(亂寫的) 短篇小故事: 短篇 105 《蘋果》

短篇 105 《蘋果》

////// 28 May 2026

《蘋果》

有一日，小明揸住個蘋果，行行下，比一班人走過撞咗幾下，蘋果跌咗落地。

推跌小明嗰班人雞咁腳走咗，小明追都追唔切，自己都被佢哋整親，好痛好無奈。





小明想去執返個蘋果之際，大強行過，佢執起咗小明個蘋果，大大聲咁話：「你個蘋果都跌爛咗啦，我幫你掉咗佢。」

小明O晒嘴，想要返個蘋果：「我幾時話要掉咗個蘋果呀？」

大強聲大夾惡：「嗱，我畀錢你，賣咗個爛嘅畀我，你用啲錢去買個新㗎啦。」

小明真心覺得，個蘋果爛咗都唔緊要丫，洗洗佢咪食得。況且，個蘋果係媽媽買畀佢，好珍貴：「你畀返我。」

大強：「唔得喎，我決定咗。」





小明望住個蘋果，心痛地：「個蘋果係我㗎！你做乜搶咗我？」

（未完，待續⋯⋯

——