？」
「原來你識佢㗎？」
「可唔可以介紹俾我呀！」
阿柔措手不及咁樣望住身邊包圍着佢嘅朋友同同學，
完全答唔到任何問題，
佢無助咁樣望向我，
我亦聳一聳膊頭，
表示「我都冇任何辦法」，
而係呢一刻，




救世主出現了，
「全部同學返埋位！而家開始上堂！今日課程好趕，唔使起立。」

此時此刻，
阿柔喺我身邊嘆了一口大氣，
感覺就好似經歷完一場大劫難一樣。
「辰軒，我係係咪惹左個大禍…？」
「少少吧，始終真係好多人都鍾意Sky。」
「唉…」
阿柔垂低頭嘆一口大氣。




而我望一望課室周圍，
仍然有不小嘅目光望住阿柔，
看來頭先嘅餘溫都仲未散去，
我都不禁輕輕搖頭，
算啦，
而家都係專心上堂。

* * *
每日重複與疲勞嘅一日，
就以悅耳嘅鐘聲作結，




我亦都好迅速將我嘅行裝整理好，
將書包放上書枱，
再走向阿翊，
「喂，走得未？」
佢一臉詫異咁望住我，
「吓，走去邊度？」
「咩啊？咪話約咗細個個女仔。」

佢呆望住我，
然而一念茫然咁回答我，
「我有同你講我去咩？」
…
好似真係冇…
而呢一刻就變成我呆望佢，
1分鐘過去，




佢就回答道，
「sorry bro，今日真係唔得…」
我亦都無謂強求，
畢竟係我冇提早同佢講，
「唔緊要啦，下次一齊約佢敘舊。」

而我決定自己一個踏上呢一趟旅程，
隨即返到自己嘅書枱攞返書包，
「辰軒聽日見啦～」
「聽日見。」
然後健步如飛地行出課室，
老實說，
其實對於呢個敍舊嘅活動幾期待，
畢竟呢一個曾經珍視嘅朋友一夜之間消失，
相隔多年又突然出現返，




感覺佢令我心中多年沉靜嘅湖泊泛起漣漪。

去到校門，
我一邊檢查手機累積一整日嘅訊息，
一邊行緊學校門口最著名嘅「長命斜」，
正當我經過學校一條暗巷，
發現Metis一邊望住手機，
一邊留意周圍嘅環境，
就好似等緊人一樣，
我亦都不以為意，
繼續踏上我嘅征途。

雖然好似我之前所講，
佢間學校就喺我學校附近，
不過為咗延續細個嘅傳統，




我哋大家都一致認為唔好約埋一齊去，
決定去到再憑緣份相遇。

* * *
「我返到嚟啦！」
我風馳電掣咁跑入房，
將個書包調入枱底，
再迅速咁換走件校服，
着上運動服裝，
當我收拾行裝嘅同時，
無意中望到書枱上面嘅相架，
啊…真懷念…
估唔到呢一個三人組合仲有機會重現。

突然房門傳來「叩叩叩」，




我上前去開門，
「做咩事。」
「仔，你係咪約咗情情？」
「係呀。」
「咁快啲出去啦，唔好要人等！我當佢係半個女㗎！」
完全唔知佢哋嗰日係我唔知情嘅情況底下傾咗啲咩，
佢哋兩個關係進步神速，
瞬間就當左人哋係半個女…
「得啦，我有因住啲時間。」
「叫佢得閒上多啲嚟食飯～」
…
然後佢就行咗出房了。
而我就繼續收拾我嘅行裝，
過咗7分鐘左右，
抬頭望一望個鐘，
差唔多夠鐘了，
我就合上雙眼，
一路深呼吸，
調整自己嘅心情，
呼…
冇問題…
出發…
掛上笑臉，
「我出去喇！」
「小心啲吖！」
「知道～」

懷舊嘅道路，
留意附近嘅人事物，
發現真係完全唔同晒，
以前路旁嘅麵包店消失咗，
就連公園裏面嘅「氹氹轉」都比某啲機構清拆左，
你內心嘅遊樂場仲存在嗎？

一轉眼就嚟到呢個公園，
承載住我大部份童年回憶嘅公園，
慶幸嘅係細過我哋三個成日玩嘅繩網陣…
各樣遊樂設施都健在。
突然聽到身後傳來一陣腳步聲，
聞到專屬於「佢」嘅味道，
「嚟咗啦～」
「點解得你嘅～」
「佢今日唔得閒，下次早啲約佢一齊出嚟～」
「好！」
「佢」行到嚟我身邊，
「係熟悉嘅感覺呢～」
「我都係咁話。」