鏡像密語: 第十四章、散不了的心

「快啲起身啦！」

「嗯⋯⋯係喎，今日約左人散心喎」

「唔好散心啦⋯⋯返工見下我咪幾好」

（我就係唔想見到你對住你自己咁痛苦先要去散心）

（真係好諷刺）





「我唔散唔得丫！」

「點解？咁你唔好散咁耐啦！」

（我都想⋯⋯）

（知你怕少左個人比你攝時間）

（所以我更加要離開下）





「唔覆你住啦，要去挽啦⋯⋯」

⋯⋯⋯⋯⋯
「你捉住部電話捉左一日，不時好緊張咁check message 」瑤瑤察覺到洛妍全日都心不在焉。

「⋯⋯」洛妍陷入沉默。

「妍，試下一日全日熄左部電話，我地唔好理有冇人搵我地，幾重要既野都放埋一邊先！」

「好！」洛妍點頭後長按關機制5秒。





（呼⋯⋯可能咁樣自己先可以真係透到氣）

（定係你想測試下佢會唔會在乎你？）

（點會，收唔到message 仲好啦，我唔洗煩）

（咁你又係咁睇住電話既通知欄？）

（都唔知你講咩⋯⋯）

「妍，你想食咩？」

「我咩都想食！」洛妍深呼吸左3秒，嘗試從悲傷中抽離。





辣串、車輪餅、可麗餅、雞蛋卷、煎豆腐樣樣都係洛妍最中意食既，呢一刻佢個心有返半點安慰。

（果然⋯⋯唯有美食不可辜負）

（幾唔開心都好都要食野，如果唔係屋企人同朋友會心痛，我個胃都會胃痛！）

「妍，快啲睇下，你至愛！」瑤瑤打斷左洛妍既進食，指向遠處。

下一秒洛妍已經跑去瑤瑤手指既方向，眼見人牆圍起左一間鋪，當洛妍愈跑愈近個時，聽到愈趨強烈既音樂，洛妍穿過人牆先知原來咁多人圍觀既都係睇緊一個男仔玩緊部跳舞機。

個個男仔身穿一身白tee、黑長褲，戴住黑色口罩、黑色cap帽。佢揀左一首k-pop歌跳，係seventeen 既hot，洛妍瞬間比佢吸引住，除左因為佢揀左洛妍中意既團體曲目之外，洛妍不嬲都欣賞識跳舞既男仔⋯⋯

（一定有話題嘛^-^）

（同埋跳舞既男仔一定同自己一樣，會好勤力練習）





相比起瑤瑤對跳舞同跳舞機既興趣冇洛妍咁大，所以瑤瑤陪左洛妍坐低睇左一陣就提出想自己去行街。

「你自己ok嗎BB?」

「梗係得啦，係你自己行街得唔得丫？」

「梗係得啦，不知幾中意自己行，哈哈，好過係到望望望，冇份玩！」

「喂，你知你阻住我睇靚仔嫁啦！快啲走快啲走！買得開心啲！」洛妍揚起手。

「嗯，記得出去獻醜之前叫我返黎錄，哈哈⋯⋯」

洛妍一坐就坐左兩三個鐘，冇離開過個座位，對眼都冇休息過，一直望個個男仔玩跳舞機，但個心同個腦都唔係呢個男仔既身上⋯⋯





（呢個男仔跳得幾好喎！身體素質幾好，無論係wave 定isolation 都做得好好睇，唔知佢練左舞幾耐？）

（如果部機有breaking 既歌曲就好）

（咁既話我就可以同佢玩，唔知同佢玩係會點呢？）

（佢一定會話：咪繼續跳錯囉師兄⋯⋯）

（等等先，邊個佢？）

（你想話出面個個男仔定係你心入面個個男仔？）

（⋯⋯）洛妍垂低眼簾。

洛妍就算可以欺瞞瑤瑤話自己放低左但都欺騙唔到自己，因為佢好清楚自己每分每秒就算唔望住個電話都好，個腦同個心都諗住同一個人。





（心入面有一個牽掛既人既話，係咪去邊都好都會見到佢既身影）

（到底點先可以逃離有佢既世界？）

（咁既話，我又要逃幾耐？⋯⋯）

（續）