《ASSO回憶錄》: 第二十七節 結局篇(二)
(27) 結局(2)
係果一刻…我差D就暈左係到…
點解?
點解會係咁呀!!!!
痴線…點解又係佢…兩次都係佢?
買六合彩又唔見我中…
我心入面, 無比奮怒…
如果唔係張智林, 我會同Tiffany散?…而家又黎整散我…仆街…
我一支箭行過去打左張智林塊面一拳…
Vicky: [你做咩打佢呀?] Vicky擋住我...
我: [你知唔知佢係Tiffany 男朋友呀?]
Vicky: [我知道呀…咁有咩問題?]
又真係無咩問題…咁我打佢做咩?
痴線…佢而家溝我條女喎…
我: [你係咪應該解釋下發生咩事?]
Vicky: [你仲想我解釋D咩?]
我: [你點都要講清楚…] 我捉住佢, 想拉佢去一個無咁多人既地方…
Vicky: [放手呀…我自己行!] 佢一手撥開我
佢叫左佢張智林行先, 然後同我行左去旁邊既公園…
而呀俊就企左係好遠…
我抖左幾下大氣…
我: [你知唔知張智林係Tiffany男朋友?]
Vicky: [知…]
我: [知咁你又同佢一齊?]
Vicky: [佢地已經散左…]
散左? Tiffany做咩唔同我講?
咪住…而家唔係諗呢樣野既時候…
我: [佢地散左, 但我地未, 你係咪應該要解釋下?]
我係度諗如果佢喊哂口求我, 或者講一個說服到我既理由, 可能我會原諒佢, 我真係好愛佢…好愛佢…
Vicky: [無咩好解釋]
我: [而家係你對我唔住, 咩叫無解釋? 你講呀]
Vicky: [對唔住]
我: [我唔係要對唔住呀…我要知道發生緊咩事…]
Vicky望左西鐵站一陣…
我: [你講啦, 我有哂心理準備…]
我以為佢係度諗緊點樣哄我先可以令到我無事…
點知…
唔係我想像咁樣…
佢灘牌…
Vicky: [不如我地分手…]
呀…
咩事呀?
我個心好痛…我無諗過佢第二句就講呢句…
我更加估唔到, 點解要千揀萬揀係要揀張智林…
我: [點解?]
Vicky: [咩點解?]
我: [我對你唔好咩?]
佢靜左…
我: [你答我啦…]
Vicky: [你有對我好咩?]
我: [佢有咩好呀?]
Vicky: [靚仔, 識哄我開心, 有上進心, 佢每一樣野都好過你…]
呀…仆街…咁撚直接…
我真係想再打柒張智林, 咁樣黎搶我女朋友…仲要嬴得咁切底…
我: [我冇咩? 你想食咩我買比你食, 你鐘意咩我又儲錢買比你, 我又送你返屋企, 你叫我做咩我都做… 你仲想我點?]
我個心真係勁唔舒服…
Vicky: [呢D係每個情侶都要做架啦, 你唔做我一早就走左啦!]
我: [咁我仲有咩對你唔住, 你要咁做呀?]
Vicky: [你自己緊係唔知啦…係呀…你係對我好好呀…開頭嘛, 你知唔知你變左好多呀?叫你送我返屋企你又唔想送...我鐘意D野你又唔比… 好啦, 我唔舒服要你陪我姐, 你都可以走左去夾Band唔理我… 傾電話又唔傾, 你有冇諗過我架? 同埋係你溝女在先!!]
我: [我幾時有溝女呀?]
Vicky: [上次比我見到你Delete左D wtsapp, 仲唔係溝女, 你冇溝你Delete黎做咩?]
我: [我真係冇溝女喎…]
Vicky: [你叫我點信你…身冇屎你會Delete?]
我: [我Delete係驚你睇到唔開心咋…]
Vicky: [哈哈…多謝哂你咁關心我喎…你係驚我捉到你姐… 余文瀚, 你冇得救架啦… 你知唔知你自己其實做得好差架!! ….靜係識得係度打機同夾Band, 書又唔讀, 你有冇諗過我地將來架? 你有冇上進心架? 我唔可以咁樣跟你一世架!! 你跟本唔知道我想要咩呀…算啦我地!!]
呢D都係分手既藉口?
我: [咁你就可以同佢一齊?]
Vicky: [我同邊個一齊已經唔關你事, 余文瀚,我已經忍左你好耐!]
我: [咁你唔一早同我講?]
Vicky: [我同你講左好多次啦, 你有聽咩? 我叫你唔好打機啦, 溫下書, 你有聽咩?, 我叫親你都當我耳邊風]
其實, 分手點都會有D藉口…
我: [對唔住啦...]
Vicky: [哈…好好笑, 你而家講有咩用, 你有聽我講唔會搞到今日咁...]
仆街…明明就係你出軌, 屌, 講到係我唔岩咁既…
但係我真係好鐘意Vicky…其實係呢場鬧交…我已經輸哂…
我: [我而家肯改都未遲架, 只要你肯原諒我…]
Vicky: [算啦好唔好… 我地無得返轉頭架啦…]
我: [你而家仲愛唔愛我?]
Vicky: [有又點冇又點...]
我: [你仲愛我咁我地仲有D咩問題呀?]
Vicky: [個問題就係你跟本唔知道有問題…]
我知道真係要散…我開始流我既男兒淚…
我: [我改啦…我真係改啦…係想我點我就點, 你想我唔夾Band我就唔夾, 我唔再同人地wtsapp, 我電話都唔用啦! 我溫書, 我日日都溫書啦…我…]
Vicky: [算啦好唔好? 你而家改已經無用, 我已經比左我好次多次機會你…]
我: [唔係呀…我真係會改,我真係會改架啦, 唔好呀唔好呀!!] 我已經忍唔住喊出黎…我唔要分手…
Vicky: [我諗左好耐…就當我地經營得唔好啦...好無?]
我上前想捉住佢隻手求佢…但係佢一手撥開我…
如果你想拋留一段感情…你可以付出幾多?
我為左一段感情, 我試過…
就係美孚車站出面既公園…
跪左係度…
我喊到聲嘶力竭…跪係度求佢…
我: [我真係愛你…唔好分手…唔好分手啦…對唔住呀…對唔住呀…我真係會改…我真係會改…]
呀俊: [你係咪傻架? 對住D咁既人…值得你咁做咩?] 呀俊行埋黎想拉起我
果一刻為左令佢回心轉意, 我諗我可以死…
我一手撥開呀俊…
我: [我真係唔可以無左佢呀…你明唔明呀?]
呀俊: [你個八婆, 係玩唔好玩我兄弟啦…如果你唔係女仔我打柒左你啦] 呀俊一手指住Vicky就鬧
Vicky: [就當係我唔岩…對唔住…再見!] Vicky一講完就拎轉頭行…
我: [老婆呀…唔好呀…老婆呀…唔好呀…唔好呀…]我跪左係度大叫佢唔好走, 行過既途人都望住我
呀俊[唔值得呀fD!! 你唔應該為左呢個八婆而喊!!] 呀俊拉起我…
我: [我真係好愛佢…我真係好唔捨得佢呀!!!!老婆呀!!!] 我已經喊到成隻眼腫哂…
我一生人喊得最犀利既一次……