係同屋室友?定係同居密友?: (S4)01. 躲在柱後的男孩子

各人都繼續自己嘅生活，身為大學一年級學生嘅苗學嬛，係呢一個spring sem，依然好似校花一般，有幾個追求者。有系草，有Yr2同Yr3嘅男同學，亦有校隊同學生會幹事追求佢
 
可惜襄王s有夢，神女無心。不過經常見住苗學翹同梁小祺咁甜蜜，所以佢自己都對愛情有憧憬
 
但係佢知道，追求佢嘅男仔，大部份都係外貌協會同身材協會，對於咁膚淺嘅男仔，苗學嬛係絕對睇唔上眼
 
有時佢會自己輕嘆，佢身邊嘅白馬王子幾時會出現?
 
今日放學後，佢自已一個行返宿舍，苗學嬛揀宿舍時，揀左全女宿層，原因，佢唔想咁嘈
 




佢住果座宿舍係海邊，有無敵大海景，隨住佢Hallmate今個sem冇hall住，所以佢自己就加錢，搬去同一hall之中嘅單人女子宿舍
 
今日苗學翹當值，所以苗學嬛自然會同佢地兩個一齊食晚飯
 
正當佢係到連接橋之時，佢見到一個男仔，好尷尬咁企係條柱後邊，只伸佢上半身四圍望
 
苗學嬛下意識要保護自己，所以佢加快腳步快跑，不出佢所料，果個男仔真係叫住佢
 
「同…同學…唔該妳可唔可以…」
 




果個男仔未講完，苗學嬛已經好快跑走直去canteen搵苗學翹同梁小祺
 
「嘩，妳搞咩咁趕呀?」苗學翹見到個妹跑到時亦不禁問起
 
苗學嬛抖一抖順條氣「頭先囉，係連接橋果度有個男仔企係柱後邊裝出黎，仲想叫停我，我點知佢想對我做咩呀」
 
「斷估唔會有人想非禮妳呀?」
 
苗學嬛聽到苗學翹咁樣講，立即拮起條腸對住佢阿哥「我綽號新加坡林明禎，點會冇人睇中!?」
 




苗學翹一口咬走條腸「係囉，到而家仲係A0，妳都係準備出家做尼姑或者修女架啦」
 
「吔屎啦你」
 
「喂，你咁樣話個妹嘅?」
 
苗學翹伸一伸直條腰「係大學，男仔遮遮掩掩唔敢出黎， 定係俾人玩到條面褲都爛，好尷尬，打算到夜少少先快手快腳返入hall啦」
 
「點解你可以咁肯定先?」
 
「妳信我啦，呢D情況我以前都見唔少」苗學翹回想返以前讀UG住hall果時嘅開心日子，難免會有點回味，當初青澀嘅年青人，轉眼間已經成為左社會人，不過一樣嘅係，自己仍然留係同一所大學之中
 
係同苗學翹同屆嘅同學，有人移民、有人為錢而係自己理念上轉移陣線同立場、有人作鷹犬、有人已經成家立室成為父母
 
忽然間，苗學翹又諗起住Hall時識到嘅初戀女朋友，就讀於商學院BBA嘅Fiona，佢地兩個係UG時代都經歷過一段時間，無奈都係逃唔過分開嘅結局




 
諗到呢到，苗學翹突然對初戀情人有少許掛念
 
「嘩，如果照阿哥你咁講，佢俾人玩到褲都冇，係到半裸跑都幾慘喎」
 
佢地三個食完飯，走出canteen
 
「點呀?洗唔洗我陪妳返去呀?」
 
「要你同小祺姐姐送完我落去再行返上黎咩?咪玩啦，有事我會大叫架啦」
 
「妳真係冇問題?」梁小祺再問多次
 
「呢到係學校，絕對冇問題」
 




苗學嬛同佢地分開後，自己一個行返hall
 
去到果條柱，見到果個男仔仍然瑟縮係柱邊。苗學嬛本住唔好多事嘅心態，自己快步行返hall，飛快地返到自己嘅房間
 
忽然間，佢自己唔知諗咩咁，好同情果個男仔
 
於是佢又再一次離開自己房間，向果條柱出發，出門口前，亦不忘拎起一件風褸