鏡像密語: 第二章、再次成為新同事

話咁快就到搬鋪前一日，sing好貼心咁whatsapp左洛妍新址路線同埋交通建議。

「梁小姐，唔好蕩失路。」

「哈哈哈，你又知我第一日返工出左事？」洛妍忍唔住笑左出聲

「估到你啦，咁大懵」sing特登加多幾個emoji 去取笑下洛妍。

「Anyway, thank you 」





「我同個邊啲同事介紹過下你，大家都好期待見到你丫聽日」

「嘩，sing哥你同人地講左啲咩，唔好嚇我喎」

「冇丫，我同個邊講話最近我有個新既助手黎跟我，幾好樣嫁咁囉」

「嘩你又做我？sing哥你咁講大家都會好想睇我個樣嫁⋯⋯」洛妍又嚇到面青啦。

「有咩好怕姐，又唔係唔好睇」





「唉，你唔明嫁啦。」洛妍已經落床搵定後備口罩⋯⋯


翌日七點正，洛妍早左起身，特意紥左一個新髮型，著左件白色恤衫再加一條百褶裙，因為今日心情好所以著靚啲。（鬼係心情好，其實係想比新同事好印象咋）

八點二十分，洛妍成功搭錯lift，但好彩既係預早左時間出門，啱啱好八點半搵得返公司入口。洛妍一推開門，一大半既同事都係新面孔，洛妍社恐不安感來襲，心諗：sing哥係邊到？我好驚丫。

洛妍打卡既時候同事奇姐開口問：「你係咪sing哥既新助手？」

洛妍點點頭，介紹左自己。





「叫我奇姐得嫁啦，by the way你好瘦」

洛妍怕羞咁笑左一笑，突然洛妍轉左個頭就發現sing哥原來坐左係近門口既座位。

洛妍即刻飛奔埋去：「sing哥早晨，見熟人個心先會定啲。」

sing聽完都笑左一下：「都係，一陣我地會有briefing，你係到聽就ok。」

「知道。」

開始Briefing個一下，洛妍心不在焉，對眼周圍望左望右，希望面盲既自己可以快啲認得同事既樣（嘩咁既大話都講得出，擺明係想睇下新址呢到有冇靚仔，噓⋯⋯我地看破不說破啦）

洛妍掃視左5分鐘結果失望而回，加上新同事們好似冇咩望洛妍個樣，心諗：係咪呢，我都話我唔好睇嫁啦，sing哥恩姐佢地一個二個都氹下我開心先咁讚我靚既，不過有開心一陣都好既，我係黎專心工作嫁嘛。但最起碼呢到後生仔都比舊址多，始終同後生仔共事會開心啲。





突然有一個黑影從門口掠過，吸引左洛妍目光，一望過去只係見到有個高高瘦瘦、白白淨淨，身穿黑色tee，帶眼鏡既男仔行過。

洛妍意識到佢係遲到左5分鐘既同事，心諗：做咩呢個男仔會遲到既，明明主管話左今日唔遲得嫁嘛。可惜我睇唔到佢正面呢，不過遠望佢都好似不錯，係咪全公司最靚⋯⋯？喂喂喂，梁洛妍醒醒丫，你聽緊briefing嫁！但感覺呢個男仔好似好cool咁。等等先，我要專心丫！

「終於捱到briefing 完啦。咁sing哥我有咩要做丫今日？」

「哦，我地過左黎之後duties 會有啲唔同嫁啦，例如我地唔洗再整excel file嫁啦，仲有呢⋯⋯」sing慢慢解釋。

洛妍失落到極，因為新環境又未習慣，依家工作內容又唔同晒，又再重新適應。但洛妍都冇辦法，只可能頂硬上，因為眼下又好難搵過另一份工。

叮———洛妍拎起手機睇左一睇：

「今日返新址點丫？」唯楓問。

「還好，少少緊張吧。」





「夜晚出黎」

「嗯，食咩？」

「你揀」

（續）