係同屋室友?定係同居密友?: (S4)08. 在家工作

苗學翹摸一摸梁小祺個頭「又唔急嘅，等我處理左D野先啦」
 
小祺覺得奇怪，正常黎講，學翹係會係學校做哂所有野先返屋企，甚少帶野返屋企完成，於是佢就問學翹
 
「你帶左野返屋企做咩?唔似你喎」
 
苗學翹神色一沉，舉起一隻食指去增強自己嘅氣勢
 
「錯!!我係點都唔會再帶野返屋企做!!」
 




點解苗學翹講過再字?事緣係差唔多一年前，有一日有超多單，而小祺果日又要去上training workshop，所以confirmation嘅工作就由學翹暫時接手
 
果日d單真係好多好多，埋差唔多100張左右，而果日學翹自己workload都唔細，所以佢諗左個方法，就係scan哂所有要confirmation嘅單，再save低係手指，然後一次過將所有野拎哂返屋企做
 
佢係屋企好舒服咁慢慢做，用左兩個鐘左右就完成哂d野
 
但係到左第二日，Roy就問學翹「你尋晚拎左野返屋企做呀?」
 
「咦?你偷窺我呀?我尋晚係屋企做乜你都知嘅?」
 




「係個system顯示尋日d單，係晚上22:00點左右confirm」
 
「有問題?尋日真係好多野做丫嘛」
 
「問題其實唔大，只不過係條數亂左，有d confirm左，但變左今晚先收錢，而家Suki佢一頭煙」
 
「佢會唔會殺左我?」
 
「應該就唔會嘅，下次你可以留返第二日做嘅」
 




係果日，小祺俾d數搞到一頭煙，差d想拎刀斬死學翹
 
小祺諗返起果日d數，對到佢傻，即使而家拍緊拖，佢都想入廚房拎刀斬人，因為果日真係對到佢眼都盲
 
「你仲提!?果日搞到我眼都盲咁滯呀!」
 
「係啦係啦，都話唔再帶野返黎做囉，有時間都陪下我個可愛嘅老婆仔啦」
 
聽到學翹咁叫自己，小祺塊面好快好紅，佢開心之餘又有少許怕羞
 
「我幾時有話會嫁你呀?你唔知醜」不過佢自己已經開心到暈咁滯
 
係小祺仲陶醉緊俾學翹叫佢自己做老婆果時，苗學翹已經聚精會神咁望住notebook
 
小祺睇一睇個notebook，發現學翹睇緊同事請假嘅日子，下兩星期，都有同事請長假清假，變相學翹要負責埋佢地嘅工作




 
學翹見到咁嘅情況，又有少少頭痛，畢竟要頂大約個半數月，而家供應部所有operation，已經係交哂俾學翹管理，佢每日就帶住師傅們去做野。而黎緊6個星期 ，佢仲要負責埋化學品嘅分發同埋拆箱對貨之類，仲要招呼埋處理化學廢料，安排收化學廢料桶之類
 
學翹將張椅退一退後「呼，唔理啦，到時再決定啦」
 
小祺望住學翹，有時都覺得佢地幾慘，一黎佢地部門已經細，仲要係孤兒仔部門，二黎人手永遠都唔會加，而且同佢安全部門合併之後，所有體力勞動、辛苦、煩野全部係佢地負責哂，相反佢地自己就UNUN腳，少左好多野做，不過仍然話自己workload過多，仲想推更多工作俾佢地，所以樓下充滿怨氣都係正常，基本上而家樓下日日都係「怨恨…….辛酸…….」咁樣
 
「洗唔洗我返黎幫幫你手呀?」
 
「唔洗啦，妳留係上邊休息下啦，我地呢到真係好攰」
 
學翹寵妻嘅程度真係超乎小祺想像
 
「你唔洗咁照顧我架喎，我都唔係小朋友啦」
 




學翹摸下小祺個頭「妳以前受苦太多啦，而家應該要休息多d，唔好太粗勞」
 
小祺聽到後，再一次將膊頭挨去學翹到，開心地笑
 
而小祺，都決定唔再對學翹隱瞞，佢打開左佢細個時嘅相file