《ASSO回憶錄》: 第二十二節
(22)
我同Vicky拍左兩個幾月…
大家都相安冇事,而我同Tiffany亦慢慢走出分手既尷尬,開始傾返好多計...
Vicky冇因為我同Tiffany傾計而有咩芥蒂, 可能因為我差唔多日日都陪住佢...
但係,有時候,我都會諗住同Tiffany既一D回憶...
有一晚, 我同Vicky睇緊戲,收到一個wtsapp...
Tiffany: [瀚, 你得唔得閒?]
我: [得閒,你講]
Tiffany: [你一陣有咩做?]
我: [冇呀,我黎搵你?]
Tiffany: [好]
睇完戲之後,我同Vicky講好累,然後早左送Vicky上車,就去左搵Tiffany...
因為本身都有同 Tiffany傾開計, 所以佢既野都略知一二…
我: [我到啦,你落黎啦]
Tiffany: [ok]
Tiffany今日著左條好耐之前果條黃色連身裙, 過左大半年,佢仍然著得好優雅, 好靚…
我地係7仔買左幾支 Apple Cider, 就行去公園…
我同佢互相呻大家既不滿,呻左好耐…
我: [唉…其實vicky太過鐘意我, 佢樣樣野都好問長問短, 係咪鐘意一個人就會有控制欲, 我好大壓力]
我: [就好似今日咁, 我話我要同呀俊夾Band, 不過佢會帶埋個女仔做主音, 跟住佢就問咩樣, 點解要帶? 大佬, 唔係我帶啊喎,之後就話我借機識女仔, 我比唔到反應]
Tiffany: [佢都係緊張你姐]
我: [我有叫埋佢黎,佢又話我地唔理佢,仲叫我唔好夾,陪佢多D,但我成曰都陪住佢]
Tiffany: [唔係呀, 你今日都得閒呀]
我: [我其實呃佢話我累,再蛇出黎]
Tiffany: [壞呀你]
我: [比我抖下氣啦]
Tiffany: [乜 Vicky咁管人,但識落佢又唔似]
我: [佢靜係對我係咁 , 又愈黎愈容易發牌氣, 以前都唔係咁…]
Tiffany: [其實咁樣好易影響關係]
我: [你幫我同佢講下]
Tiffany: [我點講呀,呢D問題要你自己去解決]
我: [我解決到唔洗同你講]
Tiffany: [佢都係太緊張你姐]
我: [又唔見你之前咁緊張我]
Tiffany: [我都緊張架,但冇佢咁緊張]
我望住佢…
我: [你有冇諗過呢…如果我地果時一齊返會點?]
Tiffany無出聲, 微笑左一下
Tiffany: [你仲記唔記得呢度?]
我望一望前面…
我: [呢度? 你樓下個公園]
Tiffany: [呢度係我地講分手既地方]
我: [係我同你分定你講我分先]
Tiffany: [你呀,我咁大個女喊都最利害都係果次]
我同佢望住同一個方向,好似時光倒流咁,回憶起只有我地兩個人知道既記憶,回想起當晚發生既事...
我: [係咩, 哈哈, 對唔住]
唔知佢係咪同我諗緊同一樣既野,我見到Tiffany微笑咁呆左...
Tiffany: [余文瀚…]
我: [係?]
突然間,佢訓左係我膊頭...
呢種感覺,好懷念...
Tiffany: [如果我地而家一齊返會唔會太遲?]
我: [你仲鐘意我咩?]
Tiffany冇答我...
佢拎起一支唒,飲左兩淡...
Tiffany: [如果我唔介意你同Vicky一齊緊?]
好突然既問題...
佢抬起頭望住我, 我則則頭望住佢…
我: [其實你鐘意我D咩?]
Tiffany: [鐘意一個人, 係講感覺,冇特別原因,你仲鐘唔鐘意我?]
係呢個互相對望既時刻,突然之間果種同Tiffany以前拍拖既感覺重現返出黎,我真係想答鐘意,然後一野咀埋去...
我係度諗,如果唔係張智林, 如果唔係我發現佢地未散,或者,我同佢而家仲一齊緊…
但係, 我諗起Vicky, 諗起我同Tiffany所受過既傷害, 我知道理智與理性,錫返落去,只會再係一段四角關係中無限輪迴...
同埋,我覺得而家唔係得我自己一個人, 我想做返自己, 以前我可能會諗都唔諗就一腳踏幾船, 係Tiffany改變我, 原來…係感情世界, 呢種事係好傷害人…
我: [其實同你一齊真係好舒服, 但係我地兩個都拍緊拖]
但係, 突然之間, Tiffany鍚左我個咀一啖…
Tiffany: [真係無感覺?]
頂…不過呢重感覺真係好正, 特別係你有女朋友再出黎偷食既感覺…
我望住佢…心跳得好快…我係度掙扎緊…
一個咁靚, 咁高, 咁有身材既女仔, 係度挑逗緊你, 真係唔係好多男仔可以忍得住…
我: [Tiffany, 我…]
Tiffany再錫我, 佢錫我既同時, 佢用舌頭輕輕引誘我兩塊咀唇
救命…
我決定唔忍…
當我想上前鍚返佢, 再同佢大戰一輪之濟, Vicky停左我…
我個電話響, 係Vicky打黎…
如果唔係呢個電話, 我真係做左好多男人都會做錯既事…
我: [唔好意思]
Tiffany: [唔緊要]
我: [我都係走先, 太夜啦]
Tiffany: [嗯]
正當我送到佢去屋企樓下果陣…
呢一句, 係我一生人之中聽女仔講得最大膽既一句
Tiffany: [今晚可唔可以陪我?]
我望住佢, 我真係好想陪佢…
Tiffany: [我靜係要你一晚時間]
真係好難抉擇… Vicky實在太好, Vicky只係好緊張我,但係佢無做錯野…
但如果我今晚唔走, 我覺得自己好賤…, 我唔想對唔住Vicky, 因為經歷過…
再者, 如果我真係唔走, 可能我同Tiffany既關係就只有今晚…
我唔知再點面對Tiffany同Vicky…
我唔想破壞大家咁良好既關係…
我講左句好低能既答案…
我: [唔好啦, 太夜…下次我早D黎陪你]
Tiffany微笑左一下, 就同我道別上返去…
坐車果陣, 我仲諗緊自己答得岩定唔岩…
原本今晚就溫柔鄉,而家要返屋企睇日本妹...
最後悔係我今晚拒絕左Tiffany之後, 唔知仲有冇下次…
但我明白,今日既拒絕,無事一身輕,冇再將事情複雜化,可以全心全意同Vicky發展...
而我亦同Tiffany補左兩句wtsapp
我: [今晚大家都醉啦,早D休息,我都永遠都係好朋友]