係同屋室友?定係同居密友?: (S4)58. 打風入貨

時值夏天，風季雨季又來臨。今日現正掛起3號風球，而天文台亦預計下午風力會增強，好大機會會係2點左右掛起8號
 
係總部內嘅小祺，聯同一眾同事已經係尋日巡過成間學校，應該冇咩問題
 
佢行過student hall時，見到拎住一袋二袋食物同零食嘅Vincent同Rachel
 
「嘩…妳你地兩個入貨上倉呀?打風者，又唔係世界末日，洗唔洗買咁多呀?」
 
「咩呀，今日有折呀!!咪當買定多d囉。妳老公冇入貨咩?」
 




「尋日我地網購左啦」
 
「可能一陣佢又會去再入貨呢」
 
另一方面，樓下供應部就不停收到order之餘，supplier仲黎幫佢地收走一d吉缸，順道補充貨源
 
而supplier唔係一間黎，係幾間一齊黎
 
所以係樓下嘅學翹同一眾師傅們，係忙不可交
 




到佢地返到自己位時，每個人都已經疲憊不堪
 
學翹打開電腦，知道下晝會掛8號時，立即打電話落學校間超市 「喂，劉生，係我幫我留起….」
 
一收左線之後，佢就慢慢行去超市，一踏入超市，就立即去俾錢，再將幾箱貨放係由貨倉借嘅手推車上，再推去停車場
 
大約食飯時間左右，全校職員收到電郵
 
內容都係話：由於天文台宣佈下午三時二十分懸掛8號風球。副校長以免各同事放工晌定時交通不便，所以決定即時放工，所以下午課堂取消
 




當大家收到電郵後，就一窩蜂咁去校巴站排隊。而停車場內，同事都去拎車，學翹都係其中之一
 
係總部內嘅小祺仍然坐係位到，其他同事見狀都忍唔住問佢
 
「Suki妳仲唔走嘅?」
 
「下?呀….咁….阿翹仲而家應該未行到去停車場….」
 
「係喎!!!妳地而家一齊住喎，唔記得添，不過妳地兩個返去都要小心d喎」
 
「知道啦」
 
小祺望一望個鐘，對好時間就起身，熄電腦，孭起背囊出發
 
當小祺一出電梯，打開遮行到出廣場果時，學翹部車都剛剛駛到。佢地兩個夾時間真係非常準確




 
小祺一上到車，第一時間關心下自己男朋友先
 
「你今日攰唔攰呀?今日你地應該好忙好多野做」
 
「妳又會知嘅?」
 
「咁我都叫落過黎一段時間嘛」
 
「忙就肯定架啦，不停送野。咪好似上年10號果次咁囉。大家有哂經驗」
 
學翹將部車慢慢駛出學校，向宿舍出發
 
「估唔到會咁早放工」
 




「唔早放，一陣好似上次窒死哂咪大鑊。上次得一間餐廳開門，宿生想食野都唔得」
 
「係喎，你有冇再入貨呀」
 
「妳睇下後邊」
 
小祺轉身一睇，就見到幾箱野係到
 
「你幾時買架?」
 
「打電話落去留貨，然後借車仔放入車到囉」
 
返到宿舍，兩個人快手快腳咁合作搬野
 
學翹問保安借車仔，小祺返上去開定門收貨，所以好快所有野就搬哂入佢地個單位




 
小祺一睇
 
「嘩!入咁多零食嘅?」
 
「咁打風丫嘛，呢d好重要架，我都入左菜同生果呀」
 
「你似瘋狂掃貨喎」
 
「咁今日有折，咪入多d囉，有咩所謂，妳都會食架嘛」
 
當日，佢地個零食櫃幾乎塞滿薯片