你的生日與別人眼中的意義: 慶生
慶生
過往我一向都沒有甚麼節日觀念,或者是緣於家庭因素.出身小康之家,家人當時從事進出口貿易生意,但我從未慶祝過生日又或者收過生日禮物,更不要講到聖誕禮物這些東西,或者是因為工作繁忙才沒有時間陪我吧!不過都會給我錢買想要的東西.後來長大後出來工作之後才發現好多男人都有這些大同小異的經歷,反而認識的女同事又或是以前的女同學都喜歡慶祝節慶活動,其實直至現在我都不太喜歡慶祝節日.有些事情不當下做,即使日後能做到亦已經意義不同.
現在回想起來我第一次有個生日會是中一的那年,要不是她的緣故我或者都是一個人渡過.「Donna,你都真係幾多朋友嚟你嘅生日會㗎喎,你睇幾多禮物!」生日會的佈置都好經典.我見到大包小包的禮物,似乎都是送給她的,當然並不是所有出席的人都知道今天也是我的生日,或許人們來都是因為她.
「你亂講咩啊,講到好似你冇份過生日咁.我見到都有你嘅禮物啊,阿何仔、阿榮同阿倫都有送嘢畀你㗎.」
「唉,咪又係得仔,人哋唔知仲以為我搞gay㗎」她聽完我這樣說之後笑了一笑,畢竟我來到鴨巴甸這些日子以嚟都是跟她最相熟.其他女同學最多都算是認識,但不算是朋友.對我而言,男女之間沒有純友誼,除非是旦一方是同性戀.
「咁唔係仔,係女仔咁唔係搞gay喇呱! 喇! 生日快樂!」她講完之後就展示出一份禮物,上面寫上了我的名字,禮物看起上來像一本書本.
「多謝你,我好開心.其實我都準備咗禮物畀你.」我忍住淚水不讓它流出來,我不希望令人覺得我這麼眼淺.我表現得好開心那樣接受了她送給我的禮物,也給了她的生日禮物.
「嘩,呢個睇落正方形嘅一片嘅嘢會唔會係日曆嚟㗎?」
的確看起來像月曆,但其實是一張黑膠唱片,由於我知道她都喜歡陳百強的歌,所以將自己的心頭好割愛給她,至於我喜愛陳百強的音樂是因為很多時都能道出我的心聲,特別在夜欄人靜的時候.
「你今晚拆開嚟睇下咪知囉.但你咁多禮物,你一個人都拎唔到咁多㗎啦,陣間完咗個生日會我幫下你啦!」
此刻,生日蛋糕都已經準備好,待許願後就可以開始食生日蛋糕了.
「我知道你哋有啲人係同我同一間小學升上嚟,以前我哋會出席對方嘅生日會.但今次有啲特別,或者你哋唔係個個都知阿Jones佢同我都係同一日生日,希望大家祝福佢,話曬佢係自己一個由好遠喺九龍過嚟讀書.」她向所有出席的人說
「har,忽然間做咗焦點人物添」
「咁你準備好未啊,焦點人物?唱完生日歌就許願吹蠟燭啦喎!」
「我okay喇」
「For he's a jolly good fellow.For he's a jolly good fellow.For he's a jolly good fellow!Which nobody can deny.Which nobody can deny.Which nobody can deny.For he's a jolly good fellow.
Which nobody can deny.」眾人大合唱
《For he's a jolly good fellow》?我以為既是我和她的生日,應該唱的是《Happy Birthday to you》才對.想不到她竟然有如此考慮周到,當下我心情既感動又尷尬,原來當主角是這麼一回事.還以為慶祝生日除了開心就沒有其他心情,原來都可以這樣百感交雜.
當唱完生日歌後就許願吹蠟燭,完成後她問了我許了甚麼願,我如此回答她. 「我許咗妳將來會做我女朋友囉.......我講笑咋,願望嘅嘢講咗出嚟咁願望之神就唔會幫你實現㗎喇!」不過事實上我並不相信生日願望這回事,就如相信世上有聖誕老人一樣・
「所以你唔打算問我許咗咩願?」
「唔啦,呢啲嘢擺心入面㗎嘛,不過如果妳想講嘅不如到佢實現咗先再講啦!」
然後大家就開始食生日蛋糕,同與會者聊天.往後的生日都大致上這樣過,我亦都參與了不少這樣的"畀面派對"又或是朋友間的應酬,不管是生日還是聖誕派對!