鏡像密語: 第五章、論如何吸引他的注意

夜晚十點半，洛妍仲未訓得着，最終決定落一落床望下衣櫃，諗下聽日返工既穿搭。

「唔知佢中意睇（我著）啲咩呢？」

「唔知佢中唔中意動漫呢？」

「唔知我穿左呢套衫佢會唔會主動同我講野？」

「佢會唔會望多我兩眼？」





「鬼滅咁紅，無理由唔識既？」

「帶埋個鬼滅口罩都冇理由打開唔到話匣子既⋯⋯」

「但萬一衰左咁點丫？」

「冇野丫，衰左都至少係我諗好左聽日着咩唔洗煩多樣先啦。」

洛妍又開始自言自語啦⋯⋯





「唔理啦，就咁先啦，眼瞓到。」

如是者，洛妍著住GU鬼滅T恤，帶埋鬼滅口罩返工，短短五分鐘，就有幾個同事問起自己係咪中意動漫，洛妍果斷答係。
（終於有人問起，計劃通！）

日子耐左，身邊同事逐漸都覺得洛妍返工既穿搭都好有心思，每日唔同之餘，仲襯得出奇地好睇，有時又會用唔同髮夾整造型。

寶兒姐係其中一個好錫洛妍既女工，今日都特登過嚟拍洛妍膊頭：「洛妍，你幾特別嫁喎，一時斯文風格、一時運動風格、一時休閑風格，日日返工搞到好似睇fashion show咁。人靚著咩都好睇，咩都carry到⋯⋯」

（係咁嫁啦，初為社畜同大學一年級生一樣，一定第一年每日會靚靚示人，期後如果可以既話直接踢拖返算吧）





「多謝寶兒姐姐，你上次讚我皮膚白搽咩唇膏都好睇，我開心左幾日，你今次想我開心多幾多日？我會唔好意思嘛，哈哈，都係你靚啲！」

「傻妹，我呢啲年紀算啦⋯⋯」

二人繼續閒聊。

但閒聊完，洛妍心諗：「唉，最慘係日日着都好睇都係無人問津，有啲丟架，哈哈」

（嗱，睇野啦，梁洛妍又自導自演了，唔係無人問津，只係問津既人都唔係你心目中想問津既個個人姐）

「喂，真野試下唔好拎出黎講？」洛妍姐想反駁。

（咁人地對你係冇興趣既，唔想識你既，你做咩都係多餘嫁啦⋯⋯話知你着到成隻雀咁啦，你知唔知人地眼尾都冇望過你一眼丫）





「好啦好啦，我梁洛妍正式宣布放棄R新同事講野，我有煇爺佢地夠晒數！」

「嗯，做野！精神！」（嚟個精神喊話先啦）

（續）