𣎴能愛上的星級女神: 複雜的感覺

「你既然都可以同我講，點解就唔可以同佢講？」
「因為我希望係佢心目中嘅我，同佢一樣幾乎冇瑕疵。我想佢覺得我好，好似佢咁好。」我想穿回上衣，她阻止我，她手放在我胸膛上，嚴肅又認真地對我說：「明明你頭先先叫我唔好同人比較，咁點解你又要同人比較呢？而且你咁好，又靚仔，份人細心又博學，點解妄自菲薄？」
「你咪一樣，樣靚身材正，識咁多野之餘仲係一線明星。係咪你眼角太高，連高富帥、其他靚仔靚女明星、富二代都睇唔啱炸？」我反問她，把球扔回她身上。我立刻補充：「拿，你唔准講你要追若嵐啊，我唔想同你爭…」
「你唔想我同你爭吖嘛？你調轉黎講嘅？」
我苦笑了笑，想不到潛意識居然是不想與朱浩婷做情敵。

「笑咩？」
「笑我地嘅關係…」她望向我。到底今日第幾次腦海中出現眼前這個女人？「如果…如果你唔係為咗若嵐，你估你今晚仲會唔會留低喺度？」她這句，我不敢去想，亦不敢回答。「明白。」她沒有等很久，便直接下了結論。但我知道如果我再留下，腦中又會無止境地複雜下去。
「你今晚早啲瞓，我都係早d返去，唔食早餐啦，聽日都要開工。」我說，站了起來走到門口。她和我對望的火花好像過了點火，相信她有同感。
「片場見。」她也沒有再留我，「片場見。」我便回去了。





這幾星期，媒體一直跟進報道我、Candice和若嵐的三角關係，連劇組煞科中我們在沙灘打排球和衝浪的照片，都被狗仔隊拍攝到，難怪可以三個星期居於熱搜榜頭三位。

今日若嵐、Candice、Paco和Mark哥上了綜藝節目錄製，玩團隊遊戲，我和家姐也有在廠內跟場。主持人們亦有娛樂性地說她兩個是情敵，戲內戲外也是。玩傳紫菜的最終回，主持人居然把我邀請來Candice和若嵐中間，「貼心」提醒我加點娛樂性。我知道他指觀眾想看我和她們，她們也願意。若嵐傳過來的時候，她總是忍不到笑，還會不小心吻到我而臉紅。但到我傳給Candice時就不一樣，她和我一樣有些𧫴慎又有點緊張，我不敢直視她，她也有故意避開我眼神。但就是太小心才會容易出錯，我還是吻到她一口。歡呼聲此起彼落，但我和她感覺到有些不一樣。

我以為只是那晚喝多了，腦海才會頻頻出現Candice的影像，但這兩三晚做夢，居然也有她的身影。每早醒來，我也會拍拍自己臉頰，我更將手機桌面和訊息背景換成水著的若嵐，提醒自己我喜歡的人是萬若嵐。