如果不是這樣開始: 第一章

如果可以既話，我真係好想時光倒流，我想番到F.1果陣，把握機會，向你表白。我想同你一齊出街挽，一齊傾心事，一齊睇戲食飯，但係…依家已經……
我個名叫做程可兒，係一名中學生。幾年前既2011年9月3日，係我第一日番中學既日子。我一直都好期待中學既生活，因為中學之後，可以同朋友一齊出去出街食lunch，另一個原因可能係受到日本既動漫影響掛。我一直都覺得中學時期係拍拖既美好時機，感覺好似好甜蜜咁，而我既初戀就係想留系中學既時候。我間中學係一間英文中學，而且離我既屋企唔遠。那天，我一大清早就番回到學校，希望可以快d認識新既朋友，番到學校，幾乎每一個學生都係陌生既臉孔，只有幾個係以前既小學同學。打左鐘聲後，新既老師幫我地分配坐位，坐系我隔離既係一個樣子十分正直乖巧既女生，佢個名叫小月，坐我後面係一個樣子感覺有點猥瑣既男學生，佢叫啊耀，而坐我斜後面既男生叫方曉驅，係一個有少少「偽娘」感覺，而且身高都挺高既男生，我就係咁，開始左我既中學生活。