我在Gina樓下已經等了差不多2小時,我以前和她一起的時候經常都會這樣等她。

這晚我覺得時間過得特別慢,可能是我自己太心急了吧。

在大約11點,我終於見到她出現了。

「Gina」我在對面馬路叫了她一聲,她回頭見到我都有些錯愕。

我走過了馬路,和她打了個招呼說; 不好意思,咁夜仲黎打搞你。



Gina穿了一身碎花連身裙,比和以前在一起時更識打扮,漂亮了很多

她說; 家明,點解你會係度ge?你唔係話你有事唔得閒來嗎?

剛才是有D野整緊,整完就可以來找你了。

我們一陣似曾相識的感覺湧上心頭,以往無論我溫書有幾忙,我都會抽時間來她樓下等她回家。

而我們亦會依依不捨地嚷著不讓她上樓,因為想見多她一分鐘,一秒鐘亦好。



「不如我地行一個圈好嗎?」我指一指前方的路,從前最高記錄試過在她家樓下行5個圈才捨得回家。

我們默默地走著,我首先打破沉默;黑仔又飲醉了嗎?

G不好意思地點了點頭: 對,他成日都係咁。又話飲得,點知又醉左,仲要幾個人先抬到佢返屋企。

我:你唔好比佢飲咁多了,他有酒膽,冇酒量,好易冧架。

G: 始終都係你了解佢,話晒form 1識到而家。



我: 係呀,轉眼已經十幾年。我終於可以功成身退,唔洗幫佢執屎,哈哈

G: 吓,乜仲要幫佢執屎架? 咁我真係要重新考慮嫁唔嫁比佢啦。

我們兩人笑了起來,但又不敢笑得太大聲,怕嘈醒附近的街坊。

我: 你記唔記得我應承過你,你結婚要帶你去邊度渡蜜月?

G; 當然記得啦,嗰時我地好迷睇外星人,古文明野,所以我地諗嗰D地方完全係唔會有人諗過去渡蜜月囉

我: 諗起都好笑,咩墨西哥馬雅遺跡,中國三星堆,兵馬俑,英國麥田圈,area 51, roswell......

G:太多想去ge地方了,最後還是揀左......

我同Gina異口同聲地叫左出黎: 胡夫金字塔



我們笑得合不攏嘴,我說:如果一生人未親身見過地球上最偉大的建築,會死不冥目

G: 你嗰時仲話不如第日去吉薩影婚紗相......

說完後Gina停了說話,可能她知道不應再講以前的事了,畢竟都是天真孩子的夢話。

我從袋中拿出了一本小小的筆記薄,把她遞了給Gina

她接過後問;這是什麼東西呀?

我扮作驕傲地挺了挺胸說:「這就利害了!是我許家明獨家編制,埃及吉薩旅遊指南。」

「咩話!!」Gina興奮地打開來看,裡面圖文並荿地記載了金字塔的位置,旅遊路線,當地的故事及注意事項等等



「我就係搞呢本野,由尋晚半夜整到今日晏晝,好在都比我趕得切整好。」我望著Gina好似小朋友得到玩具一樣咁開心ge 眼神

我知道我付出我都是值得的。

「我知道你個傻妹成日都為食,但又知你腸胃唔好,我怕你去到埃及水肚不服。所以呢我將你平時食開的胃藥,止痾藥同其他你可能用會到ge藥, list左係最後一頁,我又怕咁早幫你買定唔係咁好,所以到時你攞去藥房自己配好了。」

「雖然將來陪你去睇金字塔的人唔再係我,但我希望你都能夠用上我最後我心意,等我係旅途上一直陪住你。」

我知道站在我身後的Gina已經哭成淚人,所以我無轉身去,因為我怕她會更愧疚,更難堪。

「我有一個朋友同我講,要忠於自己,活在當下。生命已經有很多挫折,點解我地仲要有咁多妥協呢?」

我轉頭向Gina說;「多謝你一路以黎陪我,我衷心祝福你同黑仔幸福快樂。」

最後我們的路終於走完,沒有再多的留戀,再冇從前的離愁別緒,我目送Gina進了電梯,完了吧。



坦白說,再見她我已經沒有任何的激動或牽起任何漣漪,因為我只想用今晚做個了斷。

因為我現在心裡只想著一個人,一個可以令我心緒不靈,一個令我非常好奇,一個令我很想去保護的人

「你今晚怎樣? 要我陪你傾計嗎?」

好呀! 我邊想著,就自然地再打出她的號碼。

我不給自己思考的時間,也不給自己猶疑的空間,更不給自己後悔的機會。

因為我知道我愛你,葉梓恩

「喂........」



 
已有 0 人追稿