【愛情/奇幻】《只能用餘光看見你》第二部曲:暗戀的餘光: 34

劉世檜焦急的穿牆而來，易天恆率先開口問「佢講嘅嘢係咩意思?」


劉世檜沉默不語，眼睛閃過一絲閃爍的不安。兩人目光再次投向鍾婉恩，她皺了皺眉頭，一張小臉滿是困惑「點解你哋咁緊張?」


空氣瞬間變得沉重，三人面面相覷。易天恆感覺到了兩人都有所隱瞞。他的腦袋不由自主地開始高速運轉，突然間一陣頭痛欲裂。再次睜開眼，他感覺自己來到了一個荒廢的學校門口，天色瞬間變得昏暗，劉世檜與鍾婉恩都站在他的視野邊緣。


幻覺轉瞬即逝，許久不見的腦內幻象再次出現，然而易天恆此刻沒有時間深究，他急切地想知道鍾婉恩剛才說的話到底是什麼意思。






鍾婉恩開始支吾其詞，易天恆知道這不是巧合，他們三人前世的冤緣，忽然被附身的自己，還有現在鍾婉恩說著這奇怪的話。


「你哋之前瞞住我傾計，就係搵呢兩個人?」易天恆託一托眼鏡


當鍾婉恩點點頭後，易天恆眼神變得銳利「佢唔會幫到你……因為……」






劉世檜感覺有些不妙，想要回到他身上操縱他身體，易天恆抽出了許久未拿出的古幣，一把捉緊，頓時讓劉世檜昏昏欲睡。


易天恆繼續開口道「佢就係劉世檜!」 


鍾婉恩瞳孔一震，凝視在原地的劉世檜，他跪倒在地嘗試集中精神，可是依然不敵睡意，昏睡之際，旁人眼中身體彷彿逐漸化於虛無。






接踵而至的是她充滿疑惑的表情，易天恆戴上了古幣鏈咀，深呼吸一口氣，續說「我唔知你點解要搵佢同另一個人……」


「我淨係知你時間冇多……」


窗邊那無限接近黃昏的天空，猶如那天雪山時的日落，易天恆承載著前世的思緒，看著眼前的這個女孩。


「我之前一直以為鍾意你，係因為青梅竹馬嘅日久生情，但我而家逐漸發覺，我原來喺意識到之前，已經鍾意你。」


「今次我唔會再畀你死，點樣都會救你。」易天恆未等他回應繼續說「如果你變咗靈體咪可以更加自由搵到佢囉……唔係咩?」 






「小易，你越嚟越奇怪!你冷靜啲先啦!」鍾婉恩感到一陣寒意，她抓住他的手，試圖讓他冷靜下來。


易天恆話語充滿了一種深入骨髓的決絕，彷彿每一個字都來自於他的靈魂深處「可能你覺得我亂噏，但係我由前世已經鍾意到你而家……」 


「我信，但係我已經有鍾意嘅人。」鍾婉恩接著說「記唔記得，我話搵等緊一個人? 一個成熟，勇敢同時有啲傻氣嘅人。」


「我搵緊佢，但係有啲嘢冇得強求，搵唔到就要放手……我好多謝你咁鍾意我，但係，你而家要時間接受，嘗試放低我……」鍾婉恩語重心長的說著 


時間的確可以沖淡一切……






可是我被沖走之前……


絕不放手!


「我太激動……Sorry」易天恆低頭說著 


「我想單獨問下佢一啲嘢……可唔可以呀?」鍾婉恩語氣變得有點微妙，既溫柔又焦急。

見他似乎有些猶豫，鍾婉恩開口問「你係咪驚……拎唔返個身體?」


「信我，如果佢唔肯畀，我會幫你拎返。」說罷她緩緩伸出手，等待著他交出古幣項鍊。






易天恆看著眼前的她，再三猶疑後，還是選擇慢慢脫下項鏈，交到她的手上。 


鍾婉恩看著他坐下，微微閉上眼，待他緩緩睜開眼睛，醒來的是劉世檜。


黃昏只有兩人的課室，熟悉的座位，彷彿回到第一天首次上到易天恆身體，如同安排好的劇本一樣，令他不禁一笑「我哋好似，好耐冇兩個單獨傾計……」 


「佢話你係劉世檜係咩意思!?」


聽到疑問的劉世檜隨手拿起櫃桶的一把鉸剪，百無聊賴的刮著枱面「就係字面意思，我個名叫劉世檜。」 






「你一直呃緊我?你話幫我搵佢……」鍾婉恩的說話被他打斷 


劉世檜說「我係幫緊你，你話小心啲一個叫劉世檜嘅人，又唔同我講點解，你一直都唔信我，我點知同你講咗會點?」


鍾婉恩反駁道「我信㗎。」 


「但係你之前咩都唔同我講，有病，搵佢嘅目的，同埋鍾隨……算啦冇嘢。」劉世檜略顯失望的回覆 


鍾婉恩冷冷回應「呢一點你都係，我要點樣信一個唔知邊度嚟又咩都唔講嘅鬼靈?」 


「咁你而家，搵唔到就咁放棄?」劉世檜滿不在意的說著 


「唔好扯開話題，答咗我先，劉世檜，係邊個劉、邊個世、邊個檜!?」


「仲有你係幾時死!點解死!而家呢個樣係咪你真樣!?」鍾婉恩問了一連串問題，讓他措不及防，再次開口「一個一個嚟，唔使急。」


說罷便放低了鉸剪，瞄了一眼檯面，隨著他的視線，鍾婉恩隱約看見檯面被刮了什麼，靠近檯面一看，已然刻著「劉世檜，到此一遊。」 


寫法與她認識的那人一模一樣，卻讓她陷入更深的疑惑，劉世檜淡淡繼續說「就算我話畀你聽，你都未必信我。」


「如果……我話畀你聽我係未來嚟嘅，你信唔信呀?」他似乎在等候鍾婉恩更加困惑的表情。 

然而她只是驚訝了一下，隨後表情歸於平靜，語氣堅定的說出「我信。」