「而加嘅香江已經赤化緊,唔好話100年後,10後我都唔敢諗。」青垂下視線,口吻比之前冷酷,而且當中沒有任何感情。
 
「所以你哋更加需要我,而我亦需要你哋。」我走到閘門前,直盯著青的眼睛道:「孫中山,原名孫文。而我就叫仙聞,我爸爸改我而個名係希望我可以好似孫中山咁有永不放棄嘅決心同革命嘅勇氣。」
 
每當想起我身處的那個時代是如何黑暗我便不由得激動起來,我不想再浪費任何時間,我抓著閘門,用近乎哀求態度話:「所以你哋一定要信我!2014年嘅香江係最後一次革命嘅機會,而且亦係最有可能成功嘅年代!」
 
青顯得有些迷茫。
 
「我話唔到事,要等奇醫生返嚟……」




 
「咁你可唔可以話我知2014年嘅香江而加到底係咩情況!」
 
青想了一會,最後她換了個姿勢,雙手抱胸靜道:「2014年係目前為止最動盪嘅一年,特別係而幾個月,成個香江充斥住不滿。衝擊司法會、東北發展、五狼星之事……應該再過冇耐香江就會出現暴動。」
 
「唔係應該。」我打斷了青的話,道:「係一定會。係我嘅時代什至可以話已經演變成內戰。」
 
青望了我一眼,她似乎對這個話題很有興趣,所以我便接著說下去:「係我嘅年代已經冇咗香江,我之前都有提過,香江比大中共和國吞併咗叫香城。而係大中共和國嘅極權管治下有分成三種人,第一種叫一級公民,即係我哋講嘅蝗虫,所以幹部政要都係由蝗虫出任,所以中央嘅權力好穩固。之後第二種叫次級公民,即係果種已經屈服咗嘅香江人,待遇比起街邊嘅畜生好少少,雖然餓你唔死,但你永遠都唔會食得飽同著得暖,簡單啲講即係成為咗蝗虫嘅僕人,多數嘅二等公民都係從事體力勞動嘅工作,一生要為佢哋服務。而第三種就係我而種,叫三級公民,係仲會反抗嘅香江人,身份同恐佈份子差唔多。」
 
這種明顯的階級制度對於這個年代的香江人來說或者是無法理解的一件事,所以青鎖著眉頭,以難以置信的眼神來盯著我望。




 
「係真,冇呃你。」
 
之後青倚著牆邊而立,雙手仍是疊在胸前,道:「你頭先問我全名叫咩?」
 
「係。」
 
「雷青。」
 
「青呀……雷青,個名好特別。」




 
「因為我爸爸死果陣係春天,而且果日嘅天氣同今日一樣都係個天黑晒,所以我幫自己改咗而個名。」
 
「青。」這時,一陣腳步漸近,是那個叫奇醫生的老頭,於是我立即大喊道:「奇、奇醫生?放咗我!我哋唔可以再係到浪費時間,你哋一定……」話還沒說完,奇醫生便作了個手勢示意我合上咀巴,他轉首望向青,話:「放咗佢,你哋頭先講嘅嘢我聽到晒。」
 
「唔。」青點了點頭,為我開鎖。
 
奇醫生在閘外打量著我,他把軍牌扔還給我,警告道:「而個比返你,但你嘅腰包暫時由我哋保管,我仲未可以百份百相信你,如果你有啲咩可疑舉動嘅話我哋唔會留手,一定會殺咗你。」
 
「我知喇。」
 
我重新穿回衣服,將軍牌掛在項上。
 
「所以,我哋會廿四小時監視住你,而你嘅行動亦會受到限制。青,人係你救,所以由你嚟睇住佢,你可以自行判斷而個男人嘅行為會唔會構成威脅,必要時可以開槍。」
 




「唔。」
 
我走出監牢,目前第一件要做的事是了解2014年的香江到底惡劣到什麼地步,所以我便問:「而加嘅香江到底點樣?」
 
「而加?你已經唔洗做戲喇……」
 
「唔係呀,我係講真,我的確係嚟自100年後嘅香江!」
 
「佢頭先真係講咗好多100年後嘅嘢比我,聽落唔似係大話……」青也加入對話。
 
奇醫生呆了一呆,嘀咕道:「如果係真嘅……咁時間旅行真係存在?」
 
「一早存在咗喇!即使係你哋而個年代都已經有時間機器,係大不列顛嘅CERN機關入面一早研究出大型粒子加速器,不過只係你哋應用唔到咁解。等下喇,過多十幾廿年你哋會有架喇。」
 
話題跑遠了,於是我立即回到正題:「你想知100年後嘅事我得行再同你講,但你而加答咗我問題先。」




 
「咳咳……」奇醫生刻意的咳了兩下,走在我們前面道:「比起用口同你講,你跟我出嚟睇下會更加好。」
 
沒一會,我們似乎由地牢回到地面,這裡的生氣也比較多。正當我抬頭打量著這裡的環境的時候奇醫生推開了面前的大門,領我走出室外去……
 
「而到……就係2014嘅香江!?」
 
天空下著毛毛細雨,佇立在街道兩邊的不是我所熟悉的大廈,而是一間又一間的普通坪房,而且這裡沒有天橋,也不見交通燈和馬路,這裡的文明倒退得比我的年代還嚴重!?
 
「咁惡劣嘅……」我一陣失神。
 
「貧民區係咁上下。」奇醫生不以為然的道:「而到係香江最落後,環境最差嘅地方之一,但亦因為咁樣管治係最鬆散,所以如果想聚集勢力嘅話而到一定係不二之選。」
 
「原來係咁……」
 




「你話你係由未來返嚟幫我哋?咁冇時間比你呆咗咁企係到,跟我嚟。」話畢,奇醫生再度邁出步伐,冒著毛毛雨領我們往左走。這時候,青快步上前走到奇醫生的身邊向他搭話,問:「講起上嚟,係醫療室果陣咪有個男人搵你嘅,係咪出咗咩事?」
 
「可以話有事,亦可以話冇事,3號貧民區嘅人嚟咗,佢哋想我們哋收容佢哋。」奇醫生沒有回頭,眼睛只是筆直的看著前方。
 
途中,我一直打量著這裡的環境,2014年的香江的情況比我預計的還要差。雨水可以洗刷坪房上的污痕,但卻洗不走市民的憤恨,那些用麥克筆寫住「不要大話特首」、「拒絕殘體,還我粵語」、「自己香江自己救」等等的掛牆口號充份體現到這一點。100年之後的香江不會有有這些口號和標語,在大中共和國的極權之下你不會有可能將這些東西掛在牆上,因為在你制作這些口號之前你已經被執行了槍決。
 
雨水漸大,所以街上的行人也逐一回家,沒多久街道上便只剩我們三人。但由於我們也沒有撐傘的關係所以顯得有些狼狽,我們加快腳步,冒著雨水急急前進。
 
原來是黑色。
 
雨水打在青的身上,內衣若隱若現,亦因為這個原因她那姣好的身段也表露無遺。
 
視線上下移動。
 
上、下、上、下、上、下。




 
閱覽結束,我將畫面擷取下來儲存在我腦中的海馬體。
 
此刻,我終於體會到「開心的時間過得特別快」這句話的意思,沒一會我們便來到一幢建築物內,於是我故作的紳士的將自己的外套除下來披在青的身上,少女一陣不解,但下一秒便意識到是什麼一回事。
 
而我,則什麼也沒有說。
 
但請各位不要會錯意,這是我因為不願意跟其他人分享這美妙的畫面而已。
 
「……」而青也沒有表示,只是靜靜的走在我身邊。
 
我們身處在某幢坪房之內,屋內的佈置簡單,是一所很普通的民居,如果硬是要有啥不妥的話那就是人太多了,連同我們在內應該有八至十人左右,他們見到奇醫生的出現便向他打了個招呼。
 
「唔好意思,遲咗啲。」
 
「唔緊要,我哋都係啱啱開始。」
 
我認得這個男人,他是在之前在醫療室內衝門而入的那個人。
 
「計成點?」奇醫生湊上前看著桌頭上一大堆的文件問。
 
「唔得呀,計來計去都計唔掂……而且,醫生,有個唔太好嘅消息要話你聽。」男人若有顧忌的望了我一眼,於是奇醫生便道:「唔緊要,青係自己人,至於個後生仔都信得過,你講喇。」
 
「唔……」男人點了點頭,他將手頭上的文件交由其他人處理,之後離座向醫生道:「3號貧民區嘅人話作為謝禮所以送咗個消息比我哋,內容係……東大岬山中部水域人工島計劃嘅前期批款。」
 
「咩話!?」奇醫生和青的反應什大。
 
男人垂下視線,咬牙恨道:「一個月前,五狼星嘅剪布行動仲有七一原來只係煙幕,係所市民嘅注意力集中晒係而兩件事嘅時候工務小組會議已經進行得如火如荼,而加只係得幾名司法會成員靠宣讀上次提交嘅動議嚟拖時間。」
 
我不了解現在的情況,但為了可以更進一步掌握這個年代的資訊所以我便問:「我唔係太明,而個人工島計劃一旦落實會有咩影響?」
 
男人似乎為我的發言感到難以置信,他的眼神彷彿在問「你係咪白痴」的一樣。青見我一臉無知,便道:「人工島計劃可能會將所有離島、江島西、龍區、同大岬山連埋,到時候以上嘅所有地方都會淪為雙非城嘅自由行天堂,而且仲會徹底摧殘維多利加海,香江人嘅活動領土更進一步受到限制……」
 
「咁……」
 
「聞!」奇醫生似乎想到了啥,他急忙叫著我的名字,問:「你話你係100年之後嘅未來人!咁係你嘅年代到香江到底有冇人工島出現!」
 
下一秒,青也向我投以視線來,眼神之中充滿著激動。
 
我思前想後,但「大岬山」這個名字我真的沒半點印象,所以便話:「講真,大岬山而個離島名我真係冇聽過,因為100年之後嘅離島區都成為咗大中共和國的軍事要地。」
 
「軍事要地……」奇醫生喃喃道:「咁即係冇人工島嘅出現?」
 
「但我講嘅嘢只可以當參考,醫生,未來係可以改變。」不知道醫生有沒有聽我的話,但他卻逕自走到牆邊,若有所思的看著一幅掛牆地圖。
 
「係咪有咩事?」男人湊上前問。
 
只見奇醫生的手指在地圖上游走,眼睛在左右兩方移動,沒一會他便似乎留意到啥急忙抽出胸前的麥克筆道:「人工島係大岬山嘅位置,4座人工島分別係香江口岸、珠奧口岸、海底隧道東、同埋西出入口人工島,到時島同島之間會用過海大橋互相連接。」
 
醫生一邊解釋,一邊用麥克筆將地圖上的人工島畫出來,續道:「而4座人工島會好似包圍網咁百份之一百罩住西南方,江島區同龍區亦無可避免。」之後,麥克筆移到右上角,黑色的筆痕圈住了其中一片土地:「係進行人工島興建嘅同時新界東北亦開始發展計劃……」奇醫生沒有再說下去,他在東北方的土地上畫出兩道弧線,最後弧線的末端便與左下方的的人工島圖標連在一起。
 
當中的意思不言而喻。
 
「係、係名符其實嘅包圍網!係蝗虫包圍網!」
 
「香江人嘅行動從此會受到限制,到時我哋根本無處可逃,邊境開放嘅話蝗虫可以大量湧入,到最後香江就會逐漸赤化……」青道出了這個殘酷的事實。
 
其他在工作中的人也不知不覺間的湊了上來,但所有人也沒有說話,可能是在等待奇醫生的指示,但也有可能是嚇得說不出話來。人工島的事我不太肯定,但在我的時代裡東北領地是屬於蝗虫所有。那邊是由河流組成的沖積平原,土地肥沃,但同時也是一片平地集中的土地,所以不論是興建項目還是栽種農業也十分適合。
 
正當所有人沉默之際,奇醫生又在東北土地上畫了幾下。
 
「東北計劃最終會演變成富豪雙非嘅教育城,而邊境禁區肯定會成為特區中嘅特區,免簽証就可以自出自入,簡單啲講就係到時嘅新界東北已經唔再屬於香江。」
 
最終目標是赤化香江。
 
而第一步是吞併東北。
 
這便是我們手頭上分析得出的情報,簡單而明確。

-待續-
已有 0 人追稿