《ASSO回憶錄》: 第十七節
(17)
夜晚…我係公園度等左佢十分鐘佢先黎到…
唔知點解一見到佢…我個心就好痛, 腦裹面浮現返琴晚見到既情境…
係街燈既燈光之下,Tiffany 攬住我, 無出過聲…
過左幾分鐘, 點都有人要講第一句
我: [你係咪應該有D野講]
Tiffany : [對唔住] Tiffany攬得我好實…
我差D就想原諒佢…鐘意一個人, 有時真係會盲…
但係, 我唔可以就咁算…我要知道真相…
我推開佢…
我: [對唔住有用咩? 我要知道哂成件事, 你答我, 你係咪仲同緊張智林一齊, 一直以黎你根本就無同佢散到, 係唔係?]
Tiffany見我咁大反應, 合埋晚深呼吸左一下…
Tiffany : [係…我無同佢散到]
原本我已經知道呢個事實, 但係由佢口中再講, 我個心更加痛…
我: [點解你要咁玩我呀?]
Tiffany : [我無玩你… 第一日同你拍拖果陣我已經想同佢講清楚]
我: [講落去啦!] 我好冷靜…但係我個心好痛
Tiffany : [我開唔到口…]
我: [ 咩叫開唔到口? 咁你就可以咁樣玩我?]
Tiffany : [我唔知點樣同佢講…我都好辛苦… 我好鐘意你, 但係我唔想傷害佢…]
我: [咁你就可以傷害我? 我琴晚個心有幾痛你知唔知]
Tiffany : [我知道…我個心都好唔舒服…你比多小小時間我, 等我同佢講清楚]
我: [我比左三個月時間你都仲未夠? 你話你真心鐘意我, 咁你即刻Send個message比張智林講分手, 我就信你…] 我已經比左我既底線佢, 只要佢肯Send, 我就會原諒佢…
但係…
Tiffany無咁做…
Tiffany : [我…]
我: [唔敢? 咁你講咁多野做咩?]
Tiffany : [我唔想傷害佢…]
我: [咁你就可以傷害我? 你覺得琴日我好開心?]
Tiffany : [我就係知你會唔開心, 所以我先黎搵你同你講]
我: [你答我, 你揀佢定揀我?]
Tiffany : [你]
我: [咁你同佢講清楚…你唔可以咁樣拖住兩個人, 我好辛苦架..]
Tiffany : [我唔係要拖住你地兩個…我只係唔知點同佢開口]
我: [你唔識我我幫你開]
Tiffany : [唔好…點解你要逼我]
我: [我逼你? 咁點解你又要咁對我? 你知唔知我真係好鐘意你… 但係琴日你話比張智林聽我係你同學果陣,你有冇諗過我咩感受? 我個心好痛…真係好痛…我係度諗…夠竟呢三個月我係度做緊D乜野…]
Tiffany : [對唔住..呀瀚…你比D時間我得唔得?]
佢開始流眼淚…
我: [我比左三個月時間你仲未夠? 你仲想我比幾多時間你… 呢個世界無得兩全其美架, 你如果放唔低佢, 咁你就放低我啦…好無?]
Tiffany : [我唔會放低你… 我已經唔鐘意佢, 我只係唔想傷害佢咋]
我: [但係你傷害緊我呀…咁樣既拍拖你覺得開心咩?]
Tiffany : [我應成你我唔會見佢…我會慢慢同佢講…]
我: [我唔得… 如果你今日唔講清楚, 我地今日就分手啦好冇?] 如果咁樣都逼唔到佢, 我諗得真係要醒…
Tiffany : [唔要呀…唔要呀… 你比多小小時間我啦…一個星期, 一個星期我會同佢講清楚]
佢捉住我隻手…我一打撥開佢…
我: [我唔明…點解你可以咁自私…你有冇諗過我已經比左三個月你去講, 其實如果我冇撞到你地, 你係咪諗住唔講… 一路呃住我? 你而家話要多一個星期, 你有冇諗過… 你會傷害我多一個星期]
Tiffany : [呀瀚, 我…]
我: [你聽我講埋先呀… 原本今日見你, 我以為我可以原諒到呢件事…我以為你會好肯定咁為左我咩都可以放棄… 但係, 今日你黎唔係想解決問題, 你只不過係想黎同我講條件… 我唔揀啦, 我退出, 可能你同我都好過D… 掉轉你係我, 可能你會明白]
Tiffany : [呀瀚, 唔係呀]
佢攬實我…
我無推開佢…因為我想感受一下佢既體溫,佢既心跳, 佢既氣味…
可能今次係最後一次…攬住佢
我真係好想原諒佢, 但我知道呢個唔係一個正常既關係...
我: [多謝你呢三個月帶比我開心同快樂, 我真係好唔捨得你, 可能只係timing問題,]
我眼淚都開始忍唔住…
Tiffany : [呀瀚，你比D時間我啦…我真係會同佢講清楚…]
我: [擁有過咪算囉… 我唔可以一世都等你, 咁對我對你男朋友都唔公平]
Tiffany : [你唔愛我啦?]
我: [我愛，但我想光明正大咁愛，我唔想做你既後備]
Tiffany : [呀瀚…]
我: [放心, 我唔會同人地講我地既事… 所有野都冇變, 我仍然係你組員…只係, 我地唔能夠再咁親密…]
我冷靜了，我放開佢…
我: [冷靜下，比啲時間大家都諗清楚]
我慢慢咁行開, 我冇理佢企係度望住我既眼神，我好明白當一個人沉左船, 都想佔有佢，我由原本唔介意做第3者，變到好介意做第3者，我認! 我沉左船...
我無理佢叫左我幾多次, 因為...我背住佢既同時…其實, 我都喊緊…
但係我好相信…呢次係我最後一次…
愛情黎到既時候, 你會心甘情願咁投入, 你會沉醉係兩個人既世界, 分唔清事實同幻覺, 但係…當愛情要醒既時候, 你會發覺…其實只係一個夢…
如果時間可以重黎，我或者想同佢正正常常咁...重新開始...