本來諗住對付班電話cold call, 點知攪到自己爭d無命: 16

妹妹仔同佢班隊友嚟自一個叫丁寅星嘅星球，個度相對於巴兩星，距離地球重遠，足足二百光年，佢哋嚟係唔想巴兩星班撚樣係度攪攪震。佢又補充點解巴兩星會攞電騙嚟玩，就係因為地球人本身已經有呢d無所不用其極嘅欺詐行為，而電騙已經相當流行，索性就地取材玩大佢。


至於點解咁多地方唔攪攪香港，佢話好多香港人本身一早變晒社畜，習慣啞忍同服從性高，容易征服操控，但西方國家嘅人較有自我同抗爭思想，相對較難控制咁話。

好可惜，我啱啱俾條女飛咗，本來面前個妹妹仔後生溫柔好脾氣又賢淑，塞翁失馬，同佢一齊肯定開心過同之前條女，但佢居然話自己係外星人，我重諗住到我上到第五級，就可以同佢執番鑊，我都唔知點樣同佢相處好。但講真佢個樣同一個香港少女完全一樣，佢攪住我個陣又軟又香，妹妹仔你唔好咁坦白吖嘛，佢重同我講因為方便係地球執行任務，先將個樣同個身體變到同地球人一樣，咁啫係呢個唔係佢真樣啦，咁個真樣會唔會同d科幻電影一樣咁恐怖呢？

不過依家最重要任務，始終都係要救番香港，其他嘢擺埋一邊先啦。

我哋繼續日以繼夜練功，重學埋用d重型武器，個支鎗嚇死人，一鎗嘅威力可以打碎廿層樓高嘅巨石，但同劍唔同，唔可以用意念操控，個火力重係fix死嘅。所以我鍾意用劍多D。





有日妹妹仔著番之前係鳳凰號著個套戰衣，即係粉紅色短裙仔個套。同佢對練個陣真係𥄫晒裙底，佢穿個條重係T-back底褲，有d毛毛重係側邊突咗出嚟。但自從知道佢係外星人之後，真係乜火都熄晒。

「你已經上到level 5，依家我已經完全屬於你，你可以做㗎啦。」

我有d唔好意思咁望住佢，佢知我諗乜，就話等我ready到先。

本來好期待呢一日嘅來臨，但真係接受唔到，你唔講咪好囉。

「你俾d時間我」我回覆佢。





「我知要你同一個外星人一齊好難接受到，你慢慢，我會等你嫁。」

如果佢係地球人，真係完全無得彈。

妹妹仔話好快要出山戰鬥，今晚佢好落力咁煮咗好多味餸，我唔知乜嘢原因，堅持要幫佢手，佢笑到四萬咁口。肉體上關係我未接受到，但咁樣同佢好似兩公婆咁溫馨嘅關係，我好enjoy. 我知打仗隨時會無命，佢想大家食得豐富d，萬一有咩不測，至少可以做隻飽鬼。

個晚瞓唔到好多嘢諗，我都唔理妹妹仔會知我諗乜，一來都擔心夠唔夠班外星人打，二來真係有d唔捨得呢度，同妹妹仔一齊好有幸福感，攪唔攪嘢已經無乜所謂，反而想同佢永遠一齊，我覺得我已經鍾意咗佢，我唔想再理佢係唔係地球人。呢段日子，同佢練功，永遠好有耐性咁教我，從未發過脾氣，煮飯洗衫冚被樣樣皆精。起初對佢有d戒心，但自從佢坦白承認自己係外星人之後，反而同佢融洽咗，個次見到我ex出軌，佢好真心咁安慰我。

佢頭先咁主動。咁，我係咪要突破自己心理關口呢？體驗一下人類歷史上從未有過嘅新事情，同外星人扑嘢？……