本來諗住對付班電話cold call, 點知攪到自己爭d無命: 13

我醒番個陣時，發覺自己瞓咗係個山谷，附近d山全部高到見唔到頂，同埋光禿禿無乜樹木，個感覺唔多似係地球。不過經過上次去過虛擬世界，相對無咁驚奇，我諗不過係入番虛擬世界。

妹妹仔攞住袋嘢，話俾我食嘅，佢重係著住個條碎花連身長裙，我定晒咁望吓佢個樣，佢怕怕醜醜咁垂低頭，好cute好pure咁樣。

依家孤男寡女，佢話過嚟緊日子會廿四小時同我一齊，個腦即刻諗多咗嘢囉，不過，我大佢好多㗎，又有條女。況且呢輪發生d事情，完全係無可能估計得到，我重係有種疑幻疑真嘅感覺。

我打開個袋，見到d好似花生嘅食品。佢話食三粒就得，足夠應付每日所需。

佢攞咗三粒食，見到我有d猶豫，就一野扯開我個口塞咗三粒入去。佢做呢個動作嘅速度，快到唔識形容，簡單d講係唔係普通人可以做到嘅快。我食完之後成身滾，feel到自己d肌肉係咁澎脹，同埋個人好似興奮咗，好似take咗嘢咁。





「依家教你基本武功先，學完一般人埋唔到你身。不過我強調，係普通實體人。」

我以為會教我紥馬，點知一開波要我打水，我身處地方隔離有條溪澗。佢要我集中意念，一拳要將d水花打上十層樓咁高。呢一刻好似置身武俠小說世界咁。但打到d水花咁高，有無可能呀？但諗唔到，我一野就將d水打到唔止十層樓高，我自己都唔相信。

妹妹仔重興奮過係咁攪實我，對野雖然唔算大但都幾有質感，重攪到我細佬有d反應。

「你好衰㗎蝦人。」佢塊面紅卜卜，把聲重好嗲添。

但跟住到我臉紅啦，原來佢真係識讀心術，知我諗乜，我即刻同佢耍冧，不過佢個樣重笑得甜，真心講笑起上嚟其實好靚。





之後佢話諗唔到我咁快上手，可以直接做對打練習。不過佢無講招式，只係叫我用個腦諗點樣打我，同埋唔駛留手。

咁即係唔駛學空手道，跆拳道，巴柔。我試下凌空360度打幾個空翻，又真係得喎。我於是同佢對打，但可惜我完全打唔到佢，佢知道晒我會點出拳出腳咁。係喎，我唔記得咗佢知道我諗乜添。

我同佢投訴話咁樣我永遠打唔到你啦，佢話因為佢個level重係高過我，到第二時我如果level高過佢，情況就會掉轉。

咁即係到時只有我知道你諗乜，你就唔知我諗乜啦！到時點FF，你都唔知啦。

「你唔駛心急！我遲d會俾你㗎啦！」諗唔到佢會咁講……