《ASSO回憶錄》: 第十六節
(16)
[呀…個頭好暈…]我醒左, 摸一摸自己個頭…
我諗我咁大個仔都無試過咁醉…
我要去廁所…但係, 我望一望周圍…
咪住先…
呢度...邊度黎?
D佈置咁女仔既, 邊個送我黎架?
琴晚…
喂…我點解得條媽煙囪? 邊個除左我條褲呀? 我件衫呢?
我望隔黎但係又無人訓係度…
點解會有套女仔衫係度架?
呀…頭好暈…
呢個時候, 有個女仔走左入黎房…
Vicky : [你醒啦?]
我: [Vicky?] 唔知點解我扯左旗…
我: [呢度係…]
Vicky: [呢度係我屋企呀…琴晚你飲到好醉, 都唔知你住邊度…]
我: [點解我…] 我指一指住自己, 因為我得條媽煙囪…
Vicky : [呀…你快D著件衫, 刷牙出黎食早餐啦…]
呢一刻我唔係好明白…我印象中我應該同Tiffany一齊架…我琴晚…Tiffany…
我: [呀…] 一諗起佢個名就頭痛
我慢慢起身既時候, 右手好似壓住D野… 我好自然咁拎起手睇…
一個黑色Bra? 唔係掛? 我壓住個Bra?
Oh shit! 我心目中呈現左一個情境…
啊…我個頭好痛…
我刷完牙走出廳果陣…
Vicky: [刷完啦? 快D過黎食早餐…]
仆街…
唔撚係呀…
Vicky呀哥都係度食緊早餐…
一眼望過去…佢呀哥應該大過Vicky兩,三年左右...一副好有威嚴既架子, All Back頭, 著住套恤衫西褲, 好成功人士既感覺…
Vicky呀哥望一望我一身既打扮之後, 就同Vicky講…
呀哥: [你拿老豆果D唔得既?]
Vicky: [得啦, 拿你一件半件都嘈!]
什麼料子?
第一句就咁有氣勢…大哥, 我可以講咩呀...
場面好尷尬….
我: [早晨…]
呀哥: [早晨, 坐低食早餐]
我: [唔…唔該]
Vicky: [ 唔洗理佢...] Vicky示意叫我唔洗理佢呀哥既存在…
但係…點樣唔理…佢就坐正係我對面…
呀哥: [你比呀媽知道你實死…]
Vicky: [你唔講邊個會知呀…]
救命…唔知點解呢一刻我好想走…
但係…
我心入面實在有太多疑惑…我D衫?…我係張床度?...我係佢屋企? 起身得條底褲? 個Bra?…
但係佢呀哥係度…點問呀...
我真係極度緊張…
Vicky: [食完你就快D返工啦!]
呀哥: [做咩呀? 阻住你食野呀?]
Vicky: [你搞到佢好緊張啦]
屌…唔洗幫我講出口呀…
呀哥: [你好緊張咩?]
我: [唔…唔係]
呀哥: [你同我細妹咩關係?]
下…我無諗過佢會突破咁問… 正常應該係我著到試試正正上去Vicky屋企食晚飯, 你先會問呢D咁正常既問題架...
但係而家係我著住Vicky呀哥套衫…係Vicky間房行出黎, 個頭又亂哂… 咁尷尬, 你仲問我…
Vicky: [你問咁多問題做咩姐? 快D返工啦! 你唔洗理佢]
呀哥: [好好錫我呀妹呀…我打獲你架!]
仆街…我驚到想賴屎…
Vicky: [走啦! 好長氣呀…]
呀哥: [套衫你洗乾淨先好比返我呀]
Vicky: [走啦!]
呀哥咁就走左去返工...屋企得返我同Vicky係度…
我個頭真係又暈又痛…點解會發展成咁…
點解我會係Vicky屋企架…
我決定要問一問…
我: [Vicky琴晚我…?] 希望唔好比我聽到我心目中既答案…
Vicky: [琴晚你做咩?] 佢滿懷笑容地問
……同岩先對住呀哥個樣差好遠
我諗我都唔好問係咪佢送我黎…一睇就知啦下話…咁我問下一條
我: [我條褲…]
Vicky: [你條褲做咩?] 佢望一望我隻腳…
Vicky: [哦…你條褲拿左去洗呀…應該差唔多乾]
唉…都成年人…我直接問…
我: [琴晚我同你係咪…] 原來都幾難講出口…
Vicky: [咩琴晚你咩印象都無架咩?] 佢有D嬲嬲地既語氣
你嬲? 哎…大獲…明明地… 之不過如果我直接問我係咪切左佢, 實好Hurt佢…我唯有繞個圈問…
我: [唔係…今朝起身我隻手痺痺地…你琴晚係咪壓住我隻手訓覺?] 我按住自己隻手, 扮哂佢真係有訓落我度…
Vicky: [你自己伸隻手過黎架…係咪好痺呀? 幫你按兩下]
好…問到佢原來真係同我訓覺黎
佢起身行過黎幫我按兩下手…
我: [同埋我好似壓住左你個Bra]
Vicky: [原來係你壓住左呀…唔怪得知我搵極都搵唔到, 要拿去洗]
佢行左入去返左個Bra去洗衣機…
我諗…真相都差唔多大白… 個Bra係佢琴日帶果個, 仲要比我壓住…
咁我唯有正接問埋最後一個問題…
我: [琴晚我有冇用?]
Vicky: [用咩?]
我: [套…]
Vicky: [我屋企邊會有套呀]
下…唔柒係呀…我條J縮一縮…
呢鋪仆街…唔好有BB呀…
我: [咁我射…] 我望一望佢既下面…
Vicky: [我岩岩M完, 安全期]
呼…鬆左一口氣…差D就做錯事…
咪住先…唔係已經錯左啦咩?
我: [咁正呀] 屌, 我講乜鳩呀…
Vicky: [琴日你講鐘意我…係咪真?] Vicky問左一個我都唔知點答既問題…
其實…
我諗我琴日講好鐘意…係同Tiffany講…
當然, 我無講到出黎…
但係係呢個關頭…如果話無, 我驚佢唔知會點, 可能無朋友做.… 但如果話有, 起馬仲係朋友先...做唔做男女朋友就再
講…
我對你唔住Vicky…
我: [係…]
Vicky回心微笑左一下…
Vicky: [咁你以後唔準再咁蝦我…知唔知?]
我: [哦] 我講完之後佢錫左我一啖…
其實邊個蝦緊邊個?
我留左係Vicky屋企等到條褲乾…都等左成個晏就…
攬住佢既感覺好怪…我唔知道我應該當佢係朋友? 炮友? 定係女朋友…
同埋Tiffany件事, 我根本處理唔到Vicky呢件事…成個晏就我都係度發哂呆…
Vicky: [做咩成日係度發呆呀? 諗緊D咩?] Vicky 同我睇睇下電視, 突然間問我..
我: [唔係…我個頭仲係好暈]
我話唔到Tiffany件事佢聽…
Vicky: [訓落黎, 我幫你按下個頭]
我陪埋佢出去食埋晚飯之後, 我就返左屋企, 我走既時候佢仲比左個Goodbye Kiss我…
我行返屋企果陣…拿左個電話出黎睇, 我今日都無拎過電話出黎…
原來Tiffany 今日wtsapp過我…
Tiffany: [瀚, 對唔住, 可唔可以傾下?]
我覆佢…
我: [仲有咩好傾?]
隔左十分鐘, 佢覆返我
Tiffany: [岩岩起身?]
我無答佢…
仲咁關心我做咩姐, 琴晚唔見你係咁…
Tiffany: [我而家黎搵你]
我: [唔洗]
口講唔洗, 但其實, 我好想知道發生咩事…
我想知道成件事既真相…
我: [我黎搵你, 係你樓下公園等]