𣎴能愛上的星級女神: 保持距離

「點啊你？有冇事呀？」我故意冷冷地關心她。
「小氣鬼…」她喃喃地吐嘈我。
「你唔搞若嵐我咪唔會咁大力咯。你都贏咗我幾球啦！」我說。
「所以話你冇風度！」
「都係嗰句睇人啦～」
「我知你啲風度留晒俾萬若嵐吖嘛！」
「錯～我啲風度淨係唔俾你。」我笑著望向她說。
「你真係得架喎你…」她那個閉着生氣的表情，真的太令我暗爽：「係幾得架我…」
「咁我去搞你個若嵐…」
「喂！…」…





若嵐玩水的時候斯文大方又可愛，小小地把水撥到我身上。
「向瑾瑜～你睇吓！」她又拿來了衝浪板，和其他人一起找些白頭浪試站。
「睇住啊…」我一心一意扶住她，她玩得很開心。
「哇啊……」一個大浪擁過來，把剛站穩的她打落水中，掉到我身上，一起從頭濕到腳。我在水中把她抱住，她邊整理頭髮邊傻笑，她把我擁緊，無視身邊在玩的其他人包括在附近的監製、導演和工作人員，她烘近我主動吻上了我，我害羞得感受到自己臉紅耳赤。
「萬若嵐，你大膽呀你…」唇片分開了，她和我鼻尖貼着鼻尖對望著，她柔情地望向我：「咁你鍾唔鍾意啊？」
「好鍾意…」本來我還想討吻，聽到不遠處沙灘Paco和Mark哥等先上岸，對我們和在附近的Candice說：「喂！你哋玩多陣！我哋過去另一邊準備BBQ啲嘢！」加上他們意味深長的微笑，我立刻害羞地放下了若嵐，大聲回應：「收到！」
「咁玩多陣先？」若嵐重新回到板上。

忽然留意到旁邊的Candice在水中靜止了，表情有些痛苦。




「若嵐，你睇住自己先。」我未問清她狀況便立刻游了過去不遠處Candice旁邊，緊張地問：「有冇事啊？係咪整親？」
她皺着眉頭，輕輕點頭：「小腿好痛。」我立刻把她公主抱走回沙灘上我們的鋪墊上。我把毛巾掛在她肩上，看見她小腿有條流了一些血的傷痕，我直接把她抱去附近急救站治療。救護員邊為她消毒，我邊罵她：「朱浩婷！有冇搞錯呀你？整親仲唔第一時間上水消毒。啲海水好污糟有細菌架，你知唔知傷口感染好麻煩…」
她淡淡地說：「我知…我阻住你溝女呀嘛。Sorry咯…」
「隻腳唔係我架，你自己都唔緊張，你真係旨意你好朋友Paco幫你牙？…」
「係喇…你話夠未呀？」她盯住我，有些想哭的樣子。與她四目交投，我又回想起當晚煮晚飯、博學多聞地與我聊天的她，在街上腳裸受傷要我背起的她，在若嵐家門陪我坐著安慰我的她，還有在床上……我意識到自己想得太多，我移開了視線，在心中對自己說：向瑾瑜，朱浩婷係你情敵黎，你唔可以同佢咁close。你唔出手，佢就會出手，向瑾瑜你要記住！

「你自己行到吖嘛？我頭先以為你行唔到炸，你行到就自己行啦。」我故意冷冷地問。
「嗯…」她偷偷拭走眼角的淚，站起來後一秒恢復之前的樣子挑戰著我：「我諗我受咗傷，應該可以叫若嵐扶下我…」
「你都幾無賴喎。」我不滿地對她說。
「咁咁多女仔入面，系若嵐同我熟，人哋一定唔會好似你咁冇風度。」




「若嵐有幾好，唔使你講！」

回去和若嵐一起收拾好東西，之後便去營地那邊的場地BBQ。他們已經透好爐，準備好食物飲品等，還有一個大蛋糕。