係同屋室友?定係同居密友?: (S4)48. 宿舍晚餐

「推完間尺之後，我發現阿哥你個小部門基本上已經唔可以再增加工作量，基本上而家已經飽和哂，勉強再加嘅話反而會降低工作效率」
 
今晚，李文灝係職員宿舍之中同苗學翹一齊分析工作上嘅data，而梁小祺同苗學嬛就係廚房準備今晚嘅晚餐
 
咋暖還寒嘅日子，圍埋一齊打邊爐燒肉就最啱，不過對於苗氏一族黎講，打邊爐係一年四季都啱嘅活動
 
廚房內嘅兩位女孩正在細心打理今晚嘅餸菜。肥牛、豬、金菇、冬菇、烏冬、菜之類所有都有
 
「阿嫂呀，乜阿哥佢真係咁多野要做要處理架咩?」苗學嬛拎住一串串蝦咁問，仲要係大蝦
 




「唔….我地樓上乜都推俾佢地做，基本上所有Dirty job已經係佢地處理，大老細仲係覺得未夠，仲想再將佢地渣乾渣淨」
 
「但係阿哥又冇咩反抗咁嘅」
 
「佢可能係睇在我份上掛，始終我都係樓上嘅人，如果公開反抗，可能會影響到我」
 
「咁阿哥真係好錫妳喎」
 
「邊度夠妳個數學男神咁錫妳呀?」
 




一提起李文灝，苗學嬛都有少少不滿「咪提啦。一講到計數，佢就好似著左迷咁，一計就計成個鐘」
 
「咁佢係專心工作者」
 
「咩呀，佢幫阿哥分析呢單野，可以成晚唔瞓咁做，如果唔係我去搵佢，佢可以做通宵添呀」
 
「我叫妳地準備d野有冇帶黎呀?」「有呀!做咩叫我地帶定衫褲黎呀?」
 
「預妳地今晚係到過夜，食完飯咁夜，咪打算叫妳地留低囉」
 




「會唔會阻到妳地呀?」
 
「妳兩個瞓廳張梳化得唔得先?」「呵，我地兩個一定得架」
 
說時話那時快，兩個男嘅已經整理好結論。當佢地出去飯廳果時，都立即幫手準備
 
開檯set爐，拎出一個充滿雞湯的煲，香氣濃郁
 
一如以往，苗氏一族差唔多係滴酒不沾，即使係飲，都只會一杯起兩杯止，特別係苗學嬛，基本上佢飲少少就會發酒癲，酒品極差
 
嘿一聲，苗學嬛好快將肥牛倒入窩中
 
「喂喂喂，妳呢d叫打邊爐咩?妳呢d叫大雜燴，即係同韓國果d部隊窩一樣」苗學翹係到對個妹訓示
 
「呢d叫新加坡打邊爐!你識條鐵咩!」苗學嬛一手夾起一大堆牛肉放入碗中




 
兩兄妹你一言我一語互串，令到梁小祺同李文灝睇得不亦樂乎
 
「Edan你係獨子?」小祺問道
 
「真係咁易睇得出?」
 
「有d啦，見你好就阿嬛，又錫到佢燶咁滯」
 
李文灝邊食邊答「咁我追到佢，就自自然然要錫佢就佢」
 
「有時唔可以太遷就佢，阿哥有時都唔會就哂我」
 
「估唔到小祺姐妳思想咁大個」
 




小祺微微一笑「係我成長經歷比起其他人辛苦得多，所以先會諗到咁多野」
 
李文灝之前曾經聽苗學嬛講過小祺細個嘅事，知道佢身上某d地方仲有疤痕，即使用左去疤貼，傷疤依然存在
 
小祺可憐嘅身世，令到認識佢嘅人都想好好保護佢，連李文灝同苗學嬛都一樣
 
「吼!!!!!!!!!!!!!!!!!!!!!!!!!!!!!!!!!!!!!!!!!!」
 
飯廳繼續傳出苗學嬛嘅吼叫
 
「有冇後悔呀?」小祺笑住問
 
「我揀嘅….我揀嘅…」