【愛情/奇幻】《只能用餘光看見你》第二部曲:暗戀的餘光: 33
還未等易天恆開口，她就走遠去，在學校升降機前等候。
他連忙跟隨，發現鍾婉恩的手中正拿著一部相機，以及一條鎖匙「我哋好似都同班咗……」
「13年啦，幼稚園小學中學……」易天恆接著說
「時間過得真係快，好似尋日你先係細路仔咁，而家已經高過我咁多。」鍾婉恩拍一拍他的頭頂
「我出世早過你㗎，講到自己姐姐咁。」易天恆溫柔的說著
鍾婉恩若有所思的自言自語道「咁……你真係出世早過我好多嘅……」
升降機緩緩開門，她說了一句「好似仲未同你影相，嚟啦。」
升降機的門關上，易天恆看著樓層顯示緩緩升上心跳亦慢慢加快，就像他這十三年間逐漸積累的感情。
回到自己的課室後，鍾婉恩示意他坐下來，兩人就像鄰座同學並肩坐下，她舉起相機，露出燦爛的微笑「希望可以好好記錄到未來啦……嚟啦，三，二，一。」
相機的快門聲瞬間凝固了他們的時間，但易天恆知道，有些事情不能再等。
「我唔想你死。」易天恆咬牙說出這句話，讓她有點愕然，緩緩放下舉起的雙手。
「如果有方法令你可以留低，你會唔會留低?」
鍾婉恩只是呆滯的看著他，語氣帶一點驚訝「你咁講係咩意思?」
「我唔想再見到你死，我想同你一齊，我真係好鍾意你。」易天恆面露淚光
「小易……呢排你都冇咩理我，我以為你……唔會再講呢啲嘢。」鍾婉恩像是組織著語言
「我好鍾意好鍾意你，由細個開始已經係，但係你好似永遠都有一層隔膜，我永遠都諗唔透你諗緊乜嘢……」
「我唔再同你表白，扮冇嘢，唔係我冇感覺，我只係好驚再次見到你嗰個冷漠嘅眼神……」易天恆捉緊雙手
「小易……時間唔啱，我唔可以接受你，對唔住。」 鍾婉恩彷彿有口難言。
「又係時間唔啱……如果你可以一直留喺度，咁你係咪就會答應?」
「如果我話，有方法可以令你逃避鬼差……」易天恆緩緩說出他心中的那個計劃。
在課室外頭的劉世檜默默聽著，心中卻越發惆悵，也許是擔心著計劃太瘋狂，也許是捨不得她。
現在他滿腦子也是迷霧，呆望著圍欄外即將落下的夕陽，忽然間一個黑影從下一躍而上，穩穩站在欄桿處。
這裏可是四樓，當他滿是疑惑看著眼前的黑貓時，祂卻發話了「第一次懵然不知，佢已經喺眼前消失，第二次你知佢幾時離開，但係又無能為力……」
「真係好可惜，你話係唔係?」黑貓露出詭異的微笑，聲音彷彿由腦內響起。
「holy……」他先是輕輕回頭怕驚動到裏面的易天恆，隨後身軀微微瑟縮，降低聲量且驚訝的說道「你係……貓鬼?」
祂跳上前，一瞬間幻化成劉世檜最熟悉的面孔，他不可置信的呆站在原地緩緩吐出三個字「……鍾隨心?」
祂側頭輕笑，笑容卻帶點陰險「你可以話係，可以話唔係。」
「我唔信。」劉世檜依舊不可置信的繼續呆站，祂輕輕走近雙手貼在他的肩上，同為靈體的兩人感覺到一種難以言語又熟悉的觸感。
「呢個，確確實實……如假包換，係佢嘅魂魄!」祂站在耳邊輕輕說著
這一句彷彿觸碰到劉世檜的神經，連忙想捉住祂，可惜當他有這個念頭時，祂已經在眼前消失，再次坐回到圍欄上。
「你究竟係邊個!?」他有些怒意的說著
「我唔重要，只係一個旁觀者啫。」祂再次露出那詭異的笑容「你真係想幫佢? 幫一個前世放棄咗愛人嘅人? 幫咗佢之後……你驚唔驚，歷史改變，未來嘅你就不復存在?」
劉世檜瞳孔收縮，對眼前這個知曉自己過去的不明神鬼的說話感到一絲害怕，但下一秒，祂又用鍾隨心那形象說著「講笑啫~凡人面對命運……點都走唔甩。」
「你究竟想點……我喺度係你搞出嚟嘅?」劉世檜隱約猜到他的身份，情緒收斂了一些。
「可以話係，可以話唔係。我冇咩想點，只係好奇你今次會點揀……」祂再次陰笑
「係咪無論佢發生咩事你都會救佢?」
「但係點樣先至為止對佢好? 啲問題真係好得意。」祂自言自語說著
「一生二，二生三，三生萬物……三呢個數字都好有趣……嘻嘻嘻。」言行間祂再次變回了黑貓
「你突然之間出現就係為咗講呢啲嘢?」劉世檜現在也摸不透他在想什麼
「差點忘記了，我只是想給你一個恩賜。」
「你，永遠都救唔到佢!」祂這次的笑容更加詭異
「所以，想放棄隨時搵我，嘻……誠心開口我就會出現。」說罷並瞬間消失不見。
與此同時，教室內的鍾婉恩聽到那個計劃後感到一陣不可思議「我信你……但係，呢個計劃太瘋狂啦……」
在此時她站起身，一張摺疊好的碟仙紙從裙袋掉了出來，她急忙的撿起。
易天恆搶先她拿起碟仙紙，被拒絕計劃的他變得異常冷靜「其實咁多年嚟……你搵緊乜嘢?」
「唔接受我嘅原因係乜嘢? 至少可以講畀我聽下。」他輕輕遞出碟仙紙
鍾婉恩沉默許久，皺緊眉頭似乎在思量什麼，最後下定決心開口說著「其實我搵緊兩個人……或者係一人一鬼。」
「……一個叫劉世檜嘅人，同埋一隻不知名嘅男鬼。」聞言，易天恆和回來偷聽的劉世檜瞬間瞪目結舌。