如果不是這樣開始: 第二章

兩日後，老師同我地排高矮排隊，我竟然排到班上第二高既女同學，一個字：爽，而班上最高既女孩叫圓祐音，佢係我最好既朋友，我地平時都一齊傾心事，無論係咩野都可以傾一大餐。過左幾日後，我地開始正式地上堂，我最期待既係上科學堂，因為係我從來都無接觸過科目，系實驗室到，我被編到同祐音，啊耀，方曉驅一組，仲有一個我唔認識既男生，佢個名叫許亦森，樣子有點帥，而且感覺乖巧既男生，我唔知點解，我對佢有點微妙既感覺，但不能理解到係咩既感覺，只係突然間好想做佢既朋友。我以為我可以做到架，但點知我望住佢，我既腦海裡一片空白，完全諗唔到有咩可以同佢傾，除左課堂上既野之外，基本上我無咩點同佢傾過計。回到課室，接下來既中文課，我卻在發呆，系到想緊點解自己會有咁既感覺時，啊耀用力拍了我肩膀一下，我痛到叫左一下，「喂！小朋友做咩上堂夢遊，思春啊？」我猛烈回頭，說：「關你咩事喎…你先係丫！」佢用奇怪既眼神望住我：「睇你個樣，八成失戀啦…」「你好煩！」我忍不住把聲亮提升左，老師指着我地既方向：「你地兩個同我企起身，上堂竟然系到傾計。」我地兩個就咁俾老師罰企……感覺好箊……