急需二百萬個人俾錢我贖身: 【4】

【4】
 
很多人都說，學校是社會的縮影。很多人都說，在利益之下，社會會有很多爾虞我詐。不過我始終覺得，你所想的世界如何，世界就會按你所想的待你。
 
儘管我希望世界待我單純善良，但是我又不希望世界太過單純善良，否則，人生便會變得過於沉悶了。
 
就好像張銘成同學，他來的意義想帶給我人生一點刺激性娛樂。我和陸欣怡一直待在學校門邊，而他卻站在我們十米外的地方盯著我。
 
張銘成手持一支仿真度很高的手槍，對準了我。
 




這手槍就是學生會放在背包裡的顏料槍，根據規則，只要我們的頸環沾了這手槍發射的顏料，那麼頸環就會被學生會引爆。
 
「你覺得我會怕喺門口到打你咩？」張銘成高聲說，他身後還有十位同學，人強勢壯。
 
我搖頭回應。
 
他真的很蠢，如果是我，除非戴上面具或絲襪頭套等的東西，否則不會過來。但除非幸運，一時三刻確實難以在學校尋得這些物資，而且剛才我已經搜過一次。
 
「張銘成！我哋而家俾人綁架呀！坐埋同一條船㗎！應該係一齊諗下有咩方法走至係！你唔好仲喺度恰人啦！」陸欣怡正義凜冽地說。
 




畢竟，陸欣怡不知道我對張銘成做過什麼。
 
我邪惡地笑了笑，盡量不讓別人看見，但張銘成還是看見了。
 
張銘成更是怒不可遏，說：「我而家就過嚟埋你單！」
 
說畢，他爆發式衝過來，抓緊我的衣領，直接把我推到門邊，說：「阿怡講得好啱呀！我哋要諗辦法離開呢度，所以我哋先做個測試，到底我將呢個人推出去，係咪真係會引爆呢？如果無引爆，我哋就可以一齊出去啦！」
 
「喂！你痴咗線呀？」陸欣怡十分驚嚇，第一時間上前阻止，但張銘成的同伴卻把陸欣怡攔住。
 




「你知道咁做，係等同殺人？」我望著張銘成問。
 
「殺你嘅係引爆器，係學生會班人，唔係我。」張銘成露出兇狠的笑容。
 
「嗯，到時你喺法庭到，同個官講。」我說，視線移向在外戒備的警察。
 
幸好，外面的警察覺察到學校大門的爭執，便用他們的擴音器說：「門外嘅同學，請勿作出危險嘅舉動，請耐心等候，我們正與綁架者進行談判，你哋暫時係安全，切勿踏出學校門外，你們嘅頸環有可能會被引爆。」
 
而我則向外大叫：「救命呀！救命呀！佢想殺我呀！」
 
「門外嘅同學，你做緊嘅行為非常危險，請立刻放開嗰位同學！」外面的警方緊張地呼籲。
 
「所以，你下次應該帶面具，仲要破壞門外嗰部閉路電視，唔係出面啲人就會知道係你殺死我㗎喇……」我無辜地說，「不過就算係咁，你都要做好多野先唔俾人知係你殺死我。」
 
張銘成粗暴地把我摔在地，而我立刻再次靠近門邊。




 
他拉開圍在頸上的外套，說：「我隨時可以殺死你！你最好唔好離開呢度。」
 
「銘成，其實我哋可以拉佢入嚟，打佢一餐，最多唔殺佢。」張銘成身旁的葉家仁同學說。
 
張銘成瞪了葉家仁一眼，說：「如果佢死咗呢？出面嗰班差佬咪全部入哂我數？」
 
我心裡面舒了一口氣，萬分慶幸他是個有遠慮的人，不用我花費唇舌。
 
「咁……」葉家仁不甘。
 
「算喇算喇！」張銘成揮揮手，拿著我的外套，惡狠狠地說，「我一定會喺神不知鬼不覺之下殺咗你！」
 
我點點頭，再次縮到玻璃門邊，害怕極了。陸欣怡立刻過來關心我，「你點呀？」
 




「陸欣怡點解妳要跟住呢個廢人，揾返妳啲朋友啦！妳又靚女，實有其他人保護妳㗎！」葉家仁放下一句，便轉身隨張銘成等人離去。
 
他們離去後，我和陸欣怡便繼續在大門邊待著。
 
我心想學校裡面各個樓層和各個班房的學生已經開始各自集結，尋找或已經找到自己的「地盤」匿藏。
 
由於逃出這裡並不是沒有可能，所以大家都會採取不同的行動。

• 順從學生會綁匪，努力地做直播，呼籲香港人為自己投放天文數字的贖金。
• 擔心過了24小時還未可以離開學校，所以需要盡早為自己積累資源。
• 擔心學校有人為了積累自己的資源而對自己作出傷害，所以要為自己積累資源以保護自己的資源。
• 什麼都不做，等候救援。

 
還有一類人，他們正想辦法與警方取得聯絡，將匪徒繩之於法。
 
「但我哋就一直留喺呢度？」陸欣怡問。
 
「唔係啦，妳都睇到張銘成幾恐怖，遲啲到佢被困到失去理智嘅時候，可能真係會過嚟殺咗我，所以我都要做返啲嘢，加上我哋食完背包裡面啲嘢就會無哂食物，我哋都要喺學校揾吓有無地方有嘢食。」我說。
 




「仲會有咩食？食物就得咁多，每人一份，雖然好似張銘成嗰啲仆街就會搶多好多份，但原則上要每人一份先夠，咁唔通學佢搶人哋嗰啲咩？仆街嘢我又唔想做。」陸欣怡肯定地說。
 
「嗯……可能需要，希望唔需要。」我含糊地說。
 
我意思是，按照現時的形勢下去，學校的人數在一日之內可能會減少，換句話，資源可能會增加。所以可能和可能，我們可以取得更多的資源。

如果你喜歡我的作品，希望大家可以like我IG，謝謝。

https://www.instagram.com/soldieronpaper/