話說寫完呢個故都差唔多一年,雖然話咗要寫個後記但後來好似冇咗會事咁,直到近日有人喺Facebook到提一提個故,先知諗起自己仲未寫後記 (唉……),唯有而家寫返

自問對個故同外傳其實都幾滿意 (由其係外傳,最初只係諗住寫單線,點知最後寫成雙線劇情),最近呢幾日重睇多一次,覺得當時既自己其實都幾厲害,居然可以喺冇乜計劃之下寫到個咁完整而且中間又穿插住咁多伏筆既故事

我之前講過我其實一直都係諗到乜就寫乜,腦入面幻想所有角色大約會做乜,然後直接寫出嚟,要寫得返之前既質素一定要好代入個故,相信要寫既話都要一段時間先可以做到

之不過愈係覺得呢個故有趣其實即係覺得呢個故愈難寫,因為我怕寫得唔好就好似對唔住個故咁,要求其寫其實唔難,之不過要post啲自己都唔滿意既內容就真係過唔到自己嗰關





如果你問我會唔會再寫外傳?幾時?

會,唔知幾時,只要我諗到滿意既劇情先會寫 :) 希望你地會等落去



可能有人會想問點解我第二個故一直都唔更新

其實呢……當時我寫到興起,仲寫咗三四篇存貨喺電腦到,點知寫完冇耐電腦就壞咗,乜都冇曬,寫故既動力亦隨之消失,所以一直冇更新


睇下點啦,如果有返動力既話就會寫


今日二月十四日,祝大家……初七人日快樂 :) 同埋快啲揾到自己既天使

 
已有 0 人追稿