［搞笑］［打機］收錢幫人戒除網癮，幫到困咗喺遊戲世界: 十、龍怒

我盔甲上嘅水元素暫時未有動靜，仲未開始沸騰，代表熱力未到好高-起碼仲喺我可以輕鬆應付嘅範圍內。

鐘一響、時間一到，紅玉龍慢慢甦醒，用上位者凌厲嘅眼神俯視眾人，令好多人卻步。

因為咁，我好順利咁行到去前排。我仲喺地下慢慢行進嘅時候，蛇仔明已經用飛行魔法飛到九丈遠開始攻擊。佢手摸魔法書唸完咒之後，封面泛起一陣藍光，一個水龍捲憑空喺地面出現，但佢嘅目標唔係紅玉龍，而係喺紅玉龍正前方嘅龍王。

「你痴撚線架？」龍王無瑕顧及圍獵，亦唔甘心做一隻獵物，飛快咁爬左上紅玉龍隻腳，意圖順勢爬去龍頭再跳去飛緊嘅蛇仔明身上。

看似天荒夜談，但喺佢裝備嘅加成下的確有機會做到。





佢好快手咁爬左上龍頭，趁佢跳落去嗰吓，烏鴉突然衝咗過去，一把大劍貫穿龍王。

「仆街...你陰鳩我…」

就係咁，龍王死咗第一次。

佢喺附近嘅重生點復活，決定專心喺圍獵上面，但我搵到佢之後就直接開戰。

「又係你條仆街？我得罪你啲咩？再講吖，你夠我打咩？」





嚟自四方八面嘅水魔法彈密集式攻向龍王，俾我纏住嘅佢冇辦法逃走。

於是，佢死咗第二次，又唔死心咁跑返返嚟。