𣎴能愛上的星級女神: 星夜（下）

「我有好多野你唔知都好正常啫！」她搶走我手中的果煙，不習慣地吸了一口，「咳咳咳…」
「點呀你？」
「對上一次要食應該系大半年前嗰套戲…咳咳…有啲唔慣…」
「咁你又食？」
「呃…試吓好唔好食呀嘛…」Candice若有所思地苦笑。
「都係咁啦…」我拿回煙，吸了口，抬頭望向最光亮的北斗星。

「今日個天好清…」我感慨，如果程心在她也會喜歡，但她這段時間又不見了，我的心事看來還是要默默吞回腹中。
「喂…」Candice喊我：「不如你教我睇星星？」
「教你？好啦…」我笑了笑，指著北斗星問她：「你咁醒，你估吓呢粒係咩星？」




「唔識…」
「你咪扮嘢喎Candice姐…」
「女仔太醒呢，冇人鍾意㗎…」她似乎語氣中帶點心事，望著我補充：「好似若嵐咁，又純又天真可愛，男定女都係咁多人追…」
「你今日做咩啊？唔似你喎。」我收起嬉皮笑臉，認真關心她。
「冇啊……我都幾羨慕若嵐，無論做啲咩都可以保持住最真嘅自己，唔使理其他人點睇。」她把旁邊的威士忌拿了過來，斟了些少在杯中，問我：「要唔要啊？」「你頭先飲咗好多…」我提點她，她微笑：「飲多一杯。」
「其實你條件咁好，唔使羨慕人喎。」我吸了口煙，深呼吸，再呼出。
「你睇我好，我睇你好啦。」她呷了幾口。
「你同其他人都唔同Level，唔使同人比喎。」
「唔同level？」
「當然啦！其他人都係飲飲食食嘅Level，但係你會不斷吸收唔同嘅知識，即使係演戲以外嘅嘢你都唔會抗拒。我見過一啲二三線嘅明星，佢哋淨係識得抱怨現狀、抱怨冇俾人賞識。但係你從來都冇咁做，你會靠自己實力。」




「多謝你…」對於我的安慰似乎起不了什麼作用，她連續多呷幾口，靠回椅上望向我。在我呼出的煙圈中望向她，腦海再次浮現她那晚坐我大腿上將襯衫脫下靠近我的畫面。我拍拍自己的臉頰，立刻坐起來吸一大口煙，冷靜自己的心思。

「夜啦，我走先啦。」我剛站起，她一手拉住我：「不如陪我傾多陣？」回頭見她已經把酒喝光，臉頰又重新紅了起來。
「你返去訓啦，其實冇咩係解決唔到。唔好同人比較咁多，將心思放返喺自己身上。」我一手拉起她，補充：「我送你返房先。」
到了房門，我打算轉身離開，她把我拉進了房間，關上門，用眼神示意我到床邊坐坐。她坐到我身邊問我：「聽日想唔想…同若嵐一齊食早餐？」
「你想點啊Candice姐？」我取笑她又有什麼新想法。
「張床咁大，你話呢？」她烘近我，我腦海中又再浮現在床上的那個她，我被自己的性幻想嚇得正想站起來離開。
「喂！我講吓咋。你係咪咁想返去啊？坐低同我傾偈啦！」她坐到床上，拍拍她身邊的位置。我坐到她旁邊，但比平時刻意坐開了一點。她見我坐遠了，便坐近了些，我心中的感覺越複雜。

「不如我問下你先？」她主動打破尷尬又複雜的氣氛：「可唔可以知，除咗timing 問題，點解你唔同萬若嵐表白啊？」




「你真係想知？」我一臉認真問，她點點頭。我掏出身份證讓她看，她看了一眼：「男仔？…不過你…」
「細個嗰陣屋企發生咗啲事，嫲嫲怕我爺爺會自尋短見，講咗個大話。最後我自己真嗰張出世紙俾爺爺拎咗去做死亡證，由嗰日開始我揸住嘅出世紙同身份證都係我哥哥嘅身份。」
她很震驚：「所以…你同若嵐識咗咁耐，佢都唔知？」
「可以咁講。」
「但係佢都冇介意，你介意啲咩呢？」她問出了關鍵。我把上衣脫下，雖然如今已經淡化得幾乎沒有疤痕，但我仍然指着乳暈下的位置告訴她：「以前以為佢鍾意男仔，我都擔心自己冇男仔有嘅嘢。好啦，當我知道原來佢鍾意女仔，我又擔心佢介意我冇女仔有嘅嘢。」她望向我，認真地問：「我可唔可以摸吓？」
「當然。」

她溫柔地尋找着我胸膛那條非常淡、幾乎看不見的疤痕。我告訴她：「為咗可以好睇啲，我都花咗好多心思去令到條疤痕冇乜。」她望向我，複雜又曖昧的氣氛再次重臨。