𣎴能愛上的星級女神: 女神做壞事

萬若嵐買了些東西，要求上我家煮給我，說有事跟我講。

「你煮？食唔食得架？」我看她拿刀的手勢，平時應該不常煮飯。「OK啦，煎牛扒冇問題～」「你睇住隻手啊…」我在她身後，把她左手拉開一些。她笑得很甜回頭望向我，令我很想從後擁住她。除此之外，我沒有協助她，她自己完成了整頓飯。

「試吓？」我切了一小口牛，點點頭：「係得喎～」「梗係啦，你估我仲係十幾歲嗰陣咩？」「咁我咁多年冇見你，點知你中間做咗咩呢？」我邊吃邊申訴。又問她：「你又話有嘢講？咩呀？」她聽到這個問題，樣子認真起來：「其實…呢餐飯我係同你道歉。今日果d野，係我有心做比media報導…」她未說完，我已猜到：「唔怪你家姐唔出聲。你哋想借我過橋，洗走上個月件事。」「瑾瑜，其實…」「明白！全部都係戲嚟。」雖然猜到，但確實有點生氣。

「唔係啊，我…」
「其實隔咗咁多年，一個人點會冇變？你變咗，我都變咗。」
「其實…」
「其實你會唔會考慮你套電視劇個男二呢？我見我哋一齊果陣佢望過黎架眼神…」




「你話Paco？你講咩呀？」她好像有些驚訝又生氣，我吸－口氣，坐好，對著她說：「你做咗咁耐娛樂圈，如果你話冇個比我好嘅男仔，我打死都唔信。如果有邊個啱嘅，你可以同我講，我幫你。」她臉上掛滿生氣、不忿和不開心，但她都忍下了，吃了兩口牛，流了一滴淚，微笑說：「不如我問多你一次？你有冇野想同我講？」我們也保持沉默，直至這頓晚餐吃完。我知道她原來想整芝士蛋糕，材料已經出賣了她。只是我們沒有人願意打破沉默，她把碗碟放入洗碗機，沒說什麼便走了。
「喂程心？」我有種失落感，便致電找程心：「你而家得唔得閒？」

「點呀？人哋唔同你整cheesecake，搵我黎做你後備助手呀？」她邊打蛋邊打擊我。
「好啦喎，而家整cheese cake要加檸檬汁嘅啫，唔使係咁比檸檬我食嘅！」我邊量度其他材料。
「我以為你食慣添。你咁靚仔，咁多年黎咁多女仔冧你，你會怕佢一個萬若嵐？」
「你夠靚女啦！大學果陣咁多人追，我以為你會揀個高富帥結婚，點知你揀個咁平凡。」
「好啦我唔串你，你都唔准再串我！」她溫柔地警告我。她的蛋白彈到我手，我毫不猶豫撩起，擦在她臉頰上並偷笑著。「玩野呀你？」她撩另一點便來進攻我，我們你追我躲，最後滿面蛋漿……

翌日我故意向家姐和平時合作的同事打探那位男二的資料。李栢言，32歲，23歲選香港先生入行，近幾年開始進昇一二線角色，樣貌、身型和高度都是主角級。據知4至5年前和若嵐合作第一部劇而認識，前年一起上綜藝節目，今年有2套合作劇。家姐說他們有和其他藝員朋友每兩三個星期左右會行山，亦知李栢言有周不時約若嵐。





剛到化妝間，若嵐上洗手間之際，Candice走到我跟前。她把我和若嵐做封面的三本雜誌放在桌上，把我壁咚在牆上：「萬若嵐借你過橋喎，你唔嬲咩？」
「我係打工仔黎啫…」
「你叫咩名？」
「向瑾瑜…」她居然直接吻了下來，還要剛好若嵐走進來，嚇得電話也掉在地下，把全場的目光吸引到我這邊。我感覺自己害羞得耳朵也紅了，若嵐轉身便走了，我正想追，Candice把我按在牆上，告訴我：「戲我就幫你做咗。萬若嵐咁衰擺你上枱，我勸你諗清楚先好追。」

雖然她什麼都不知，但我真的對這個叫Candice女人改觀。人類總是喜歡以第一印象定型，但Candice正是其中一個不應被第一印象定型的好例子。