[GL] 重遇之後: 29

「Jane，上次同你講嗰套戲，我哋幾時去睇好？」
「唔……不如就禮拜日食完晏去睇好唔好？」
「好呀，就咁話！」
手機螢幕裡的女生點了點頭，露齒而笑。從首次約會後過了一個多月，我們一起外出的次數也越來越多。回想最初的時候，我們只會約在星期五下班、或特別節日見面。現在，要是彼此都有空，我們亦會在週末外出。
「咁我哋幾時去食埋你之前話想去嗰間cafe好？」Tracy又問道。
「我嗰間cafe咁快排到隊啦？哈哈，我記得我哋條list好長㗎喎。」
我們常常一看到想吃的東西就會把連結傳給對方，也在裡面挑了好幾間一定要去吃的餐廳。除了一起吃飯外，我們還會去逛街、看電影等，遲點還打算找點戶外運動，增添一下新鮮感。我們真的會有足夠時間去實行所有活動嗎？
「你想去嘅地方有特權可以打尖。」
「哈哈，竟然係咁。不過我都唔急住食嘅，一係我哋禮拜日再決定？」
「好呀！」




「咁多間餐廳，都唔知要幾耐先去得晒。」
「咁唔好咩？咁我哋就一直都有約出嚟嘅理由呀。」
聽到手機另一頭的話，我故意耍壞道：「哦？要有理由先約我呀？即係有事先搵我咁話？」
「唔係，我係指我好開心，有好多機會可以見面。」
「都唔知係咪嘅，信住你先啦。」
「Jane，你之前無咁鍾意整蠱我。」對方有點委屈地嘟嘴道。
我別開視線，故意裝傻地說：「我邊有？」
「我只係怕成日無端端搵你，你會覺得我煩。你有無聽過，人越大，就越需要理由去聯絡一個人呢句話？其實佢都講得好啱，好似我咁，返咗工之後成日都驚會搞到啲friend，唔似讀書嗰時咁，想約邊日就約邊日出嚟食飯，要大時大節、慶祝生日呢啲特別日子先會開口搵人。」
的確，自己現在也是跟朋友這樣子相處，要有理由……或者該說是「藉口」，才會聯絡對方。我想對方也是採取同樣態度，這大概是每個踏入社會的人，都會經歷的必然改變。
即使是我和Tracy，在最初的時候都因考量彼此都在上班的關係，所以才會選擇約在星期五晚上，或者特別節慶之類的日子見面，比較不會增加對方負擔，能在外出後的第二天作充分休息。




「你又講得啱，我自己都係咁。」我點了點頭表示同意。
「但係……如果唔使理由都可以搵你，我會想廿四小時都痴住你。」螢幕裡的女生又開始說起情話來。
「有無咁誇張。」
「我想無時無刻都喺你身邊，陪住你做所有嘅嘢。」
「你真係好肉麻……」幸好手機畫面不像面對面般高清，不會讓對方察覺到我的臉又不爭氣地紅起來。
「但係你鍾意，係咪？」
「唔係。」
聽到我直截了當的簡短回答，對方嘻嘻的笑了出來。「我發現，你每次怕醜都會講相反嘅嘢。」
「我先無。」
「你知唔知你呢種口不對心嘅性格，叫做傲嬌？」




「你就傲嬌！你再講我就cut你線！」
面對我漲紅了臉的怒吼，畫面裡的女生又笑了起來，一副很享受的樣子。「……你真係好可愛。臨瞓前見到你呢個樣，今晚一定會發個好夢。」
「你根本就係以激嬲我為樂，係咪？」
側躺著的人沒有回答，只是以充滿愛惜的眼神凝視這邊。是從何時開始，我們變得像現在這般，躺在床上捧著手機聊視訊，毫不介意讓對方看到自己睡前的樣子？
看著這邊默默不語的樣子，Tracy彎起嘴角，溫柔地關心道：「你呢排啱啱忙完，要抖多啲呀。」
「嗯，我準備聽日補眠補足一日。」
「你有無用我比你個眼罩？」
我慵懶地伸手一抓，把她去年送的聖誕禮物放到面前揮了幾下，說：「梗係有啦，佢就放咗喺我床邊。」
「嘻嘻，咁個眼罩咪晚晚同你一齊瞓咯？睇嚟我送比你嘅嘢，都佔有一個幾重要嘅地位咁喎？」
「你覺得係，咪係囉。」我故意不作回答，讓她自己領會。對方做出有點可惜的表情，垂下眉苦笑了一下。我勾起嘴角笑了笑，說：「好喇，咁我瞓先啦。」
「嗯，早抖。」Tracy輕柔地說道。
「早抖。」
「你聽日起身記得要同我講早晨。」
「我聽日起身應該都差唔多晏晝兩、三點啦喎，都要講？」
「要。我每日都係第一個聽你講早晨同晚安嗰個，無論幾點，你都要同我講。」




我沒好氣地笑了出來，說：「OKOK，咁你聽日𥄫實個WhatsApp慢慢等。好啦，我真係去瞓，聽日抖足精神，後日就有足夠精力同你出街。」
Tracy眯起眼睛，甜甜地笑了出來：「嘻嘻，嗯。咁……拜拜。」
我也彎下眼角，輕輕喃道：「嗯，拜拜。」