佛誕怪奇短篇 - 廢棄村落之浴「罰」節: （四）回憶 - 詭異的牛屎湖村

村民們小心翼翼地前進，沿路上，他們發現周遭的樹木上，都刻有奇怪的圖案。
 
『你哋睇唔睇到，嗰啲咩公仔嚟？』
 
『好似係佛祖，但個樣有啲陰森。』
 
『班人係咪精神有問題，無啦啦喺樹度刻埋啲咁嘅嘢。』
 
不知道是為了緩解心中的不安，村民們開始討論起眼前的異樣。
 




然後，他們總算來到，應該是屬於牛屎湖村村民居住的地方，而眼前的景象，大概是他們一生中，看過最震撼的畫面。
 
整條村中，用作居住的木屋的表面，全部刻上了剛剛那些樹木上的佛像圖案。而在離牛屎湖村差不多兩百米的位置，有一座相對宏偉的建築，外形有點像日本的鳥居聳立着。
 
這些建築物雖然普通，但詭異的是，全部建築物和路面，基本上目所能及的地方，都被染成了暗紅色。
 
除了外觀上的衝擊，整條村都瀰漫着嘔心的臭味，那是一種肉類腐壞後的惡臭，村民都不自覺地掩蓋着嘴巴和鼻孔。
 
『呢度發生咩事，咁臭點住人？』
 




『係囉，咁鬼死臭。』
 
『除咗呢啲惡臭，呢度好似有啲奇怪，點解......會咁靜，好似一個人都無。』
 
村長提出疑問後，其他村民也突然意識到，牛屎湖村好像安靜得有點過份。
 
『不如，我哋去其中一間屋睇下，話唔定丁爸會喺入面。』
 
眾人點了點頭，然後慢慢推開最為靠近的一間木屋。
 




大門被打開後，一狂更濃烈的惡臭從屋內傳出。幸好眾人早有準備，雖然被惡臭嚇到，但也不至於嘔吐大作。
 
待屋內惡臭稍為疏散後，村長在門口往內窺探，只見屋內亦是一片暗紅，但更奇怪的是，屋內連最基本的傢俱都不存在，很難想像有人會住在這樣的地方。
 
『點解會乜都無，呢度到底係咪被人住？』
 
『可能呢間屋本身丟空咗，我哋去另一間睇下。』
 
眾人於是逐間探索着，而每間屋的情況基本上都是一樣，完全感受不到有居住過的痕跡。
 
『村長，呢度屋都睇過晒，唔見丁爸。』
 
『唔通我哋估錯咗，丁爸唔係嚟牛屎湖村？』
 
村長脫口而出後，瞬即搖了搖頭，既然丁爸抱着小丁的屍體，又帶上了刀具，除了牛屎湖村外，實在想不到還有其他可能性。




 
『話時話，呢條村咁鬼臭，但又唔見有蚊蟲烏蠅，到底呢啲係咩味嚟？咁鬼奇怪。』
 
『講到奇怪，啲屋入面乜都無咪仲奇怪，好似從來無人住咁。』
 
『其實，我哋會唔會係集體撞鬼呀？呢度荒山野嶺，有啲咩山精鬼魅都唔出奇啦。』
 
提出這個觀點的村民，令本應詭異的村落，再添上一絲恐怖的氣氛。
 
『大家冷靜啲，我哋咁多人，就算真係撞鬼，都唔會有事嘅。』
 
村長深知自己說的話並沒有甚麼根據，只是現在恐慌下去的話，事情肯定會變得更糟。
 
『不如我哋返去先啦，反正丁爸都唔喺度。』
 




『係囉係囉，既然搵唔到人，我哋留喺度都唔係辦法。』
 
『話唔定丁爸只係去附近安葬好小丁啫，應該無事嘅，我哋返去啦好無。』
 
回村的聲音此起彼落，縱使村長認為丁爸肯定是來到了牛屎湖村，但也敵不過眾人的意願。
 
正當村長準備帶領大家回村，一陣慘叫聲突然響起，那明顯是丁爸的聲音。
 
一行人馬上朝聲音來源處看，目光都停留在那個遠處的鳥居上。
 
就在慘叫聲響起之前，村民已經注意到這個暗紅色的鳥居，只是因為那邊明顯有一種令人不安的感覺，所以大家都不想靠近。
 
『係，係咪丁爸把聲？』
 
『可能有啲似啫，未必係嘅......我諗。』




 
村民面面相覷，雖然現場十分詭異，但聽到那熟悉的聲音發出的慘叫聲，要他們就這樣離去，又好像說不過去，也對不起還在村裡的丁媽。
 
『我哋盡量靠埋啲，既然聽到咁似丁爸嘅聲，我哋無可能就咁走咗去。』
 
一念至此，村民們懷着不安的心情，向遠處的鳥居走去。