(亂寫的) 短篇小故事: 短篇 80 《紙巾》

短篇 80 《紙巾》

題目：紙巾

////// 9 Nov 2025

從前有一張紙巾，佢好靚、好乾淨。佢一直都同啲同伴匿埋喺個袋仔入面。

佢見住前面啲同伴，一張一張咁畀人帶走。而帶走咗之後，個門會閂返埋，喺入面嘅紙巾，根本咩都睇唔到。出面係咩事，從來都冇人知，亦都冇人返過嚟。





紙巾滿心期待畀人帶走嘅時刻，可以見吓出面嘅世界。

排喺佢前面嘅紙巾，臨走前同佢講咗一句：「下個到你喇！祝你好運！byebye～」

紙巾再等多一陣，終於等到個門再次打開，佢嘅身體亦都係第一次得到伸展。

哇，好舒服呀，不過⋯⋯點解有陣怪怪地嘅味嘅？佢仲見到排佢前面嗰張紙巾，佢⋯⋯

完。





—-