［搞笑］［打機］收錢幫人戒除網癮，幫到困咗喺遊戲世界: 十一、囚人

「喂魚仔，我有個快遞要拎，一陣返嚟啊下。」殺得興起之際，耳邊突然傳嚟蛇仔明把老牛聲。

蛇仔明上網買咗新嘅遊戲配件，期待咗成個月，岩岩收到速遞公司短訊叫佢收貨，所以要offline幾分鐘去拎一拎貨先。

屌！而家先嚟拎貨！

我正想屌柒佢搞到計劃充滿變數之際，佢好驚青咁大叫一聲。

「仆街喇！魚仔、烏鴉…我登出唔到…」





「有乜可能…」烏鴉仲係好冷靜，以為蛇仔明又吹水嚇佢。

我同烏鴉一樣，根本唔信會有呢件事發生。

「我講真㗎屌…」

開服咁耐都冇人試過有登出唔到嘅情況，以防萬一，我都係決定試下登出睇吓係咪蛇仔明嗰邊出左問題。

結果係，我都登出唔到。





慶幸嘅係，我地同外界嘅連接冇完全斷開，download左Reality傾計app嘅娟姐仲可以同我地溝通。

不幸嘅係，就算同外界有連接都好，我哋等嚟嘅只有一個惡耗。

娟姐：魚仔！你地嗰邊咩環境啊，新聞報緊好多人喺屋企玩玩下你哋隻game暈低左，話暫時睇到係腦死亡…即係點啊，而家急症室爆晒人啊。

娟姐：不過你放心，佢地仲未死得，但新聞話隻game個老細聽聞走左佬喇。

娟姐：我想用安全代碼幫阿仔登出，但係都唔得，求下你哋一定要帶我個仔平安返嚟。