𣎴能愛上的星級女神: 裙下之臣

我拾起若嵐那個螢幕貼掉爛了的手機，正要出去找她，結果在門外遇到李栢言。

「李生，我係…」
「我知，若嵐經理人，向生，我地見過。」
「下？」
「片場，同…呢個。」他正好手執一本雜誌。我立刻解釋：「其實我頭先執到佢部手機，不過我有野趕住做，你介唔介意幫我交俾佢？」
「就開工啦喎，你要出去咩？」我答不上話，他仿佛明白了我的意思：「OK。」
「唔該晒李生！」
「你可以叫我Paco 。你有事你走先。」
「OK.」我十分尷尬地走開，卻不知可以往哪裡走，唯有去飯堂外賣咖啡再回去。





到我回去時，已經看見若嵐和李栢言在休息時相談甚歡，而且手機已經交若嵐。如果你要我問心，我心酸了一片，明明是我把她推走。但我不應該自私，留她在個假男人身邊。
「向生？」
「Paco!」
「咁若嵐交返比你。我拍埋個shot先。」他微笑時帶酒窩。前腳剛走，若嵐便把我拉回車上。

「你而家咩意思呀？整爛咗我個mon，叫李栢言比我。同埋頭先你做咩唔喺我附近架？你未過試用期架喎，你信唔信我…」她沒說下去，我亦保持沉默。她再次打破沉默氣氛，由生氣變得不安：「你嬲我你出句聲啦…」
「我冇嬲你。」我說。
「咁唔該你唔好做埋啲無聊野…」她既生氣又不高興：「原來見返你之後係一啲都唔開心！」
「對唔住…」我深呼吸一口，按耐著自己的淚水說：「冇諗過會令你唔開心。我會同你家姐請遲…」「你走！」她妝容也化了：「走啊！」我留戀地望了她一眼。結果還是不愉快地結束，果然還是有緣無份。





「阿瑜？你去邊啊？」我剛下車，便碰到來路過片場來探若嵐的家姐。「做咩對眼紅晒呀？」她問我，我沒有回答，她打開車門，便看到伏在椅子上哭得一塌糊塗的若嵐。她一手拉住我衣領，力度好比上次發現我們一起過夜那次：「你唔系超完鬆呀嘛？」
「咩話？」忽然有個高大的男人走過來，只聽見她們叫了聲「二哥！」，我便被他一拳打暈了。

醒來發現自己在他們家中，應該是若嵐的床上，她在為我「碌雞蛋」。「你點呀？」「你醒拿？」他們三人也在，二哥立刻向我道歉：「向生對唔住，頭先誤會左你。」
「阿瑜唔好意思，我會計返醫藥費比你，希望你可以高抬貴手。」家姐說，但她補充：「我唔理你點諗，你同海昕好好傾下先。我哋等陣再過黎。」他們便離開了房間。