情人節那天，我在衣櫃中找到我生命中的天使: 第十章：今日既風原來有點喧囂？

 
  真係估唔到情人節晚上既海邊喺會咁受歡迎，無論你向住邊個方向望都可以見到一對對既情侶喺到行嚟行去。我同羨婷倆個人慢慢咁行到去尖沙嘴既海邊，一個女仔蹺住一個男仔靜靜咁沿住個海邊喺到行。可能因為係兩個人一齊行既關係，今晚吹過嚟既海風一啲都唔喧鬧。
 
  就喺我地行左唔係好耐之後，眼前冇幾遠有一班拎曬酒樽，好似飲到High High地既呀叔喺到大吵大鬧，特登走到其他情侶嗰到騷擾佢地，呢班人既存在真係破壞曬呢到咁正既氣氛。
 
  見到呢班咁既煩膠我真係想行開少少費時比佢地望到，不過我見羨婷合埋對眼咁一啲反應都冇，唔通佢係想好似頭先一出銅鑼灣地鐵站咁鼓勵我唔好一有少少事就退縮？既然你咁信得過我，咁我都唔理咁多，扮睇佢地唔到咁繼續行先。
 
  「喂呢位哥哥仔，情人節咁好出嚟行海邊呀？」
 
  PK了！話就話有個天使喺我身邊鼓勵我啫，但喺比班咁既呀叔圍住我真係好驚呀。


 
  「係…呀，咁…有啲海風吹下都幾舒服既。」
 
  「幾舒服下話……但係我地見到你就一啲都唔舒服啦。」
 
  之後佢地喺我面前啪一啪手指，即係好似電視入面嗰啲衰人喺後行打人之前一定會做既指定動作咁。嘩我的媽呀，喺呢個moment我真係嚇到想瀨屎呀！佢地咁既款唔係想打我下話？我平時一啲運動都唔會做，個身體其實好潺架喳，潺到一個地步係啲乞丐都唔會嚟昆我買本《如來神掌》囉，萬一真係比佢地打落嚟我真係死得架。
 
  然後真係講都冇人信，呢班呀叔一拳既拳風好似一把劍咁將我同羨婷之間既連結劈開左，本來企定定喺到既我地亦比佢地呢下拳風嚇到失左重心而向後跌。
 
  「哼，睇到我地去死去死團既利害未？」


 
  今鋪真係坑爹囉，好日唔嚟行海邊，一嚟就見到你班去死去死團，有冇咁唔好彩呀？你班咁既呀叔去戲院到買曬啲單數位唔比啲情侶一齊坐咪算囉，走嚟海邊做咩呀。
 
  之不過我跌底其實係好少事，但係羨婷對眼本來就係合埋，比呢班呀叔嚇一嚇之後成個人向後跌嗰時對眼一樣冇打開，佢跌既時候簡直好似玩緊自由落體咁。如果佢真係冇遮冇掩咁跌落嚟既話一定會全身損曬，所以我係跌落去既時候一手將佢抱返過嚟自己個身到，咁樣既話就算佢跌落嚟最多都只會跌喺我個身到，起碼冇咁傷先。
 
  一跌落地下嗰刻，嘩，真係痛到飛起，我都忍唔住合埋眼「呀」咗一聲出嚟。不過唔知羨婷有冇事呢？
 
  我一打開眼就見到羨婷佢成個人壓左落我個身到，雖然佢係有少少重，之不過佢冇跌親咁都好啲。但係我地跌底個動作就有少少尷尬：我就用背脊落地，心口就向天，而羨婷佢就剛剛好同我相反咁背脊向天，結果我地又好似之前喺地鐵咁自己個心口頂番住對方個心口，而且我地兩個今次仲要係訓住喺到，個動作就好似……唉……我都唔知點講好。
 
  而喺呢個時候，羨婷佢又好似啱啱訓醒咁碌大對眼望住我，我都一樣望住佢，兩個人又面都紅曬，繼續訓住喺地下到郁都唔敢郁。


 
  「你個PK仔，兇完你都唔識死仲要喺我地面前曬恩愛咁啦下話？信唔信我真係一拳打到你訓低，等你以後既情人節都冇得嚟海邊。」
 
  「嘩唔好呀！」
 
  我都係比你地嚇到跌底先會咁既啫，你地咁都可以當喺理由打我？去死去死團有冇咁痴線呀？！