本來諗住對付班電話cold call, 點知攪到自己爭d無命: 3

今日射左波，膽粗粗上左中環一間律師樓，我問我可唔可以向法庭申請禁制令，禁止所有電話推銷，理由喺無止境cold call攪到我要食抗抑鬱藥。個四眼妹律師O晒咀，我估佢從來未接過呢種case。之後佢解釋要有主診醫生報告證明我嘅抑鬱症喺直接因為呢d電話引致，但就算醫生肯出呢封證明，都只能向個D打俾你嘅公司民事索償，或者用私隱條例告佢哋。但要向法庭要求出禁制令，機會唔喺無，但會有好高難度。

總喺覺得個四眼妹律師d態度有d敷衍，唔係好想做我生意咁款。佢喺未一聽我話有抑鬱症就當我傻佬，定喺睇到我只不過一條窮撚無錢俾律師費？

我都有自知之明，律師樓出一封信都收你幾千蚊，我重孭緊屋企層樓，人工唔係高，就算成功攞到禁制令唔俾d sales打俾我，埋單都唔知要幾多錢，到時攪到俾銀行收樓，兩老過唔到世要瞓街，咁就大檸樂！

不過我離開律師樓之時，都唔執輸望多個四眼妹幾眼，因為佢都白白淨淨幾索吓，係對野細咗少少！

趁有時間喺中環周圍貢吓，見到翻新咗嘅中環街市，多咗好多食肆，於是坐低食埋飯，依家差唔多一點lunch時間，但唔知喺未中環食飯貴，個個帶飯，居然有唔少空位。





講真我返工都係帶飯多，要慳錢無計啦！

我幫襯咗入面個間台灣野，叫左牛肉麵同珍珠奶茶。喺等緊嘢食其間，我發覺周圍d食客都差唔多時間接到推銷電話，可能返中環都係斯文人多，大部分都係禮貌陰聲細氣咁拒絕算，不過有個黑黑實實嘅阿叔就扯晒火，大大聲猛咁屌鳩d sales。話一日打成十幾個電話阻住佢返工，又話就係因為要應酬呢班大帝，一分心攪到佢個日係地盤踩到釘都唔知，如果唔係對安全鞋夠料隻腳板肯定流晒血咁話。

我因為食咗藥個人平靜咗，電話響個時d反應無之前咁大，但同樣唔尋常嘅係，個小熊唔知點解好似失咗靈咁，隔唔走d推銷電話，起初以為個data base update唔切，但後來連資料庫本身有嘅號碼都攔截唔到。

我下意識覺得喺未小熊終於露出真面目，要課金先肯做嘢？我留言問佢哋，好快回覆話查緊原因，唔排除被人hack咗入個System。睇d回覆咁詳細又唔似老作。

本來離開咗律師樓個陣，諗住以後息事寧人，以後唔理呢d junk call就算，但食lunch見到其他人被騷擾嘅情況，同埋小熊咁橋冧apps，我覺得，好似有d大嘢。但我一下子講唔出係乜！





呢個特殊情況好似越來越嚴重，我第二日返工，老細，其他同事，老豆老母，我條女，不停俾推銷電話轟炸。我老豆本來好好脾氣，但都開始有d忟憎！

FB, IG, 以至d討論區，多咗好多類似投訴討論，我覺得好似有個驚天大陰謀。

我突然間諗起大台個「東張」，無咗蘋果，依家可能要搵佢哋先刮到料……….