係同屋室友?定係同居密友?: (S4)50. 宣佈重建

一個城市嘅規劃發展，往往離唔開兩個方向，第一個係發展新地段，移山填海，而另一個，就係舊區重建
 
小祺細個住嘅地方，應該係話佢父系家人以前住嘅舊區，最近被傳會俾市建局收樓重建
 
消息傳出後，梁奮成一家人非常興奮，因為舊居地段位於一個唔錯嘅校網，另外又近地鐵站，所以收購貨一定唔會低，佢地已經諗定D錢點用，完全唔知道，佢地果一層舊居，已經轉名到小祺身上
 
同一時間，係宿舍之中，苗學翹都將五份樓契收好，今次佢決定大手出擊
 
終於一星期後，市建局宣佈該地段會進行收購重建，並即時凍結戶口，但並不包括正在交易，已簽臨時買賣合約嘅交易
 




梁老太聽到會進行收購時，立即打俾自己個大仔，想將層樓轉返自己名
 
「唔得喎，市建局已經凍結左戶口，唔可以轉名啦」
 
「點解唔得呀!!我先係一家之主!!!我話得就得!!!」一向冇咩常識嘅梁老太，經常覺得誰大誰惡誰正確
 
結果唔洗講大家都知，佢又走上去市建局同人講要轉名，最後又係要報哂警咁樣，佢先肯死死地氣咁返屋企
 
但係佢諗一諗，梁偉成係佢個仔，佢個仔嘅錢就係佢自己嘅錢，當市建局賠錢果時，要佢俾返自己就得
 




於是，佢就返屋企再諗買咩俾梁國柱好
 
終於市建局提出收購條件，每戶業主可以揀要足350萬或者要180萬，餘下款項可當作重建後樓宇嘅首期
 
梁老太知道後，立即要求大仔揀要全款
 
「咁我之前供銀行嘅數點呀?」
 
「咪當係你資助個侄仔囉!!你仲想要佢還呀?佢係我地屋企嘅希望黎架!!仲有呀!!你層樓應該加埋佢名!!」
 




面對梁老太咁嘅要求，梁偉成斷言拒絕
 
「咁樣我點都唔會交返D錢出黎架啦!阿媽妳咁多年都當我地係提款機，而家仲想將我層樓吞埋，妳對我地公平咩?我生個女又點?我個女至少讀到書又係專業人士」
 
「講咩公平唔公平?我就看重男孫!!我地屋企將來一定係以阿柱為中心!!!你地所有錢同財產都係要俾哂佢!!!」
 
梁偉成聽到之後更加火滾
 
「錢同樓我都唔會拎出黎，我所以野都會留俾我外孫女」
 
「你有冇搞錯呀!!!果個丫頭片子邊值得你為佢付出咁多!!!將來出嫁就係人地屋企嘅人，你咁都唔明白!!!」
 
「我睇得好清楚!!女又點? 都可以為我養老孝順我!!!阿媽妳呢D過時嘅思想要改改!!總之層樓我就唔會拎返出黎，亦拎唔到出黎，而家已經唔到我話事」
 
梁偉成好快收線




 
電話裡頭嘅梁老太深深不憤，佢同梁奮成話哂所有野後，梁奮成就提出方法
 
「一係要小柔俾返錢我地囉」
 
「果個丫頭片子點會俾丫!!!都唔知佢用咩手段呃到咁嘅學歷出黎，一個丫頭片子點會讀書咁叻丫」
 
「咁一係去查冊，睇下點解大伯話俾唔到層樓返出黎啦」坐係佢地身邊嘅梁國柱提議
 
梁老太一聽，立即笑容大開「都係我孫仔最叻，諗到可以咁做」
 
第二日，佢地一家去到填土廳交低10蚊之後睇
 
當份資料搏出黎果時，佢地一家買口都目定口呆
 




資料上寫住，該物業已經被人從銀行中贖回並同時轉名
 
現今物業擁有人為梁小祺小姐