係同屋室友?定係同居密友?: (S4)57. 近況如何

見到肖翠君咁嘅樣，十居其九都係關於佢阿媽同佢家姐問題
 
「佢地仲係咁呀?」
 
肖翠君無奈地點頭
 
「家姐仲係發緊大少奶嘅夢，仲係到等緊富二代，叫佢出去搵工，佢就話冇二萬五唔好叫佢做。你知佢咩料架啦，有萬五俾佢都已經偷笑，仲要二萬五…..呢樣唔做果樣又唔做」
 
「而家仲係兩邊走?」
 




「冇法啦，冇地方落腳，租金又咁貴」
 
「妳阿媽呢?應該唔洗坐足」
 
「佢都係剛入去一個月，不過已經俾麻煩我呢….」
 
同苗學翹所想嘅一樣，肖師奶嘅貪，係從骨子裡出黎的
 
「等我估下先，係唔係話佢出黎後，要同全家都黎同妳住，幫妳湊仔果D?」
 




「你真係好瞭解佢」肖翠君苦笑咁講
 
「有幾難估丫，妳點處理?」
 
「我邊會理佢，我而家有自己嘅家庭，要全心全意照顧小朋友。我阿媽唔單止話要搬黎住，佢仲話要拎禮金過大禮又要擺酒全包果D。我地邊有咁多錢同時間，所以我決定唔再理佢地」
 
「真係咁易避到?佢地知道妳住呢到喎」
 
「我地唔開門，唔通佢爆門夾硬入黎咩?而且我老公唔係你咁淋善，應該強硬時佢會強硬保護屋企人
 




「妳先生好錫妳」
 
「佢為我改變左好多，為個小朋友轉變左好多」
 
苗學翹望住肖翠君「妳都係丫，以前想像唔到妳會湊小朋友，仲要咁細心」
 
「將來你做父母果陣你就會明白」
 
「人會長大嘅，大家都會變」
 
肖翠君望住疊彊醋券「你夠唔夠食呀?你知啦，你咁鍾意食彊醋」
 
「我一個人點會食唔哂，而且而家我係兩個人住喎」
 
「一時唔記得你同女朋友同居，你做咩唔帶埋佢黎呀?」




 
「佢同我一樣，鍾意留係實驗室做實驗」
 
「仲有鍾意睇書發呆呢?」
 
「妳咁都知道嘅?」
 
「果日係法庭，我望見佢就覺得佢係果種人，咁都證明我冇睇錯，佢讀Ph.D?」
 
「暫時都冇打算Ph.D讀6年喎，要痛苦6年，唔係個個都接受到」
 
「你咪得囉，一邊返工一邊讀書」
 
大家有講有笑，差唔多兩個鐘，學翹都係時間離開
 




臨走時，肖翠君仲不忘提學翹
 
「快D娶人地啦，女仔青春有限」
 
「妳快D生多個啦，等個仔冇咁悶」
 
苗學翹離開大廈果時，遇上拎住好多BB野、肖翠君嘅先生
 
佢正如肖翠君所講，變得非常顧家
 
去到停車場，拎左車就開車返學校接小祺，不過返學校之前，學翹先去換兩包彊醋先
 
佢數過，肖翠君俾左兩打券佢
 
「兩打，點食呀喂………」




 
兩個人返到宿舍後，學翹將彊醋放係雪櫃入邊，小祺見到果疊彊醋券都問
 
「你食唔食得哂呀?」小祺俾呢疊彊醋券搞到哭笑不得
 
「總有一可以食得哂嘅」
 
不過果日係唔知幾時之嘛………..
 
可能食到天荒地老都未食哂，但係，學翹真係好鍾意食彊醋
 
大約一個月左右，佢就會清哂，亦唔排除佢自己會再買
 
睇黎，佢真係好鍾意食彊醋