係同屋室友?定係同居密友?: (S4)51. 近況

「咩話!!!點解層樓會去左個丫頭片子手上架!!!!」梁老太非常激動咁問
 
「佢點會有咁多錢贖樓架?咁有錢都唔孝敬屋企，仲要避開我地，果個死女包!!!」梁奮成亦加一句
 
三個人係屋企諗緊點樣搶返層樓之餘，仲想搶埋小祺嘅錢，佢地又點會知道，出錢贖樓嘅其實係苗學翹，小祺只係加個名上樓契上，如果要打官司，學翹可以話先至係真正嘅業主
 
「同我搵個丫頭片子出黎!!要佢轉返名俾我地」
 
「不過阿媽，層樓係佢出錢贖，所以…」
 




「咩呀!!!佢嘅錢即係我地屋企嘅錢!!就算佢嫁左都係!!!!我拎返自己屋企嘅錢有咩問題呀!!!」
 
係廚房準備晚餐嘅連麗琴，心情1516，因為對於小祺出錢贖樓嘅事，佢係知情嘅
 
佢自己一直以黎都對小祺有歉意，因為小祺係佢10月懷胎生出黎嘅女兒，即使佢係農村人，佢都唔會狠心到拋棄自己個女。當年小祺俾屋企打果時，佢自己並冇出手，但同時亦冇阻止
 
連麗琴清楚知道自己夫家成員脾氣，佢地志在必得嘅野，如今落係屋企最睇唔起嘅孫女手上，佢地會用盡一切方法去搶樓/錢返黎
 
所以，佢打算先行一步去叮囑小祺好好保護自己
 




但係，佢而家連個女嘅聯絡方法都冇，一直以黎，佢都係靠大伯同姑拉兩家人幫佢同小祺聯絡
 
係第二日，正好係連麗琴去醫院覆診日子，係佢到藥房交藥單之前，佢打左個電話
 
同時，身處藥房中嘅梁小柔收到電話
 
「細嬸?妳搵我有事?」
 
「小柔呀，我係藥房外邊，妳方唔方便出一出黎呀?」
 




「冇問題，妳等一等」 身為醫院嘅高級藥劑師，隨時離開自己座位，都唔會有人過問
 
佢行出辦公室，就已經見到連麗琴係到等佢
 
「細嬸，妳拎左藥未?」
 
「呀..未呀」
 
「妳俾張藥單我丫」
 
梁小柔拎住連麗琴嘅藥單，將佢交俾下屬「細嬸妳等一陣啦，同事好快幫妳拎好架啦」
 
「唔該哂妳呀小柔」
 
梁小柔見到連麗琴一臉憂慮咁，都忍唔住關心下佢




 
「細嬸，妳冇事丫嘛，臉色唔係太好」
 
「呀….我冇咩事，妳快D返去做野啦，冇謂阻到妳」
 
梁小柔由細到大都一向冰雪聰明，所以連麗琴搵佢嘅目的，除左拎藥之外，佢自己都已經估計到
 
「妳想知道小祺近況?」
 
「呀…係呀……我個女…應該只會同妳聯絡
 
「小祺而家係大學到返工，已經冇住劏房架啦」
 
連麗琴聽到自己個女嘅近況，都忍唔住問多D
 




「佢咁叻女自己儲到錢買樓啦…..」
 
小柔望一望連麗琴「佢唔係儲到錢買樓，佢係同個同事一齊住係學校宿舍」
 
「有人照顧佢我總放心D….」  「細嬸，正確黎講，佢係同一個男同事一齊住，而果個，係佢男朋友」
 
「男朋友?小柔妳係話，個妹同人拍緊拖，一齊住?」對話中顯得連麗琴非常緊張
 
梁小柔點一點頭，同樣身為媽媽嘅梁小柔都知道連麗琴擔心緊D咩
 
「放心啦細嬸，我叫左小祺做好安全措施，佢都同我講佢地兩個好安全，而且個男仔我地兩家人都見過，佢對小祺好好，好錫小祺，係一個老實人，佢仲幫小祺還清哂學債，而且佢仲好錫我個女」
 
梁小柔再補充「個男仔會好好保護小祺，細嬸妳大可以放心，我相信……嫲嫲都奈佢唔何嘅」