[真人真事改編][校園][愛情]竟然因為IG live而帶來一段突如其來的緣份…: 第十章——「返老還童」

第十章——「返老還童」
「你仲記唔記得呢個鞦韆！」
Kay好興奮咁樣一齊喺公園行嚟行去，
係呢一日，
我同佢暫時拋開左高中生一個軀殼，
徹底忘記下年公開試帶來嘅折磨，
徹底拋開所有壓力，
徹徹底底咁樣變返一個小朋友。

「啊…真係好懷念啊～」




「大家都變咗好多，但係又好似唔係變咗好多，好複雜啊呵。」
Kay凝視着我嘅雙眼，
我望咗佢一眼，然後就將視線移向上天，
估唔到玩咗一陣就黃昏，
然而我再將視線移向我哋小時候成日玩嘅繩網陣。

「鬥快爬上去？」
「等你講好耐，為咗呢樣嘢我今日仲特登着返條褲～哈哈。」
我哋兩個不言不語咁樣行到去其中一個角落，
「你仲記得遊戲規則呀嘛～」




「從來都冇忘記過。」
「咁我開始倒數啦！3！2！」

當我講完2嗰一瞬間突然聽到一把男聲大嗌，
「等等！等等！等埋我！」
嗰把聲音大到嚇親我哋兩個，
而答案你哋都知道，
「翊，你今日唔係唔得閒咩？」
「天都黑啦，咩都搞掂晒！」
阿翊反一反白眼然後回答到。





但係此時佢身後，仲有一個人，
係Metis，換言之即係佢今日約咗嘅人係Metis啦～
Metis向我哋打完招呼亦都講咗一句去提醒阿翊，
「Mika姐等緊我哋返去㗎…」
「得啦～你俾5分鐘我就可以搞掂佢哋兩個！」

而Kay亦不屑地回答，
「睇吓你係咪真係可以打贏我哋～」
「去玩就企好啦。」
而我亦都再次開始倒數，
「3！2！1！Go！」
一開始係天翊領先，
但係我同Kay亦都唔執輸，
慢慢從頭居上但過程並不順利，




直到去到一個位，
我同Kay終於追到阿翊並排。

亦都嚟到我哋由細到大都會卡關嘅地方，
但係時候Kay喺我哋面前輕輕鬆鬆咁樣跳左上去…
我同翊呆左咁樣望住佢，
好勁…

呢個位置係由細個嘅時候，我哋都要用好長時間先上到去，
但唔知點解佢不加思索就跳咗上去，
而我同翊用咗接近45秒先至成功破解，
然而跳咗上去。
但係喺我哋破解嘅時候Kay已經好成功咁樣登頂，
並以王者姿態咁樣俯瞰我哋，





阿翊問Kay，
「你練咗好耐？」
「都唔係呀，好簡單啫～」
我同翊都好無言地望住佢，
「阿翊！多多指教，我係鐘情Kay！」
「多多指教！好似細個咁叫我阿翊或者天翊！」

但係呢個時候Metis大嗌咗一句，
「夠鐘啦！黃天翊快啲跳落嚟！」
而翊亦都唔敢要佢等，
所以就好快咁講咗句，
「如果你聽日OK嘅話夜晚喺軒爺屋企見，Bye！」

而Kay亦都點一點頭，
翊就一下跳咗落去，




然後同Metis向佢屋企方向離開，
我就繼續同Kay坐喺度塔尖，
好似細個咁樣望住個「鹹蛋黃」同埋天空嘅飛鳥，
真係寫意，
「其實我冇諗過會遇返你。」
「我今次返嚟嘅目的都係為咗搵返你哋兩個～」
「咁其實點解你一開始會走嘅？」
「之後再講啦～而家肚餓！返去你屋企食嘢啊～」
「哦，咁你同你屋企人講聲先～」
「Okay!」

* * *
「我哋返嚟啦！」
母親大人即刻好熱情咁行出嚟，
「情情快啲入嚟啦，坐吓先好快有得食！」




佢徹徹底底咁樣無視咗我嘅存在…
「姨姨唔使咁客氣啦！」
「唔好嘅！我當你係半個女㗎喇！」

然後喺Kay耳邊輕聲講咗句，
但係太細聲我聽唔清楚，
然而Kay「紅都面晒」咁樣呆咗望住母親大人，
而母親大人亦都繼續入去煮飯。
我用對手喺Kay眼前掃兩掃，
佢個靈魂先至返嚟，
「我阿媽頭先同你講咩？聽到你呆晒。」
「冇嘢冇嘢冇嘢！佢冇講嘢！快啲入去坐低啦，哈…哈哈..」
佢就好似一個機械人過熱一樣，
奇奇怪怪…